ອີງຕາມການລາຍງານຂອງສຳນັກຂ່າວຕ່າງປະເທດລາຍງານເມື່ອວັນທີ 4 ຕຸລານີ້ວ່າ: ນັກສະແດງສາວ ຄິມ ຄາເດຊຽນ ຖືກປຸ້ນຢູ່ທີ່ໂຮງແຮມໃນກຸງປາຣີ ລາວໄດ້ສູນເສຍເຄື່ອງເພັດ ແລະຊັບສິນມູນຄ່າເປັນຫຼາຍລ້ານຢູໂຣ ດີແຕ່ບໍ່ໄດ້ຮັບບາດເຈັບ
ຄົນຮ້າຍ 2 ຄົນໄດ້ບຸກມາປຸ້ນຮອດໃນໂຮງແຮມ ໂດຍໃຊ້ປືນຈີ້ ແລະໄດ້ເອົາຊັບສິນ ເຊິ່ງວ່າ ສ່ວນຫຼາຍເປັນເຄື່ອງເພັດ, ເຈົ້າໜ້າທີ່ຕຳຫຼວດ ໄດ້ເວົ້າວ່າ: ມູນຄ່າຊັບສິນທີ່ຖືກຄົນຮ້າຍປຸ້ນໄປນັ້ນ ຫຼາຍລ້ານຢູໂຣ ແຕ່ຍັງບໍ່ສາມາດບອກເປັນໂຕເລກໄດ້ຊັດເຈນ ຕ້ອງລໍຖ້າການສືບສວນອີກກ່ອນ
ເຫດການດັ່ງກ່າວ ໄດ້ເກີດຂຶ້ນໃນວັນທີທິດ ທີ 2 ຕຸລາຜ່ານມາ, ຄົນຮ້າຍສອງຄົນ ແຕ່ງໂຕຄືກັບຕຳຫຼວດ ແລະໄດ້ປົກປິດໃບໜ້າ ພວກເຂົາໄດ້ບຸກມາຮອດຫ້ອງນັກສະແດງສາວ ແລະໃຊ້ປືນຈີ້
ຄິມຄາເດຊຽນ ເປັນນັກສະແດງ ທີ່ມີຊື່ສຽງຂອງສະຫະລັດອາເມລິກາ ລາວໄດ້ເຂົ້າຮ່ວມງານ Paris fashion week ແລະໄດ້ສ້າງຄວາມໂດດເດັ່ນຫຼາຍໃນງານ