spot_img
Homeຂ່າວການພັດທະນາປ່າສະຫງວນຫີນໜາມໜໍ່ ກຽມສະເໜີເປັນມໍລະດົກໂລກ ຕົ້ນປີໜ້ານີ້ ຄາດຈະດຶງດູດນັກທ່ອງທ່ຽວ!

ປ່າສະຫງວນຫີນໜາມໜໍ່ ກຽມສະເໜີເປັນມໍລະດົກໂລກ ຕົ້ນປີໜ້ານີ້ ຄາດຈະດຶງດູດນັກທ່ອງທ່ຽວ!

Published on

ຂປລຄະນະ​ກຳມະການປະສານ​ງານ​ແຫ່ງ​ຊາດ ໄດ້​ຮ່ວມປຶກສາ​ຫາລື​ ຕີ​ລາຄາ​ຜົນ​ການ​ຈັດຕັ້ງ​ເຄື່ອນ​ໄຫວ​ກະກຽມຕ່າງໆ ​ເພື່ອ​ນຳ​ສະເໜີ​ຕໍ່ອົງການ​ອຸຍແນສ​ໂກ ພິຈາລະນາ​ເອົາ​ພູ​ຫີນໜາມ​ໜໍ່ ເມືອງ​ບົວລະພາ ແຂວງຄຳ​ມ່ວນ ເຂົ້າ​ເປັນ​ເມືອງ​ມໍລະດົກໂລກ​ທາງ​ທຳ​ມະ​ຊາດ​ ຕາມ​ທິດ​ຊີ້ນຳ​ຂອງ​ລັດຖະບານ. ຄາດ​ວ່າ​ເມື່ອ​ປ່າ​ສະຫງວນດັ່ງກ່າວ, ​ໄດ້​ເຂົ້າ​ເປັນ​ມໍລະດົກ​ໂລກແລ້ວ ​ຈະ​ເປັນ​ສິ່ງ​ທີ່​ດຶງ​ດູດ​ນັກ​ທ່ອງ​ທ່ຽວ​ທັງ​ພາຍ​ໃນ ແລະ ຕ່າງ​ປະເທດ​ເຂົ້າ​ມາ​ທ່ຽວ​ຊົມ ສ້າງລາຍ​ຮັບປະກອບສ່ວນ​ໃນ​ການ​ພັດທະນາເສດຖະກິດ ພ້ອມ​ທັງ​​ເປັນ​ການພັດທະນາ​ ການ​ສ້າງ​ວຽກ​ເຮັດງານ​ທຳ​ໃຫ້​ກັບ​ປະຊາຊົນທ້ອງ​ຖິ່ນ​ອີກ​ດ້ວຍ.

ທ່ານ ບົວເງິນ ຊາ​ພູ​ວົງ ຮອງ​ລັດຖະມົນຕີກະຊວງ​ຖະແຫລງ​ຂ່າວ, ​ວັດທະນະທຳ ແລະ ທ່ອງ​ທ່ຽວທັງ​ເປັນຮອງ​ປະທານ​ຄະນະ​ກຳມະການລະດັບ​ຊາດ ​ເມືອງ​ມໍລະດົກ​ໂລກ ປະທານ​ຄະນະ​ກຳມະການ​ປະສານງານ​ແຫ່ງ​ຊາດ ເພື່ອ​ນຳ​ສະເໜີ​ປ່າ​ສະຫງວນ​ແຫ່ງ​ຊາດ​ຫີນໜາມ​ໜໍ່​ ເຂົ້າ​ເປັນ​ມໍລະດົກ​ໂລກ ທາງ​ດ້ານ​ທຳ​ມະ​ຊາດ ກ່າວ​ໃນກອງ​ປະຊຸມປຶກສາ​ຫາລື ​ແລະ ກະກຽມວຽກງານ​ນີ້ ​ເຊິ່ງໄດ້​ຈັດ​ຂຶ້ນ​ໃນ​ວັນ​ທີ 11 ຕຸລາ 2016 ທີ່​ນະຄອນຫລວງ​ວຽງຈັນ ​ໂດຍ​ໄດ້​ເນັ້ນ​ໃຫ້ພ້ອມ​ກັນ​ຄົ້ນຄວ້າບັນຫາ​ສຳຄັນ ແລະ ຈຳເປັນ​​ໃນ​ດ້ານຕ່າງໆ ເພື່ອ​ນຳ​ສະເໜີ​ຂັ້ນເທິງ​ພິຈາລະນາ ເປັນຕົ້ນ​ແມ່ນບັນດາ​ແຜນ​ວຽກ ແລະ ແຜນ​ງົບປະມານ​ທີ່​ຈຳເປັນຈຳນວນ​ໜຶ່ງ​ ໃນ​ການຈັດຕັ້ງ​ປະຕິບັດ​ວຽກງານ ​ໃຫ້​ສຳເລັດຕາມ​ຄາດໝາຍ​ທີ່​ວາງ​ໄວ້ ​ຕາມລະບຽບ​ການ​ທີ່​ອົງການ​ອຸຍ​ແນສໂກ​ວາງ​ອອກ ແລະ ຄາດ​ວ່າ ເດືອນ​ກຸມພາ 2017 ຈະ​ສາມາດນຳ​ເອົາ​ເອກະສານ​ທັງ​ໝົດ​ທີ່ກ່ຽວຂ້ອງ​ ໄປ​ນຳ​ສະເໜີ​ຕໍ່​ອົງການອຸຍ​ແນສ​ໂກ ເພື່ອ​ພິຈາລະນາ​ຮັບຮອງ​ເອົາ​ ​ເພາະປ່າ​ສະຫງວນ​​ແຫ່ງ​ນີ້ ແມ່ນ​ມີ​ຄົບ​ທຸກ​ເງື່ອນໄຂ ໃນ​ການເຂົ້າ​ເປັນ​ມໍລະດົກ​ໂລກ​ທາງ​ທຳ​ມະ​ຊາດ.

ການປຶກສາຫາລືກັນ ເພື່ອສະ​ເໜີປ່າສະຫງວນຫີນໜາມໜໍ່ ໃຫ້ເປັນມໍລະດົກໂລກດ້ານທຳມະຊາດ ຕໍ່ອົງການ UNESCO ​ໄດ້​ມີ​ຂຶ້ນ​ເມື່ອ​ປີ 2009 ​ເຊິ່ງຫລາຍຝ່າຍມີຄວາມເຫັນວ່າ ມີ​ຄວາມ​ເໝາະສົມ ​ເພາະການທີ່ເຂດປ່າສະຫງວນ​ແຫ່ງ​ນີ້ ມີພື້ນທີ່ຕິດກັບເຂດອຸທິຍານແຫ່ງຊາດ ຟອງຍ່າແບບັງ ຂອງຫວຽດນາມ ທີ່ໄດ້ຂຶ້ນເປັນມໍລະດົກໂລກມາແຕ່ປີ 2003 ​ແລະ ມີໂອກາດເປັນໄປໄດ້ສູງ ທີ່ຈະສຳເລັດກ່ອນການຂຶ້ນທະບຽນມໍລະດົກໂລກຂອງທົ່ງໄຫຫີນ. ປ່າສະຫງວນຫີນໜາມໜໍ່ມີພື້ນທີ່ 82.000 ເຮັກຕາ ເປັນເຂດທີ່ບໍ່ມີປະຊາຊົນອາ​ໄສຢູ່ ແລະ ຈາກການສຳລວດກ່ອນ​ນີ້ ພົບວ່າມີຖ້ຳນ້ຳລອດເຊບັ້ງໄຟ ​ເຊິ່ງມີຄວາມຍາວກວ່າ 9,5 ກິໂລແມັດ ເປັນ​ທຳ​ມະ​ຊາດ​ອີກ​ແຫ່ງໜຶ່ງ ທີ່ໜ້າສົນໃຈທີ່ສຸດໃນໂລກ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...