ອີງຕາມການລາຍງານຂອງສຳນັກພະລາຊະວັງຍີ່ປຸ່ນ ປະກາດວ່າ ເຈົ້າຊາຍ ທະກະຮິໂຕະ ຫຼື ເຈົ້າຊາຍ ມິກະຊະ ເປັນພະໂອລົດ ອົງສຸດທ້ອງ ຂອງສົມເດັດ ພະຈັກກະພັດໄທໂຊ ແລະສົມເດັດພະຈັກກະພັດ ນີເທເມ ແລະເປັນພະອະນຸຊາ ພະອົງນ້ອຍຂອງ ຈັກກະພັດໂຊວະ ສິ້ນພະຊົນແລ້ວ ໃນພະຊົນມາຍຸ 100 ພັນສາ
ກ່ອນນີ້ ເຈົ້າຊາຍ ທະກະຮິໂຕະ ຊົງເຂົ້າພັກຮັກສາອາການພະປະຊວນ ຢູ່ໂຮງໝໍ ໃນກຸງໂຕກຽວ ຕັ້ງແຕ່ເດືອນ ພຶດສະພາ ຜ່ານມາ ດ້ວຍພະອາການປອດບວມ. ເຈົ້າຊາຍ ທະກະຮິໂຕະ ປະສູດ ເມື່ອວັນທີ 2 ທັນວາ 1915 ພະອົງຊົງເປັນພະປິຕຸລາ (ອາວ) ຂອງສົມເດັດພະຈັກກະພັດອະກິຮິໂຕະ ແລະຍັງເປັນອົງລັດຊະທາຍາດ ຜູ້ສືບລາຊະສັນຕິວົງ ເປັນອັນດັບທີ 5