ອີງຕາມສຳນັກຂ່າວຈີນລາຍງານ ເມື່ອວັນທີ 10 ຕຸລາວ່າ ຢູ່ໃນອຳເພີ ເນ່ຍຮວງ ເມືອງ ອັນຢາງ ມົນທົນ ເຫີໜານ ໄດ້ຈັດເທດສະການງານກະເສດຂຶ້ນ ໂດຍໄດ້ຈັດເຮັດປະຕິມາກຳ ໄຟເບີກຣາດຜັກກາດຂາວ ຫົວໃຫຍ່ຂຶ້ນ ທີ່ມີລັກສກະນະຄືກັບຜັກກາດແທ້ ຕັ້ງໄວ້ກາງງານ ມີຄວາມສູງຮອດ 19 ແມັດ, ເສັ້ນຜ່າສູນກາງ 8 ແມັດ

ສຳລັບຜັກກາດ ຫຼືປ໋າຍຊ່າຍ ໃນພາສາຈີນຂາວນີ້ ມີຄວາມໝາຍວ່າ ຊັບສິນຮ້ອຍຢ່າງ ມີຄວາມເປັນສິລິມຸງຄຸນ ມີລາຍຮັບຮ້ອຍທາງ ແລະມີຄວາມໝາຍດີໆແບບນີ້ແຝງຢູ່ບວກກັບຜັກກາດທີ່ມີຂະໜາດໃຫຍ່ ອະລັງການ ເຮັດໃຫ້ໄດ້ຮັບຄວາມສົນໃຈ ຈາກປະຊາຊົນ ທີ່ເຂົ້າຮ່ວມງານໃນຄັ້ງນີ້ ແລະໄດ້ມີການຖ່າຍຮູບກັບຮູບປັ້ນຜັກກາດຂາວໃຫຍ່ນີ້ ເປັນຈຳນວນຫຼວງຫຼາຍ