Homeຂ່າວການສຶກສາເມືອງທ່າແຕງ ເປີດນໍາໃຊ້ອາຄານ ໂຮງຮຽນ ມສ ຈຸນລາ ຫລັງໃໝ່

ເມືອງທ່າແຕງ ເປີດນໍາໃຊ້ອາຄານ ໂຮງຮຽນ ມສ ຈຸນລາ ຫລັງໃໝ່

Published on

ຂປລ. ອາທິດ​ຜ່ານມາ​ນີ້, ພິທີມອບ-ຮັບ ແລະ ເປີດນຳໃຊ້ ໂຮງຮຽນ ມສ ຈຸນລາ ຫລັງໃໝ່ ໄດ້ຈັດຂຶ້ນທີ່ ໂຮງຮຽນບ້ານຈຸນລາ ເມືອງທ່າແຕງ ແຂວງເຊກອງ ໂດຍການເຂົ້າຮ່ວມຂອງ ທ່ານ ຂັນແກ້ວ ໂຮມອິນຕາ ຫົວໜ້າພະແນກສຶກສາທິການ ແລະ ກິລາແຂວງ, ທ່ານ ພູວົງ ກອງຊັບ ຫົວໜ້າເຂດຈຸດສຸມພັດທະນາທີ 4 ແລະ ຄູ-ອາຈານເຂົ້າຮ່ວມ.

ທ່ານ ສົມປະສິດ ຊາຍດອກສິນ ຕາງໜ້າບໍລິສັດ ສອນກໍ່ສ້າງສ້ອມແປງ ແລະ ເຄຫາສະຖານ ແຂວງເຊກອງ ກ່າວວ່າ: ​ໂຮງຮຽນມັດທະສົມບູນ (ມສ) ບ້ານຈຸນລາ ໄດ້ເລີ່ມລົງມືກໍ່ສ້າງແຕ່ ວັນທີ 4 ກຸມພາ 2014  ​ແລະ ສໍາ​ເລັດ​ສົມບູນ​ໃນ ວັນທີ 12 ກຸມພາ 2016, ມູນຄ່າ 5 ​ເກືອບຕື້ກີບ ໂດຍແມ່ນທຶນຂອງລັດຖະບານລາວ ຊຶ່ງເປັນອາຄານ 2 ຊັ້ນ, ໂຄງສ້າງເສີມເຫລັກ, ມີ 10 ຫ້ອງຮຽນ, ຫ້ອງການຄູ 2 ຫ້ອງຄູ ແລະ ມີ 12 ຫ້ອງນໍ້າ ​ແລະ ສາມາດຮອງຮັບນັກຮຽນ ໄດ້ທັງໝົດ 40 ຄົນຕໍ່ຫ້ອງຮຽນ.

ທ່ານ ຂັນແກ້ວ ໂຮມອິນຕາ ໄດ້​ສະ​ແດງ​ຄວາມ​ຮູ້ສຶກ​ພາກພູມ​ໃຈ​ຢ່າງ​ລົ້ນ​ເຫລື​ອ ມາຍັງການນໍາພັກ-ລັດ ທີ່ເຫັນໄດ້ຄວາມໝາຍສຳຄັນ ແລະ ນຳໃຊ້ທຶນຮອນຈຳນວນດັ່ງກ່າວ ​ກໍ່ສ້າງ​ໂຮງຮຽນ ​ເພື່ອ​ຮັບ​ໃຊ້​ເຂົ້າ​ໃນ​ວຽກງານການສຶກສາ ໃຫ້ໄດ້ຕາມແຜນພັດທະນາວຽກງານ ການສຶກສາແຕ່ນີ້ຮອດປີ 2020.
ແຫລ່ງຂ່າວ:
ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...