ສຳນັກຂ່າວຕ່າງປະເທດ ລາຍງານໃນວັນທີ 4 ຕຸລາຜ່ານມານີ້ວ່າ ເກີດເຫດລະເບີດຂ້າຕົວຕາຍ ໃສ່ງານແຕ່ງດອງແຫ່ງໜຶ່ງ ທີ່ຈັດຂຶ້ນຢູ່ແຂວງຮາຊາເກ (Hasakeh) ທາງພາກຕາເວັນຕົກສຽງເໜືອຂອງຊີຣີ ໃນວັນຈັນທີ 3 ຕຸລາ 2016 ເປັນເຫດເຮັດໃຫ້ມີຜູ້ເສຍຊີວິດຢ່າງໜ້ອຍ 22 ຄົນ ແລະ ບາດເຈັບອີກຈຳນວນຫລວງຫລາຍ.
ແຫລ່ງຂ່າວໄດ້ລະບຸວ່າ ຄົນຮ້າຍຊຶ່ງບໍ່ຮູ້ວ່າແມ່ນກຸ່ມໃດ ໄດ້ກົດລະເບີດຂ້າຕົວຕາຍ ພາຍໃນຫໍປະຊຸມແຫ່ງໜຶ່ງຢູ່ ບ້ານຕອນຕາວິນ ຊຶ່ງກຳລັງມີງານມຸງຄຸນສົມລົດ ຂອງສະມາຊິກກອງກຳລັງປະຊາທິປະໄຕຊີຣີ (Syrian Democratic Forces – SDF) ຊຶ່ງເປັນກອງກຳລັງພັນທະມິດອາຫລັບ-ເຄີດ ທີ່ຮ່ວມກັນຕໍ່ສູ້ຕ້ານນັກຮົບກຸ່ມລັດອິດສະລາມ ຫລື ໄອເອັສ ຢູ່ທາງພາກເໜືອຂອງຊີຣີ.
ຕິດຕາມເຮົາທາງFacebook ກົດຖືກໃຈເລີຍ!