ໜຶ່ງໃນບັນຫາທີ່ອາດເກີດຂຶ້ນກັບຊ່ອງຄອດໄດ້ກໍຄື ເລື່ອງຂອງເຊື້ອລາ ສາວໆທຸກຄົນມີໂອກາດທີ່ຈະເປັນໄດ້ ເຖິງຈະບໍ່ແມ່ນໂລກທີ່ຮ້າຍແຮງແຕ່ກໍບໍ່ຄວນເບິ່ງຂ້າມ.
ສັງເກດອາການ: ອາການເລີ່ມຕົ້ນລົງຂາວຈະມີສີຂາວ ຫຼືສີເຫຼືອງເປັນກ້ອນຄ້າຍຄືນົມບູດ ມີກິ່ນທີ່ຜິດປົກກະຕິ ໂດຍຊ່ອງຄອດຈະເກີດອາການຄັນ ແຕ່ຖ້າກວນຫຼາຍກໍຈະເກີດອາການອັກເສບໄດ້.
ວິທີປ້ອງກັນເຊື້ອລາໃນຊ່ອງຄອດ
- ຮັກສາຄວາມສະອາດຊຸດຊັ້ນໃນໃຫ້ແຫ້ງ ແລະສະອາດ ບໍ່ໃຫ້ຕາກໃສ່ບ່ອນບໍ່ມີແສງແດດ
- ເລືອກນຸ່ງໂສ້ງທີລະບາຍອາກາດໄດ້ດີ ບໍ່ໃຫ້ປຽກ ຫຼືຊຸ່ມນໍ້າເຫື່ອ ບໍ່ໃສ່ຊຸດຊັ້ນໃນທີ່ຮັດເກີນໄປ
3.ກິນໂຢເກີດທີ່ມີຈຸລິນຊີ ສາມາດຊ່ວຍຜ່ອນອັດຕາການເປັນເຊື້ອລາໃນຊ່ອງຄອດ
4.ຜ່ອນການກິນຂອງຫວານ ເພາະຂອງຫວານໆເພີ່່ມປະລິມານນໍ້າຕານໃນເຊວຕ່າງໆ ຊຶ່ງພົບເຫັນວ່າເປັນອາຫານທີ່ມັກຂອງເຊື້ອລາ ເຮັດໃຫ້ເຊື້ອລາຈະເຈີນເຕີບໂຕໄດ້
- ຫຼີກເວັ້ນອາຫານທີ່່ແພ້
- ຄວນຮູ້ຈັກຜ່ອນຄາຍເຮັດໃຈໃຫ້ສະບບາຍ ເພາະການຄຽດເປັນສາເຫດທີ່ເຮັດໃຫ້ເກີດພະຍາດກໍ່ຕົວ
- ບໍ່ຄວນນຸ່ງໂສ້ງແອວຕໍ່າ ແລະຮັດໆ
- ການຮັກສາຄວາມສະອາດ ຄວນໃຊ້ແຕ່ນໍ້າທີ່ສະອາດ ຫຼືສະບູ ສໍາຫຼັບຜູ້ທີ່ມັກໃຊ້ນໍ້າຢາເຮັດຄວາມສະອາດຊ່ອງຄອດ ຖ້າໃຊ້ດົນອາດເຮັດໃຫ້ຄວາມເປັດກົດໃນຊ່ອງຄອດປ່ຽນແປງ ເປັນສາເຫດເຮັດໃຫ້ມີເຊື້ອລາເກີດຂຶ້ນໄດ້ ແລະບາງຄົນອາດແພ້ສານເຄມີໃນນໍ້າຢາອີກ
- ໝັ່ນຮັກສາສຸຂະພາບຮ່າງກາຍໃຫ້ແຂງແຮງຢູ່ສະເໝີ ເພື່ອຮ່າງກາຍຈະໄດ້ມີພູມຕ້ານທານຕໍ່ຕ້ານເຊື້ອພະຍາດ
- ລະວັງການກິນຢາ ສໍາຫຼັບຄົນທີ່ກິນຢາແກ້ອັກເສບ ກິນຢູ່ຄຸມກໍາເກີດເປັນເວລາດົນ ຫຼືໄດ້ຮັບຢາປ້ອງກັນເຊັ່ນ: ປ້ອງກັນພະຍາດທາງເລືອດ ຫຼືການບໍາບັດນັ້ນ ຈະສົ່ງຜົນເຮັດໃຫ້ແບັກທີເລີຍຫຼຸດລົງ ສົ່ງຜົນໃຫ້ມີໂອກາດສ່ຽງໃນການເກີດເຊື້ອລາໃນຊ່ອງຄອດໄດ້ງ່າຍ
- ເລືອກກິນຜັກ ແລະໝາກໄມ້ໃຫ້ຫຼາຍ ເພື່ອທີ່ຈະຮັບສານຕ້ານອະນຸມຸນອິສະລະ ທັງເປຍັງເປັນການສົ່ງເສີມໃຫ້ສາວໆມີຜິວງາມ ແລະສຸຂະພາບດີ