ສຳນັກຂ່າວຕ່າງປະເທດ ລາຍງານໃນວັນທີ 6 ຕຸລານີ້ວ່າ ທ່ານ ອັນໂຕນິໂອ ກູເຕີເຣສ ອາຍຸ 67 ປີ ອະດີດນາຍົກລັດຖະມົນຕີປອກຕຸຍການ ກຽມຂຶ້ນຮັບຕຳແໜ່ງເລຂາທິການໃຫຍ່ ອົງການສະຫະປະຊາຊາດ ຕໍ່ຈາກທ່ານ ບັນກີມູນ ທີ່ຈະໝົດວາລະຕຳແໜ່ງລົງ ພາຍໃນທ້າຍປີ 2016 ນີ້ ຫລັງຈາກທີ່ດຳລົງຕຳແໜ່ງດັ່ງກ່າວ 2 ສະໄໝຕິດຕໍ່ກັນ. ອີງຕາມຜົນຂອງການທາບທາມຫາງສຽງ ຢ່າງບໍ່ເປັນທາງການ 6 ຮອບ ພາຍໃນຄະນະມົນຕີຄວາມໝັ້ນຄົງ ແຫ່ງ ສະຫະປະຊາຊາດ ພົບວ່າ ທ່ານ ກູເຕີເຣສ ໄດ້ຮັບຄະແນນສຽງສະໜັບສະໜູນຢ່າງເປັນເອກະພາບ ໂດຍທີ່ບໍ່ມີສຽງຄັດຄ້ານໃດໆ.
ແນວໃດກໍຕາມ ການລົງມະຕິຮັບຮອງເອົາຢ່າງເປັນທາງການ ຈະມີຂຶ້ນໃນມື້ນີ້ (6 ຕຸລາ) ເພື່ອຮັບຮອງເອົາການສະເໜີຊື່ແຕ່ງຕັ້ງ ທ່ານ ກູເຕີເຣສ ຢ່າງເປັນທາງການ ແລະ ມີກຳນົດເຂົ້າຮັບຕຳແໜ່ງ ໃນວັນທີ 1 ມັງກອນ 2017.
ຕິດຕາມເຮົາທາງFacebook ກົດຖືກໃຈເລີຍ!