ຕັ້ງແຕ່ວິນາທີທຳອິດທີ່ຮູ້ວ່າຕົນເອງເປັນແມ່ ນັ້ນຄືພາລະອັນຍິ່ງໃຫຍ່ຂອງການເຮັດໜ້າທີ່ແມ່ໄດ້ເລີ່ມຂຶ້ນແລ້ວ ແລະ ເປັນໜ້າທີ່ທີ່ແມ່ຕ້ອງເຮັດໄປຕະຫຼອດຊີວິດ ທ່ານອາດເຄີຍໄດ້ຍິນຄະຕິປະຈຳໃຈຂອງແມ່ທີ່ມັກເວົ້າສະເໝີວ່າ “ເປັນແມ່ຫ້າມປ່ວຍ ຫ້າມຕາຍ” ເມື່ອຟັງເບິ່ງແລ້ວກໍ່ຄິດວ່ານີ້ແມ່ນຄວນຈິງ ເພາະຖ້າເມື່ອໃດທີ່ທ່ານມີລູກ ທ່ານຈະຮູ້ສຶກຮັກຕົວເອງເປັນຮ້ອຍເທົ່າ ເພາະຢາກມີຊີວິດຢູ່ກັບລູກໄປດົນໆ ເຮົາມາເບິ່ງ 6 ຄວາມລຳບາກ ແລະ ຄວາມເຈັບທີ່ແມ່ເຕັມໃຈເຮັດເພື່ອລູກນັ້ນຈະມີຫຍັງແນ່?
- ລຳບາກໃນເວລາຖືພາຕັ້ງ 9 ເດືອນ
- ເຈັບປວດເວລາເກີດລູກນ້ອຍ
- ລຳບາກຫຼັງເກີດລູກ
- ເຈັບປວດໃນເວລາໃຫ້ລູກດື່ມນົມ
- ເຈັບປວດເມື່ອລູກນ້ອຍບໍ່ສະບາຍ
- ລຳບາກໃຈຮູ້ສຶກເປັນຫ່ວງເມື່ອເວລາລູກໄປໂຮງຮຽນມື້ທຳອິດ
ສິ່ງທີ່ກ່າວມາຂ້າງເທິງນີ້ເປັນພຽງບາງສ່ວນທີ່ມານຳສະເໜີໃຫ້ຮູ້ ຄວາມຈິງແລ້ວຜູ້ເປັນແມ່ຍອມເສຍສະຫຼະທຸກສິ່ງທຸກຢ່າງກໍ່ເພື່ອລູກ ແມ່ຈະມີຄວາມສຸກເມື່ອເຫັນລູກເປັນຄົນດີ ແລະ ມີຊີວິດທີ່ດີ ແມ່ຈະເປັນທຸກຮ້ອນຮົນຄືຢູ່ໃນກອງໄຟເມື່ອເຫັນລູກບໍ່ຟັງຄວາມ ເຮັດຕົວຊົ່ວ ແລະມີຊີວິດທີ່ຕົກຕ່ຳມົ່ນໝອງ ສະນັ້ນ ຫາກວ່າທ່ານຮັກແມ່ຂອງທ່ານ ທ່ານຈະຕອບແທນແມ່ຂອງທ່ານແນວໃດ ໃຫ້ທ່ານມີຄວາມສຸກ ຫຼື ຈະໃຫ້ເພິ່ນທຸກທໍລະມານ ກໍ່ຂຶ້ນຢູ່ກັບການປະພຶດຂອງຕົວທ່ານເອງ.
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!