Homeມູມໄອທີລາວລັດພວມຫາວິທີຄຸ້ມຄອງສື່ອອນລາຍນ໌

ລັດພວມຫາວິທີຄຸ້ມຄອງສື່ອອນລາຍນ໌

Published on

facebook

ລັດຖະບານ, ໄດ້ມອບໃຫ້ພາກສ່ວນກ່ຽວຂ້ອງຊອກຫາວິທີຄຸ້ມຄອງສື່ສັງຄົມ ອອນລາຍໂດຍສະ ເພາະທະວິດເຕີ (twitter), ເຟສບຸກ (facebook) ແລະ ອື່ນໆ, ພາຍຫລັງເຫັນວ່າການເປີດກວ້າງໃຫ້ສັງຄົມນຳໃຊ້ສື່ດັ່ງກ່າວຢ່າງເສລີຫລາຍ ເກີນໄປໃນໄລ ຍະຜ່ານມານັ້ນມີຂໍ້ເສຍຫລາຍກວ່າຂໍ້ດີ.

ທ່ານ ຫຽມ ພົມມະຈັນ ລັດຖະມົນຕີວ່າການກະຊວງໄປສະນີ, ໂທລະຄົມມະ ນາຄົມ ແລະ ການສື່ສານ ໃຫ້ຮູ້ວ່າ: ໃນໄລ ຍະຜ່ານມາ, ລັດຖະບານໄດ້ມີນະໂຍ ບາຍເປີດກວ້າງໃຫ້ສັງຄົມສາມາດເຂົ້າເຖິງຂໍ້ມູນຂ່າວສານຜ່ານລະບົບອິນເຕີເນັດເພື່ອໃຫ້ ປະຊາຊົນໄດ້ຮຽນຮູ້ສິ່ງທີ່ມີປະໂຫຍດ ຈາກສື່ດັ່ງກ່າວໄດ້ຢ່າງເສລີເພື່ອປະກອບສ່ວນເຂົ້າໃນການພັດທະນາເວດຖະກິດ-ສັງຄົມ ຂອງຊາດ, ແຕ່ແລ້ວການປະປ່ອຍໃຫ້ ສັງຄົມນຳໃຊ້ແບບເສລີ ແລະ ບໍ່ມີການກັ່ນຕອງນັ້ນຂໍ້ດີກໍແມ່ນເປັນເວທີເຜີຍແຜ່ຂໍ້ມູນ ຂ່າວສານທາງດ້ານສາລະໜ້າຮູ້, ຄວາມ

ບັນເທິງ, ກິລາ, ການໂຄສະນາປະຊາສຳພັນທີ່ມີປະໂຫຍດຕໍ່ບຸກຄົນ, ອົງການ, ຫົວ ໜ່ວຍທຸລະກິດຕ່າງໆ, ແຕ່ຄຽງຄູ່ກັນນັ້ນ ມັນກໍມີຂໍ້ເສຍຕ່າງໆໂດຍສະເພາະເປັນເຄື່ອງມືໃຫ້ກັບກຸ່ມຄົນບໍ່ດີນຳໃຊ້ເປັນຊ່ອງທາງ ເພື່ອໂຈມຕີແນວທາງນະໂຍບາຍຂອງປະ ເທດເຮົາ, ສ້າງຄວາມປັ່ນປ່ວນໃນສັງຄົມໃຫ້ເກີດຄວາມແຕກແຍກຄວາມສາມັກຄີ, ລວມເຖິງນຳໃຊ້ເພື່ອການຕົວະຍົວະ ຫລອກລວງອັນກໍໃຫ້ເກີດການເຂົ້າໃຈຜິດທີ່ຂັດກັບສີນທຳ, ວັດທະນະທຳ ແລະ ແນວ ທາງການເມືອງຂອງປະເທດເຮົາ. ສະນັ້ນ, ເພື່ອເປັນການເສີມຂະຫຍາຍອັນດີ ແລະ ຕີຖອຍບັນດາສິ່ງຫຍໍ້ທໍ້, ລັດຖະບານ ຈຶ່ງໄດ້ມອບໝາຍໃຫ້ກະຊວງໄປ ສະນີ, ໂທລະຄົມມະນາຄົມ ແລະ ການສື່ສານເປັນເຈົ້າການຄົ້ນຄວ້າສ້າງນິຕິກຳຂຶ້ນມາຕື່ມອີກ ເພື່ອໃຫ້ສາມາດຄຸ້ມຄອງການ ນຳໃຊ້ສື່ສັງຄົມອອນລາຍ ຫລື ອີນເຕີເນັດຢູ່ປະເທດເຮົາໃຫ້ຖືກຕ້ອງຕາມລະບຽບກົດໝາຍຄືກັບຫຼາຍໆປະເທດທັງຮັບປະກັນ ໃຫ້ສັງຄົມໄດ້ເຂົ້າເຖິງຂໍ້ມູນຂ່າວສານສະລະໜ້າຮູ້ທີ່ມີປະໂຫຍດເພື່ອມາພັດທະນາສ້າງສາປະເທດຊາດໃຫ້ມີຄວາມຈະເລີນ ຮຸ່ງເຮືອງ.

ທີ່ມາຂ່າວ http://laophatthananews.blogspot.com/2014/07/blog-post_5543.html

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...