spot_img
Homeຂ່າວຕ່າງປະເທດປະທານາທິບໍດີຟິລິບປິນ ສັ່ງຕຳຫລວດຍົກເລີກ ຊື້ປືນອາເມຣິກາ 26,000 ກະບອກ!

ປະທານາທິບໍດີຟິລິບປິນ ສັ່ງຕຳຫລວດຍົກເລີກ ຊື້ປືນອາເມຣິກາ 26,000 ກະບອກ!

Published on

ສຳນັກຂ່າວຕ່າງປະເທດ ລາຍງານໃນວັນທີ 8 ພະຈິກນີ້ວ່າ ທ່ານ ໂຣດຣິໂກ ດູເຕີເຕ ປະທານາທິບໍດີຟິລິບປິນ ໄດ້ອອກຄຳສັ່ງໃຫ້ ເຈົ້າໜ້າທີ່ຕຳຫລວດຂອງຕົນ ຍົກເລີກການສັ່ງຊື້ປືນໄຣເຟິນ M-4 ຈຳນວນ 26,000 ກະບອກ ຈາກສະຫະລັດອາເມຣິກາ ພາຍຫລັງທີ່ເຈົ້າໜ້າທີ່ລະດັບສູງຂອງອາເມຣິກາ ໄດ້ອອກມາລະບຸເມື່ອທ້າຍເດືອນຕຸລາຜ່ານມາວ່າ ພວກເຂົາຈະລະງັບການຂາຍປືນດັ່ງກ່າວ ໃຫ້ແກ່ຟິລິບປິນ ເນື່ອງຈາກເປັນຫ່ວງເລື່ອງການລະເມີດສິດທິມະນຸດ ໃນການເຮັດສົງຄາມຕໍ່ຕ້ານຢາເສບຕິດຂອງຟິລິບປິນ.

ທ່ານ ດູເຕີເຕ ກ່າວວ່າ ” ເຮົາຈະບໍ່ຍອມຕື້ໄປຊື້ປືນແພງໆຈາກສະຫະລັດຯ, ເຮົາສາມາດຈັດຫາພວກມັນໄດ້ຈາກບ່ອນອື່ນໄດ້ສະເໝີ ຂ້າພະເຈົ້າກຳລັງອອກຄຳສັ່ງໃຫ້ຕຳຫລວດ ຍົກເລີກເລື່ອງນີ້, ເຮົາບໍ່ຕ້ອງການມັນ ”

ທັງນີ້ ຄວາມສຳພັນລະຫວ່າງຟິລິບປິນ ແລະ ສະຫະລັດອາເມຣິກາ ຊຶ່ງເປັນພັນທະມິດກັນມາຍາວນານ ໄດ້ເຂົ້າສູ່ໄລຍະຕົກຕ່ຳລົງ ນັບຕັ້ງແຕ່ປະທານາທິບໍດີ ດູເຕີເຕ ບໍ່ພໍໃຈຕໍ່ສະຫະລັດອາເມຣິກາ ທີ່ວິພາກວິຈານການກວາດລ້າງຢາເສບຕິດຂອງທ່ານ ດ້ວຍມາດຕະການຮຸນແຮງ ສົ່ງຜົນເຮັດໃຫ້ມີຜູ້ເສຍຊີວິດຫລາຍພັນຄົນ.

 

 

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...