ຕາມຂ່າວຕ່າງປະເທດລາຍງານວ່າ ທາງການຈີນປະສົບຄວາມສຳເລັດ ໃນການສົ່ງລູກສອນໄຟປ່ອຍດາວທຽມອີກເທື່ອໜຶ່ງ ໃນວັນທີ 12 ພະຈິກທີ່ຜ່ານມາ ເມື່ອລູກສອນໄຟ“ລອງມາຊ-2ດີ” ໄດ້ຖືກຍິງຂຶ້ນຈາກຖານປ່ອຍດາວທຽມຈິ້ວກວນ ໃນມົນທົນການຊູ ທາງພາກຕາເວັນອອກສຽງເໜືອຂອງປະເທດເພື່ອນຳດາວທຽມ“ຫຍຸນໄຫ່-1” ຂຶ້ນສູ່ວົງໂຄຈອນດາວທຽມຊຶ່ງໄດ້ຮັບການອອກແບບມາເພື່ອກວດຈັບສະພາບແວດລ້ອມ ແລະ ສະພາບອາກາດປ້ອງກັນຫຼືຫຼຸດຄວາມເສຍຫາຍຈາກໄພພິບັດທາງທຳມະຊາດ ແລະ ເພື່ອທົດລອງທາງວິທະຍາສາດ.
ທັງນີ້ລູກສອນໄຟ ແລະ ດາວທຽມໄດ້ຮັບການອອກແບບ ແລະ ຜະລິດໂດຍສະຖາບັນຊຽງໄຮ້ ແຫ່ງເຕັກໂນໂລຊີການເດີນທາງ ດ້ວຍຍານອະວະກາດພາຍໃຕ້ ການຄວບຄຸມຂອງບໍລິສັດໄຊນ່າ ແອໂຣ່ສເປຊ ໄຊແອນ ແອນ ເຕັກໂນໂລຊີ ຄໍປໍເຣຊັນຂອງລັດຖະບານຈີນ.
ຂ່າວ: ເສດຖະກິດ-ສັງຄົມ