ກຽມຕົວພົບກັບຮູບເງົາພາກຕໍ່ຂອງພໍ່ມົດ Harry Potter ຢ່າງ Fantastic Beasts and Where to Find Them ພາກ 1 ທີ່ມີກຳນົດອອກສາຍໃນວັນທີ 17 ພະຈິກ 2016 ນີ້ ເຊິ່ງ ເຈເຄ ໂຣລິ່ງ ອອກມາເປີດເຜີຍວ່າ ຮູບເງົາເລື່ອງນີ້ ອາດຈະມີຮອດ 5 ພາກ ແລະ ຂ່າວວ່າພາກ 2 ນັ້ນ ເຮົາຈະເຫັນສາດສະດາຈານ ດັມເບີລດໍຣ ກັບມາປະກົດຕົວອີກຄັ້ງ
ໂດຍ ເດວິດ ເຍດສ໌ ອອກມາຢືນຢັນເປັນທີ່ຮຽບຮ້ອຍແລ້ວວ່າ ສາດສະດາຈານ ດັມເບີລດໍຣ ຈະກັບມາໃນ Fantastic Beasts 2 ຢ່າງແນ່ນອນ ເຊິ່ງພາກສອງນີ້ຄາດວ່າຈະອອກສາຍໃນປີ 2018
ເນື້ອເລື່ອງ Fantastic Beasts and Where to Find Them ນັ້ນເປັນເລື່ອງລາວທີ່ເລົ່າຍ້ອນກັບໄປເມື່ອ 70 ປີກ່ອນທີ່ຈະເກີດເລື່ອງລາວຂອງ Harry Potter ທີ່ໃນຂະນະນັ້ນ ສາດສະດາ ຈານ ດັມເບິລດໍຣ ຍັງບໍ່ໄດ້ເປັນອາຈານທີ່ ຮອກວອດສ໌ ແລະ ຍັງມີຂ່າວມາວ່າໃນພາກນີ້ ຈະໄດ້ເຈົ້າພໍ່ຮູບເງົາແຟນຕາຊີ ຢ່າງ ຈອນນີ່ ເດບ ມາຮ່ວມສະແດງນຳ ແຕ່ຈະເປັນຕົວລະຄອນໃດນັ້ນຍັງບໍ່ໄດ້ຮັບການເປີດເຜີຍ
ນັກສະແດງນຳ Fantastic Beasts and Where to Find Them ພາກທຳອິດນຳໂດຍ: ເອັດດີ້ ເຣດເມຍ໌ ຈະຮັບບົດເປັນ ນິວທ໌ ຮ່ວມດ້ວຍນັກສະແດງມືອາຊີບຢ່າງ: ເຄທເທີຣິນ, ວໍເຕີຕັນ, ອາລີສັນ ຊູດໍລ, ແດນ ຟັອກເລຮ, ຊາແມນທາ ມໍຕັນ, ຄາຣເມນ ອີໂຈໂກ, ເອຊຣ່າ ມິລເລີ, ຣອນ ເພີລແມນ ແລະ ພະເອກ ໂຄລິນ ຟາຣເຣລ
ຕອນນີ້ເຮົາມີຕົວຢ່າງຮູບເງົາ Fantastic Beasts and Where to Find Them ພາກ 1 ທີ່ມີກຳນົດອອກສາຍໃນວັນທີ 17 ພະຈິກ 2016 ນີ້ ມາໃຫ້ເບິ່ງອຸ່ນເຄື່ອງກັນກ່ອນ
https://youtu.be/lbdLF5aurAo