ພາບຂ່າວທີ່ຄັດມາຈາກລາຍການເລື່ອງເລົ່າເຊົ້າໜີ້ ທາງໂທລະພາບຊ່ອງ 3 ຂອງໄທ ລາຍງານລ່າສຸດ
ເມື່ອຕອນເຊົ້າຂອງມື້ນີ້ (15 ກໍລະກົດ) ກ່ຽວກັບພິທີການຈັດບາສີສູ່ຂັວນເດັກແຝດ 5 ຄົນ ຂອງຄອບ
ຄົວຊາວລາວ ທີ່ໂຮງໝໍກຸງເທບອຸດອນ ຈາກກໍລະນີທີ່ໄດ້ທຳການຜ່າຕັດໃຫ້ກຳເນີດເດັກແຝດ 5 ຄົນ
ດັ່ງກ່າວ ເມື່ອວັນທີ 25 ມິຖຸນາ 2014 ທີ່ຜ່ານມາ ໂດຍການປະສົມທຽມສຳເລັດເປັນຄັ້ງທຳອິດ ຂອງ
ໂຮງໝໍ ແລະ ຂອງຈັງຫັວດອຸດອນທານີ ຕາມທີ່ສື່ໄທໄດ້ລາຍງານໄປໃນເບື້ອງຕົ້ນ ແລະ ການແຊຣ໌
ດ້ວຍຄວາມຍິນດີຮ່ວມກັນ ຂອງປະຊາຄົມອອນລາຍຊາວລາວ ໃນໄລຍະຜ່ານມາ.
ໂດຍລ່າສຸດ ລາຍການເລື່ອງເລົ່າເຊົ້ານີ້ ທາງຊ່ອງ 3 ຂອງໄທ ກໍໄດ້ລາຍງານວ່າ ຄະນະແພດຂອງໂຮງໝໍ
ກຸງເທບອຸດອນ ໄດ້ມີການຈັດພິທີບາສີສູ່ຂັວນໃຫ້ແກ່ເດັກແຝດ 5 ຄົນ ເພື່ອໃຫ້ເກີດຄວາມເປັນສິລິ
ມຸງຄຸນ, ມີໂຊກໄຊແກ່ເດັກນ້ອຍ ແລະ ຄອບຄົວ ພ້ອມກັບຈັດການຖະແຫຼງຂ່າວຄວາມຄືບໜ້າອາ
ການຂອງເດັກແຝດທັງ 5 ຄົນອີກດ້ວຍ.
ແຫຼ່ງຂ່າວໄດ້ອ້າງເຖິງ ທ່ານໝໍ ທະວັດໄຊ ສີປະພາ ຜູ້ອຳນວຍການໂຮງໝໍກຸງເທບອຸດອນ ໄດ້ເປີດ
ເຜີຍວ່າ ໃນວັນນີ້ທີມແພດໄດ້ພິຈາລະນາແລ້ວເຫັນວ່າ ເດັກແຝດຄົນທີ 1 – 4 ມີຄວາມສົມບູນ ແລະ
ປອດໄພພຽງພໍທີ່ຈະໃຫ້ກັບຄືນສູ່ພູມລຳເນົາທີ່ ສປປ ລາວ, ມີພຽງແຝດຄົນທີ 5 ທີ່ໂຕນ້ອຍ ມີນ້ຳ
ໜັກໜ້ອຍກ່ວາເກນປົກກະຕິ ຈິ່ງຍັງຕ້ອງໃຫ້ນອນພັກໃນຕູ້ອົບ ແລະ ໃຫ້ນົມທາງສາຍຢາງ ຢູ່ໃນ
ພະແນກເດັກເກີດໃໝ່ ຂອງໂຮງໝໍດັ່ງກ່າວ ເພື່ອເຝົ້າເບິ່ງອາການຕໍ່ໄປອີກກ່ອນ.