spot_img
Homeຂ່າວເຫດການປະທານສູນກາງແນວລາວສ້າງຊາດ ພ້ອມດ້ວຍຄະນະ ເດີນທາງຢ້ຽມຢາມ ສປ ຈີນ

ປະທານສູນກາງແນວລາວສ້າງຊາດ ພ້ອມດ້ວຍຄະນະ ເດີນທາງຢ້ຽມຢາມ ສປ ຈີນ

Published on

ຕອບສະໜອງຕາມຄຳເຊີນຂອງ ທ່ານ ຢູ່ເຈີງເຊີງ ຄະນະປະຈຳກົມການເມືອງ ສູນກາງພັກກອມມູນິດຈີນ ປະທານສະພາທີ່ປຶກສາການເມືອງແຫ່ງຊາດຈີນ, ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ (ສນຊ) ພ້ອມຄະນະ ໄດ້ເດີນທາງຢ້ຽມຢາມ ສປ ຈີນ ຢ່າງເປັນທາງການ ໃນວັນທີ 10-16 ຕຸລານີ້. ໃນການຢ້ຽມຢາມ ສປ ຈີນ ຄັ້ງນີ້, ທ່ານ ໄຊສົມພອນ ພົມວິຫານ ພ້ອມຄະນະໄດ້ເຂົ້າ ພົບປະທ່ານ ຊົ້ງທາວ ຫົວໜ້າຄະນະພົວພັນຕ່າງປະເທດ ສູນກາງພັກກອມ ມູນິດຈີນ. ໂອກາດນີ້ ທັງສອງຝ່າຍໄດ້ແຈ້ງສະພາບອັນພົ້ນເດັ່ນຂອງປະເທດໃຫ້ກັນ ແລະ ກັນຊາບ ເວົ້າລວມ, ເວົ້າສະເພາະແມ່ນວຽກງານຂອງສອງພັກລາວ-ຈີນ, ດ້ານເສດຖະກິດ, ການຄ້າ, ວັດທະນະທຳ-ສັງຄົມ, ການຕ່າງປະເທດ, ວຽກງານຊົນເຜົ່າ ສາສະໜາ ແລະ ວຽກງານທີ່ສອງຝ່າຍມີຄວາມສົນໃຈນຳກັນ.

ພ້ອມກັນນີ້ ທ່ານປະທານ ສນຊ ຍັງໄດ້ເຂົ້າພົບປະ ທ່ານ ຕູ້ຊິ່ງລິນ ເລຂາທິການສູນກາງພັກກອມມູນິດຈີນ ຮອງປະທານສະພາທີ່ປຶກສາການເມືອງທົ່ວປະເທດຈີນ; ຈະເຂົ້າພົບປະທ່ານ ຢູ່ເຈີງເຊີງ ກຳມະການປະຈຳກົມການເມືອງສູນກາງ ພັກກອມມູນິດຈີນ ປະທານສະພາທີ່ປຶກສາການເມືອງແຫ່ງຊາດຈີນ. ນອກຈາກນັ້ນ ຄະນະຜູ້ແທນຂັ້ນສູງ ສນຊ ຍັງຈະໄດ້ໄປຢ້ຽມຢາມສະຖານທີ່ທ່ອງ ທ່ຽວໃນນະຄອນຫຼວງປັກກິ່ງ, ເດີນທາງໄປນະຄອນສົງຊິງ, ຢ້ຽມຢາມສະຖານທີ່ທີ່ສຳຄັນອີກຈຳນວນໜຶ່ງ ພ້ອມດຽວກັນນັ້ນ ທ່ານປະທານ ສນຊ ຍັງຈະໄດ້ເຂົ້າຮ່ວມກອງປະຊຸມປຶກສາຫາລືລະຫວ່າງ ພັກກອມມູນິດຈີນ ແລະ ໂລກ ຕື່ມອີກ.

 

ແຫລ່ງຂ່າວ:

ປຊຊ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...

ລາວເສຍຫາຍໜັກ! ຜົນກະທົບຈາກພາຍຸບົວລອຍ ພັດຖະລົ່ມລາວ ເຮັດໃຫ້ມີຜູ້ເສຍຊີວິດທັງໝົດ 4 ຄົນ.

ພາຍຸບົວລອຍ ສົ່ງຜົນກະທົບຕໍ່ 34 ເມືອງໃນທົ່ວປະເທດ ມີຜູ້ເສຍຊີວິດ 4 ຄົນ ຮອງນາຍົກຊີ້ນຳໃຫ້ເລັ່ງໃຫ້ການຊ່ວຍເຫຼືອຜູ້ໄດ້ຮັບຜົນກະທົບໂດຍດ່ວນ. ໃນຕອນເຊົ້າວັນທີ 6 ຕຸລາ 2025, ທີ່ຫ້ອງວ່າການສໍານັກງານນາຍົກລັດຖະມົນຕີ ຄະນະກໍາມະການຄຸ້ມຄອງໄພພິບັດຂັ້ນສູນກາງ ໄດ້ຈັດກອງປະຊຸມ...

ແລກເມຍກັບງົວ 1 ໂຕ ເມື່ອໜຸ່ມອິນໂດເນເຊຍຖືກເມຍຄົບຊູ້ ຈຶ່ງສະເໜີການແລກປ່ຽນເພື່ອຈົບບັນຫາ

ໃນວັນທີ 07/10/2025 ລາຍງານຈາກສຳນັກຂ່າວໃນປະເທດອິນໂດເນເຊຍ ມີຄລິບເຫດການທີ່ເປັນກະແສເນື່ອງຈາກມີຊາຍຄົນໜຶ່ງຍອມໃຫ້ເມຍຕົນເອງໄປຄົບກັບຊູ້ ພ້ອມຍອມແລກເມຍກັບງົວ 1 ໂຕ, ແລະເງິນອີກປະມານ 5,000,000 ລູເປຍອິນໂດເນເຊຍ (ປະມານ 6,800,000 ກີບ) ຜ່ານການຕົກລົງຈາກທັງ 2...

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...