ເມື່ອວັນທີ 30 ກັັັນຍາ ຜ່ານມານີ້ ທີ່ສະຖານນີໂທລະພາບທີວີລາວ ນະຄອນຫຼວງວຽງຈັນ ໄດ້ມີພິທີເຊັນສັນຍາຮ່ວມມືຜະລິດ ລາຍການໂທລະພາບ ແລະຖະແຫຼ່ງຂ່າວການຮ່ວມມືລະຫວ່າງສະຖານີໂທລະພາບທີວີລາວ ແລະບໍລິສັດມັດລູມທີວີ (Mushroom TV)
ເພື່ອກະກຽມຜະລິດລາຍການ “ອາຍຸນ້ອຍ ຮ້ອຍລ້ານ” ໃນຕໍ່ໜ້ານີ້ ໂດຍຮ່ວມຂອງທ່ານ ຫົງຄໍາ ສຸວັນນະວົງ ປະທານສະຖານີໂທລະພາບທີວີລາວ ແລະທ່ານ ອັກຄະຣັດ ນິຕິພົນ ປະທານເຈົ້າໜ້າທີ່ບໍລິຫານບໍລິສັດ ມັດລູມທີວີ (Mushroom TV ) ພ້ອມ ດ້ວຍພາກສ່ວນທີ່ກ່ຽວຂ້ອງເຂົ້າ ຮ່ວມ.
ສຳລັບລາຍການ ອາຍຸນ້ອຍ ຮ້ອຍລ້ານ ເປັນລາຍການໝຶ່ງທີ່ ໄດ້ຮັບຄວາມສົນໃຈຫຼາຍໃນປະເທດໄທ ຊຶ່ງໄດ້ນຳສະເໝີກ່ຽວກັບ ປະຫວັດຄວາມເປັນມາ ໃນການດຳເນີນທຸລະກິດຂອງນັກທຸລະກິດໝຸ່ມ ກໍຄືຜູ້ລິເລີ່ມໃນການເຮັດທຸລະກິດໃໝ່ (Startup) ທີ່ປະສົບຜົນ ສຳເລັດ ນອກນັ້ນ ຍັງໄດ້ນຳສະ ເໝີກ່ຽວກັບແຮງບັນດານໃຈສິ່ງທ້າທ້າຍ ແລະຂະຫຍາຍຕະຫຼາດສູ່ອາຊຽນ.
ລາຍການນີ້ ຈະຜະລິດ ແລະນຳສະເໝີທາງໂທລະພາບໃນບັນດາປະເທດຕ່າງໆໃນອາຊຽນເຊັ່ນ: ປະເທດລາວ, ຫວຽດນາມ, ກຳປູເຈຍ, ມຽນມາ ແລະປະເທດໄທ ລາຍການອາຍຸນ້ອຍຮ້ອຍລ້ານ ເປັນອີກໜຶ່ງລາຍການທີ່ຈະຊ່ວຍກະຕຸກຍູ້ຊູ້ໃຫ້ບັນດາຫົວໝ່ວຍທຸລະກິດຕ່າງໆ ທັງເປັນແບບຢ່າງ ໃຫ້ແກ່ບັນດານັກທຸລະກິດທົ່ວໄປໃນ ສປປ ລາວ.
ຂ່າວຈາກ: 
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!