ສຳນັກຂ່າວປະເທດຈີນລາຍງານວ່າ ສາດສະດາຈານ ກົວຊູ່ຈົງ ແລະທີມແພດໝໍ ໂຮງໝໍໃນມະຫາວິທະຍາໄລຈຽວທົງ ເມືອງຊີອານ ໄດ້ປະສົບຄວາມສຳເລັດໃນການຜ່າຕັດຕໍ່ໃບຫູທຽມ ໃຫ້ກັບຄົນເຈັບທີ່ປະສົບອຸປະຕິເຫດທາງລົດຍົນ ເມື່ອ 1 ປີກ່ອນ ຈົນຫູເບື້ອງຫວາຂາດ ໄດ້ຮັບຄວາມເສຍຫາຍຢ່າງແຮງ ເຮັດໃຫ້ມີບັນຫາໃນການໃຊ້ຊີວິດ
ດັ່ງນັ້ນ, ທາງທີມແພດໝໍ ຈຶ່ງໄດ້ໃຊ້ກະດູກອ່ອນບໍລິເວນກະດູກຂ້າງ ຂອງຄົນເຈັບ ມາສ້າງເປັນໂຄງຫູ ແລ້ວຝັງໂຄງໃບຫູນັ້ນລົງໄປເທິງແຂນຂອງຄົນເຈັບ ເພື່ອໃຫ້ຜິວໜັງຖືກສ້າງຂຶ້ນມາ ໃຫ້ມີລັກສະນະໃກ້ຄຽງກັບໃບຫູແທ້, ຈາກນັ້ນ ຈຶ່ງໄດ້ຜ່າຕັດເອົາໃບຫູຢູ່ເທິງແຂນເອົາໄປຕໍ່ເປັນໃບຫູຂອງຄົນເຈັບໄດ້ສຳເລັດ