spot_img
Homeຂ່າວເຫດການລັດຈະເລັ່ງຄວບຄຸມລາຄາສິນຄ້າ ບໍ່ໃຫ້ເໜັງຕີງແຮງ

ລັດຈະເລັ່ງຄວບຄຸມລາຄາສິນຄ້າ ບໍ່ໃຫ້ເໜັງຕີງແຮງ

Published on

ພາຍຫລັງລັດຖະບານມີແຜນວ່າຈະເພີ່ມເງິນເດືອນພະນັກ ງານລັດຖະກອນຈໍານວນ 500 ກີບ ຕໍ່ດັດສະນີໃນປີໜ້ານີ້, ກໍໄດ້ມີກະແສເປັນຫວ່ງຈາກສັງຄົມວ່າອາດຈະມີການສວຍໂອກາດຂຶ້ນລາຄາສີນຄ້າຂອງຊາວຄ້າຂາຍ ແລະ ຕໍ່ບັນຫານີ້, ທ່ານນາຍົກລັດຖະມົນຕີ ທອງລຸນ ສີສຸລິດ ກໍໄດ້ອອກມາຢືນຢັນວ່າ: ລັດຖະບານຈະເນັ້ນໃຫ້ຂະແໜງກ່ຽວຂ້ອງເພີ່ມທະວີການຄວບຄຸມລາຄາສີນຄ້າບໍ່ໃຫ້ເໜັງຕີງແຮງ, ເນື່ອງຈາກວ່າການເໜັງຕີງຂອງລາຄາສິນຄ້າຕາມທ້ອງຕະຫລາດແມ່ນມີຜົນກະ ທົບຢ່າງກວ້າງ ຂວາງຕໍ່ການດຳລົງຊີວິດຂອງປະຊາຊົນ, ພະນັກງານລັດຖະກອນ ກໍຄືຜູ້ມີລາຍໄດ້ຕໍ່າ ແລະ ໄລຍະຜ່ານມາ, ລັດຖະບານໄດ້ເອົາໃຈໃສ່ຕິດຕາມ ແລະ ຊີ້ນຳຢ່າງເປັນປົກກະຕິຕໍ່ຂະແໜງກ່ຽວຂ້ອງໃຫ້ມີມາດຕະການຄຸ້ມຄອງລາຄາສິນຄ້າຕາມກົນໄກຕະຫລາດ.

ແຕ່ເຖິງຢ່າງໃດກໍຕາມ, ການເໜັງຕີງລາຄາສິນຄ້າແມ່ນເກີດຈາກຫລາຍປັດໄຈເຊັ່ນ: ການສວຍໂອກາດຂຶ້ນລາຄາຂອງຜູ້ຄ້າຂາຍຍ້ອນຄວາມຕ້ອງການຫລາຍກວ່າການສະໜອງ, ການຜະລິດພາຍໃນບໍ່ເຂັ້ມແຂງ, ການຜະລິດສິນຄ້າຈຳນວນໜຶ່ງອີງໃສ່ລະດູການຈຶ່ງເຮັດໃຫ້ເກີດຄວາມຂາດເຂີນໃນບາງຊ່ວງ ແລະ ອື່ນໆ.

ແຕ່ແນວໃດກໍຕາມ, ເພື່ອໃຫ້ສະພາບລາຄາສິນຄ້າມີຄວາມສະຫງົບນັ້ນສໍາລັບມາດຕະການສະເພາະໜ້າກໍຍັງແມ່ນສືບຕໍ່ປັບປຸງນິຕິກຳ ແລະ ສ້າງລະບຽບທີ່ຈຳເປັນເພີ່ມຕື່ມເພື່ອໃຫ້ແທດເໝາະກັບສະພາບຕົວຈິງໃນປັດຈຸບັນເພື່ອຄຸ້ມຄອງລາຄາສິນຄ້າຕາມທ້ອງຕະຫລາດ, ກຳນົດວິທີການ ແລະ ກົນໄກໃນການຕິດຕາມການເໜັງຕີງ ແລະ ຄຸ້ມຄອງລາຄາສິນຄ້າໃຫ້ຮັດກຸມສອດຄ່ອງກັບສະພາບຕົວຈິງຫລາຍຂຶ້ນ. ພ້ອມກັນນີ້ກໍຈະເຂັ້ມງວດກວດກາການປະຕິບັດລະບຽບກົດໝາຍ ແລະ ດໍາເນີນມາດຕະການລົງໂທດຕໍ່ຜູ້ກະທຳຜິດ.

ສ່ວນການແກ້ໄຂໄລຍະຍາວນັ້ນ, ກໍແມ່ນການສຸມໃສ່ຊຸກຍູ້ສົ່ງເສີມການຜະລິດເປັນສີນຄ້າໃຫ້ມີຄຸນນະພາບຫລາຍຂຶ້ນ, ສົ່ງເສີມການນຳໃຊ້ສີນຄ້າທີ່ຜະລິດຢູ່ພາຍໃນ, ຄົ້ນຄວ້າກຳນົດໂຄງປະກອບລາຄາສິນຄ້າ, ເພີ້ມລາຍການສີນຄ້າຄວບຄຸມລາຄາ, ປັບປຸງກຸ່ມຜູ້ຜະລິດ, ນຳເຂົ້າ ແລະ ຈຳໜ່າຍສີນຄ້າເພື່ອດັດສົມປະລິມານສິນຄ້າໃນທ້ອງຕະຫລາດ ແລະ ມາດຕະການອື່ນໆ. ແຕ່ເຖິງຢ່າງໃດກໍຕາມ ການຄຸ້ມຄອງວຽກງານດັ່ງກ່າວໃຫ້ໄດ້ດີນັ້ນ, ນອກຈາກຂະແໜງກ່ຽວຂ້ອງໄດ້ມີຄວາມຮັບຜິດ ຊອບແທດເຖິງຕົວຈິງ ແລະ ມີວິທີແກ້ໄຂຢ່າງເປັນເຈົ້າການແລ້ວ, ທຸກພາກສ່ວນໃນສັງຄົມກໍຕ້ອງໄດ້ຮ່ວມກັນສຶກສາອົບຮົມແນວຄິດຂອງບັນດາຊາວຄ້າຂາຍໃຫ້ມີຈັນຍາບັນ-ຈັນຍາທຳ, ບໍ່ໃຫ້ມີແນວຄິດສວຍໂອກາດ ແລະ ປັ່ນປ່ວນລາຄາສີນຄ້າຕ່າງໆ ຈຶ່ງເຮັດໃຫ້ສັງຄົມມີຄວາມສະຫງົບດີ.

ຂ່າວ: ລາວພັດທະນາ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...