ສຳນັກຂ່າວຕ່າງປະເທດ ລາຍງານໃນວັນທີ 3 ພະຈິກນີ້ວ່າ ລົດໄຟຊຶ່ງບັນທຸກຜູ້ໂດຍສານຂະບວນໜຶ່ງ ໄດ້ແລ່ນເຂົ້າມາດ້ວຍຄວາມໄວສູງ ຕຳເຂົ້າກັບລົດໄຟອີກຂະບວນໜຶ່ງ ທີ່ກຳລັງຈອດຢູ່ພາຍໃນສະຖານີໄຄວດາບັດ (Quaidabad) ເມືອງກາຣາຈີ ທາງພາກໃຕ້ຂອງປະເທດປາກີສະຖານ ໃນຕອນເຊົ້າຂອງມື້ນີ້ (3 ພະຈິກ) ສົ່ງຜົນເຮັດໃຫ້ມີຜູ້ເສຍຊີວິດແລ້ວ ຢ່າງໜ້ອຍ 17 ຄົນ ແລະ ມີລາຍງານຜູ້ໄດ້ຮັບບາດເຈັບອີກກວ່າ 50 ຄົນ.
ເຈົ້າໜ້າທີ່ປາກີສະຖານ ຍັງບໍ່ທັນໄດ້ອອກມາສະຫລຸບ ຍອດຜູ້ໄດ້ຮັບບາດເຈັບ ແລະ ເສຍຊີວິດ ຈາກເຫດການດັ່ງກ່າວນີ້ ຢ່າງເປັນທາງການເທື່ອ, ແຕ່ຄາດວ່າ ໃນຂະນະເກີດເຫດ ອາດມີຜູ້ໂດຍສານຢູ່ເທິງລົດໄຟທັງສອງຂະບວນ ລວມກັນເຖິງ 1,000 ຄົນ.
ຕິດຕາມເຮົາທາງFacebook ກົດຖືກໃຈເລີຍ!