ຂ່າວບັນເທີງດາລາ ກັບ ລາວໂພສຕ໌ ວັນນີ້ ເຮົາຈະພາທຸກຄົນມາເບິ່ງເວທີສຸດຍິ່ງໃຫຍ່ຂອງສາວປະເພດສອງທົ່ວໂລກ  Miss International Queen 2016 ເພາະຈະໄດ້ເລີ່ມຂຶ້ນແລ້ວໃນເດືອນ ພະຈິກ 2016ນີ້ ແຕ່ກໍ່ມີກະແສຮືຮາໄປທົ່ວໂລກອອນລາຍໃນຕອນນີ້ ເມື່ອທາງກອງປະກວດໄດ້ເປີດເຜີຍໂສມໜ້າຜູ້ເຂົ້າ ທັງໝົດ 28 ສາວງາມໃນປີນີ້ ແລະ ທີ່ໄດ້ຮັບຄວາມສົນໃຈຈາກທົ່ວໂລກ ແລະ ຖືກຈັບຕາເບິ່ງເປັນພິເສດກໍ່ແມ່ນນາງງາມປະເພດສອງຕົວແທນຈາກ ສປປ ລາວ  ນ້ອງວັນໃຫມ່ ທຳມະວົງ ສາວປະເພດສອງຈາກແຂວງສະຫວັນນະເຂດ ໄດ້ນ້ຳເບີຫມາຍເລກ 24 ທີ່ມີຄວາມງາມໂດດເດັ່ນເປັນຕາຮັກ ບໍ່ໜ້ອຍໜ້າສາວງາມຈາກປະເທດອື່ນ

ວັນໃໝ່ ເປັນອີກໜຶ່ງທີ່ສ້າງຄວາມພາກພູມໃຈໃຫ້ກັບຄົນລາວທັງປະເທດ ເຮົາມາຮ່ວມລຸ້ນຮ່ວມເຊຍນຳກັນວ່າ ສາວປະເພດສອງຂອງລາວເຮົາຄົນນີ້ຈະສາມາດຄ້ວາມົງກຸດ Miss International Queen 2016 ມາຄອງໄດ້ ຫຼື ບໍ່ ຮ່ວມລຸນໄປ, ຮ່ວມເຊຍໄປນຳກັນ ແລະ ຢ່າລືມໂຫວດໃຫ້ສາວ ວັນໃໝ່ ໝາຍເລກ 24 ກັນຫຼາຍໆເດີ້