- ເຈົ້າບໍ່ເຄີຍໄດ້ເວົ້າ: ການເປັນຄົນເວົ້າເກັ່ງ ກັບເວົ້າແຕ່ເລື່ອງຂອງຕົນເອງ, ຖ້າໝູ່ເຈົ້າເວົ້າແຕ່ເລື່ອງຂອງຕົນເອງຕະຫຼອດ ບໍ່ວ່າຈະເປັນເລື່ອງແຟນ, ຄອບຄົວ, ວຽກງານ, ໝູ່ເພື່ອນ ແຕ່ບໍ່ເຄີຍຮັບຟັງເຮົາເວົ້າເລີນ
- ແຂ່ງກັບເຈົ້າຕະຫຼອດເວລາ: ບໍ່ວ່າຈະເປັນເລື່ອງຫຍັງກໍຕາມ ເຂົາຈະຕ້ອງເດັ່ນກວ່າເຈົ້າ, ມັກເວົ້າວ່າດີກວ່າເຮົາແນວນັ້ນແນວນີ້ ເຊິ່ງວ່າໝູ່ແທ້ເຂົາຈະບໍ່ເຮັດພຶດຕິກຳແບບນີ້
- ບໍ່ເຄີຍດີໃຈກັບເຮົາ: ເວລາທີ່ເຮົາເຮັດຫຍັງສຳເລັດ, ບໍ່ເຄີຍຈະດີໃຈກັບເຮົາ ແຕ່ກົງກັນຂ້າມກັບອິດສາເຮົາຊໍ້າທີ່ໄດ້ດີ
- ມັກເຮັດໃຫ້ເຮົາຮູ້ສຶກບໍ່ດີ: ເວລາທີ່ເຮົາອາລົມບໍ່ດີ ມີຄວາມກັງວົນ ແທນທີ່ໝູ່ຈະເຮັດໃຫ້ເຮົາຮູ້ສຶກດີ ແຕ່ກັບເຮັດໃຫ້ເຮົາຮູ້ສຶກວ່າຄຽດກ່ອນເກົ່າ
- ເຈົ້າເປັນຝ່າຍເຂົ້າຫາຄົນດຽວ: ເຊິ່ງວ່າໝູ່ຄົນນີ້ ຈະເຮັດຫຍັງກໍບໍ່ເຄີຍຄິດເຫັນໃຈເຮົາ, ມີແຕ່ເຮົາຄົນດຽວທີ່ພະຍາມເຂົ້າຫາ ພະຍາຍາມເຮັດທຸກຢ່າງເພື່ອໃຫ້ໄດ້ມາພົບກັນ
- ເວົ້າແຕ່ເລື່ອງໄຮ້ສາລະ: ເວລາທີ່ລົມນຳກໍມັກຈະເວົ້າແຕ່ເລື່ອງບໍ່ເປັນສາລະ, ເຖິງແມ່ນເວລາທີ່ເຮົາຈິງຈັງ ກໍເອົາຖ້ອຍເອົາຄວາມຫຍັງບໍ່ໄດ້, ເພື່ອນແບບນີ້ບໍ່ຄວນຄົບຫາອີກຕໍ່ໄປ
- ເກັບຄວາມລັບບໍ່ຢູ່: ເວລາທີ່ເຮົາເວົ້າຄວາມລັບບາງຢ່າງທີ່ບໍ່ຢາກໃຫ້ໃຜຮູ້ ແຕ່ເຮົາກໍເລືອກທີ່ຈະລະບາຍໃຫ້ໝູ່ຄົນນີ້ຟັງ ແຕ່ເຂົາກັບເອົາຄວາມລັບຂອງເຮົາໄປເວົ້າໃຫ້ຄົນອື່ນຮູ້
- ເຮັດຜິດບໍ່ເຄີຍຂໍໂທດ: ເວລາທີ່ເຮັດຜິດສຸດໆ ເຖິງຈະເປັນໝູ່ກັນກໍຕ້ອງຮູ້ຈັກຄຳວ່າ “ຂໍໂທດ” ເພາະການຂໍໂທດນັ້ນເປັນສິ່ງທີ່ສຳຄັນ ເຖິງວ່າຈະສະໜິດກັນປານໃດເມື່ອເຮັດຜິດຕ້ອງຮູ້ຈັກຂໍໂທດ ແຕ່ກັບໝູ່ຄົນນີ້ແລ້ວບໍ່ເຄີຍມີ