ໃນຕອນນີ້ ທ່ານ ໂດນັລ ທຣັມ ຖືວ່າເປັນປະທານາທິບໍດີຄົນທີ່ 45 ຂອງສະຫະລັດອາເມລິກາແລ້ວ ເຫຼືອພຽງແຕ່ການເຂົ້າພິທີສາບານຕົນໃນເດືອນ ມັງກອນ 2017 ກໍ່ຈະເຂົ້າຮັບຕຳແໜ່ງຢ່າງເປັນທາງການ
ໂດຍເມື່ອວັນທີ 12 ພະຈິກ 2016 ເວັບໄຊເດລີເມລ ໄດ້ນຳຂໍ້ມູນເມື່ອວັນທີ 17 ກັນຍາ 2015 ມາເຜີຍໃຫ້ຮັບຮູ້ກັນ ເມື່ອໃນວັນທີ່ ທ່ານ ໂດນັລ ທຣັມ ໄດ້ໄປຮ່ວມງານປາໄສທີ່ເມືອງ ຣໍເຊສເຕີຣ ໃນລັດນິວຢອກ ພ້ອມກັບກ່າວວ່າ: “ສິ່ງທຳອິດທີ່ຂ້ອຍຢາກຈະບອກຄື ຖ້າຫາກຂ້ອຍໄດ້ເປັນປະທານາທິບໍດີ ຂ້ອຍຈະບໍ່ຮັບເງິນເດືອນ ເຂົ້າໃຈບໍ່ ມັນບໍ່ແມ່ນເລື່ອງໃຫຍ່ສຳລັບຂ້ອຍ”
ນອກຈາກນີ້ເມື່ອວັນທີ 21 ກັນຍາ 2015 ປີຜ່ານມາ ໄດ້ມີຜູ້ໃຊ້ບັນຊີທະວິດເຕີ້ຄົນໜຶ່ງ ສົ່ງຄຳຖາມໄປຖາມກັບທະວິດເຕີ້ @realDonald Trump ຂອງໂດນັລທຣັມວ່າ “ທ່ານຈະຖິ້ມເງິນເດືອນປະທານາທິບໍດີແທ້ບໍ່? ຖ້າທ່ານໄດ້ຮັບເລືອກ “
ທາງໂດນັລ ທຣັມ ຈິ່ງໄດ້ອອກຄລິບອັດວິດີໂອຕອບກັບໄປຢ່າງຊັດເຈນວ່າ “ທຸລະກິດຂອງຂ້ອຍສາມາດຫາເງິນໄດ້ຫຼາຍກວ່ານັ້ນ ຖ້າເລື່ອງເງິນເດືອນມັນເຮັດໃຫ້ເປັນກັງວົນຫຼາຍ ຂ້ອຍຈະບໍ່ຂໍຮັບເງິນເດືອນແມ່ນແຕ່ໂດລາດຽວ”
ສຳລັບເງິນເດືອນຂອງປະທານາທິບໍດີສະຫະລັດນັ້ນ ລະບຸໄວ້ວ່າ 400,000 ໂດລາ ຕໍ່ປີ ແລະ ມີເງິນເບ້ຍລ້ຽງພິເສດອີກປະມານ 50,000 ໂດລາ
ຂ່າວຈາກ: http://hilight.kapook.com/view/144978
ຕິດຕາມຂ່າວເສດຖະກິດລາວ ກົດໄລຄ໌ເລີຍ!