spot_img
Homeຂ່າວເຫດການລະວັງ! ພະຍາດໄຂ້ເລືອດອອກ ມີຜູ້ຕິດເຊື້ອເພີ່ມເປັນ 4.800 ກວ່າຄົນແລ້ວ ​

ລະວັງ! ພະຍາດໄຂ້ເລືອດອອກ ມີຜູ້ຕິດເຊື້ອເພີ່ມເປັນ 4.800 ກວ່າຄົນແລ້ວ ​

Published on

ໜ່ວຍ​ເຝົ້າ​ລະວັງ​ພະຍາດ​​, ກະຊວງ​ສາທາລະນະ​ສຸກ​​ລາຍງານວ່າ: ເຖິງແມ່ນວ່າສະພາບອາກາດຂອງປະເທດເຮົາຈະກ້າວເຂົ້າສູ່ລະດູແລ້ງ ແລະ ເລີ່ມໜາວກໍຕາມ, ແຕ່ປັດຈຸບັນ​ການລະບາດ​ຂອງ​​​ໄຂ້ຍຸງ​ລາຍ​ຢູ່​ຫລາຍແຂວງມີ​ແນວ​ໂນ້ມ​ເພີ່ມ​ຂຶ້ນ, ໂດຍສະເພາະແມ່ນບັນດາແຂວງພາກໃຕ້ ແລະ ນະຄອນຫຼວງວຽງຈັນ, ​ຊຶ່ງນັບແຕ່ເດືອນມັງກອນມາຮອດດຽວນີ້ທົ່ວປະເທດມີຍອດຜູ້ຕິດເຊື້ອແລ້ວຫຼາຍກວ່າ 4.800 ຄົນ, ເພີ່ມຂຶ້ນຈາກເດືອນຜ່ານມາ 600  ກວ່າຄົນ, ໃນນັ້ນມີຜູ້ເສຍຊີວິດ 10 ຄົນຄື: ແຂວງຈໍາປາສັກມີຜູ້ຕິດເຊື້ອ 1,269 ກໍລະນີ​, ເສຍ​ຊີວິດ 7 ຄົນ, ນະຄອນຫຼວງວຽງຈັນ 889 ກໍລະນີ, ​ເສຍ​ຊີວິ 1 ຄົນ; ຄຳມ່ວນ 601 ກໍລະນີ; ບໍລິຄຳໄຊ 596 ກໍລະນີ, ສຍ​ຊີວິດ 1 ຄົນ; ສະຫັວນນະເຂດ 565 ກໍລະນີ; ສາລະວັນ 194 ກໍລະນີ, ເສຍຊີວິດ 1 ຄົນ; ອັດຕະປື 156 ກໍລະນີ; ວຽງຈັນ  135 ກໍລະ ນີ; ເຊກອງ  122 ກໍລະນີ; ຫຼວງພະບາງ 124 ກໍລະນີ; ​ອຸດົມໄຊ 88 ກໍລະນີ; ຫຼວງນ້ຳທາ 26 ກໍລະນີ; ໄຊຍະບູລີ 15 ກໍລະນີ; ບໍ່ແກ້ວ  7 ກໍລະນີ; ໄຊສົມບຸນ 6 ກໍລະນີ  ແລະ ແຂວງ​ອື່ນໆ​ອີກຈຳນວນໜຶ່ງ.

ເຖິງວ່າຜ່ານມາ, ກະຊວງ​ສາທາລະນະ​ສຸກ ແລະ ອຳນາດການປົກຄອງໄດ້ສຸມໃສ່ການປ້ອງກັນ ແລະ ສະກັດກັ້ນພະຍາດດັ່ງກ່າວຢ່າງຈິງຈັງ ດ້ວຍການຮ່ວມ​ມືກັນໂຄສະນາ ແນະນຳປະຊາຊົນ​ປ້ອງ​ກັນ​ຕົນ​ເອງ ​ແລະ ທຳລາຍ​ແຫລ່ງ​ເພາະ​ພັນ​ຂອງ​ຍຸງ​ລາຍ​ຢູ່​ຕາມ​ບ້ານເຮືອນ ​ແລະ ​ເຂດ​ທີ່​ມີ​ຄວາມ​ສ່ຽງ​ຕ່າງໆ, ແຕ່ກໍເຫັນວ່າການລະບາດຂອງພະຍາດດັ່ງກ່າວຍັງບໍ່ມີແນວໂນມຫລຸດລົງ, ກົງກັນຂ້າມຊ້ຳພັດມີລັກສະນະຂະຫຍາຍອອກສູ່ວົງກ້ວາງ, ແຕ່ເຖິງຢ່າງໃດກໍຕາມເນື່ອງຈາກປັດຈຸບັນສະພາບອາກາດມີການປ່ຽນແປງ, ຊຶ່ງອາດເປັນເງື່ອນໄຂໃຫ້ແກ່ຍຸງລາຍພາ ຫະນຳເຊື້ອໄຂເລືອດອອກຂະ ຫຍາຍພັນໄດ້ໄວ ແລະ ອາດມີການລະບາດຂອງໄຂ້ເລືອດ ອອກດັ່ງທີ່ເຄີຍເປັນມາ, ຈຶ່ງນຳສະເໜີໃຫ້ພວກເຮົາທຸກຄົນຈົ່ງເພີ່ມທະວີການເຝົ້າລະວັງ ແລະ ປະຕິບັດມາດຕະການໂຕ້ຕອບ, ຖ້າມີລັກສະນະການເກີດເປັນຈຸ້ມໃຫ້ລາຍງານກະຊວງສາທາລະນະສຸກດ່ວນ ແລະ ສົ່ງຂ່າວໃຫ້ສູນກາງຊາບຖ້າຕ້ອງ ການຄວາມຊ່ວຍເຫຼືອ

ສຳລັບພາກສ່ວນກ່ຽວຂ້ອງກໍໃຫ້ເພີ່ມທະວີໃນການສະກັດກັ້ນ ແລະ ປ້ອງກັນພະຍາດດັ່ງກ່າວຢ່າງເຂັ້ມງວດ, ພ້ອມທັງຮຽກຮ້ອງໃຫ້ປະຊາຊົນ​ເປັນເຈົ້າການປະຕິບັດຄຳ​ຂັວນ 5 ປ ທີ່​ກະຊວງ​ສາທາລະນະ​ສຸກ​ວາງ​ອອກ​ຢ່າງ​ເຂັ້ມ​ງວດ​ຄື:

  1. ປິດ​ຝາ​ພາຊະນະ​ທີ່​ເກັບ​ນ້ຳ​ໃນ​ເຮືອນ ​ແລະ ນອກ​ເຮືອນ​​ເພື່ອ​ບໍ່​ໃຫ້​ຍຸງ​ມາ​ໄຂ່​ໃສ່.
  2. ປ່ຽນ​ນ້ຳ​ໃນ​ພາຊະນະ​ເຊັ່ນ: ​ເຕົ້າ​ດອກ​ໄມ້, ນ້ຳ​ຮອງ​ຕີນ​ຕູ້, ຖ້ານ​ຮອງ​ຈອກ​ນ້ຳ.
  3. ປ່ອຍ​ປາ​ຫາງ​ນົກ​ຍູງ​ເພື່ອ​ກິນ​ໜອນ​ນ້ຳ.
  4. ປັບປຸງ​ການ​ອະນາ​ໄມ​ສິ່ງ​ແວດ​ລ້ອມ​ອ້ອມ​ເຮືອນ​ບໍ່​ໃຫ້​ມີ​ກະ​ໂປະ​, ກະປ໋ອງ, ຢາງ​ຕີນລົດ​ເກົ່າ​ທີ່​ມີ​ນ້ຳ​ຂັງ
  5. ປະຕິບັດ​ໃຫ້​ເປັນນິ​ໃສ​ປະຈຳ​ທຸກໆ​ອາທິດ ​

ຖ້າ​ຫາກ​ເປັນ​ໄຂ້​ໃຫ້​ໄປ​ພົບ​ແພດ​ໝໍ​ດ່ວນເພື່ອສາມາດຈຳກັດພະຍາດນີ້ໃຫ້ນັບມື້ຫຼຸດໜ້ອຍຖອຍລົງ ແລະດັບສູນ.

ຂ່າວ: ລາວພັດທະນາ

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...