ໃນວາລະດຳເນີນກອງປະຊຸມ ສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ VIII ເມື່ອທ້າຍເດືອນຜ່ານມາ ທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ໄດ້ຕອບຄຳຊັກຖາມຈາກ ສສຊ ກ່ຽວກັບ ແລວທາງເຂດສະຫງວນ ໂຄງການກທາງລົດໄຟ ລາວ-ຈີນ ໂດຍໄດ້ລະບຸວ່າ ກະຊວງໂຍທາທິການ ແລະ ຂົນສົ່ງ ໄດ້ມີການປຶກສາຫາລື ກັບບໍລິສັດກໍ່ສ້າງ ເຊິ່ງເປັນໄປໄດ້ ໃນການຫລຸດເຂດສະຫງວນແລວທາງລົງ ແຕ່ຕ້ອງໄດ້ຮັກສາຄວາມປອດໄພ ໂດຍສະເພາະເຂດທົ່ງນາ ທີ່ຕ້ອງຮັກສາໄວ້ໃຫ້ປະຊາຊົນ ໃນການທຳມາຫາກິນຄືເກົ່າ ແລະ ຫາກທາງລົດໄຟຕິດກັບທາງຫລວງ ກໍສາມາດຫລຸດເຂດສະຫງວນລົງໄດ້ ເຊິ່ງຕ້ອງໄດ້ສຳຫລວດ ແລະ ເບິ່ງຕົວຈິ່ງ, ສຳລັບຄ່າຊົດເຊີຍຕໍ່ປະຊາຊົນຜູ້ທີ່ໄດ້ຮັບຜົນກະທົບ ທາງຄະນະກຳມະການ ອົງການປົກຄອງທ້ອງຖິ່ນ ໄດ້ຄິດໄລ່ຄ່າຊົດເຊີຍ ເງິນຊົດເຊີຍເບື້ອງຕົ້ນ ປະມານ 500 ລ້ານຢວນ ແຕ່ວ່າອາດຈະບໍ່ພຽງພໍ ເຊິ່ງໂດຍປົກກະຕິແລ້ວ ຄ່າຊົດເຊີຍທີ່ດິນ ແລະ ສິ່ງປຸກສ້າງຕ່າງໆ ແມ່ນຄວາມຮັບຜິດຊອບຂອງ ລັດຖະບານ ສປປ ລາວ, ແຕ່ເຖິງຢ່າງໃດກໍຕາມ ລັດຖະບານລາວ ຍັງໄດ້ເຈລະຈາ ກັບບໍລິສັດຮ່ວມທຶນ ລາວ-ຈີນ ໃນການຊົດເຊີຍ ແຕ່ຕ້ອງໄດ້ຄິດໄລ່ ຕາມສະພາບຄວາມເປັນຈິງ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!