spot_img
Homeຂ່າວທ້ອງຖິ່ນກະຊວງແຮງງານຈະອຳນວຍຄວາມສະດວກໃຫ້ຜູ້ມີຈຸດປະສົງໄປອອກແຮງງານຢູ່ຕ່າງປະເທດ.

ກະຊວງແຮງງານຈະອຳນວຍຄວາມສະດວກໃຫ້ຜູ້ມີຈຸດປະສົງໄປອອກແຮງງານຢູ່ຕ່າງປະເທດ.

Published on

ການນຳເຂົ້າ ແລະ ນຳໃຊ້ແຮງງານ ຕ່າງປະເທດ ຕ້ອງປະຕິ ບັດຕາມຂັ້ນຕອນການອະນຸຍາດນຳເຂົ້າ ແລະ ມີວິຊາເຮັດວຽກ ແລະ ຄິດໄລ່ສັດສ່ວນ 15% ຂອງຈຳນວນຜູ້ອອກແຮງງານລາວທັງໝົດ ສຳລັບຜູ້ມີວິຊາ ສະເພາະທີ່ອອກແຮງງານດ້ານຮ່າງກາຍ ແລະ 25% ແມ່ນສຳເລັບຜູ້ມີວິຊາສະເພາະທີ່ ອອກແຮງງານດ້ານມັນສະໝອງ ສຳລັບໂຄງການຂະໜາດໃຫຍ່, ໂຄງການບູລິມະສິດຂອງ ລັດຖະບານທີ່ມີໄລຍະເວລາ 5 ປີລົງມາ,ການນຳໃຊ້ແຮງງານຕ່າງປະເທດໃຫ້ປະຕິບັດຕາມ ສັນຍາ ລະຫວ່າງເຈົ້າຂອງໂຄງການ ແລະ ລັດຖະບານ ລວມທັງອາຍຸການເຮັດວຽກບໍ່ໃຫ້ ເກີນ 5 ປີ.

ທ່ານ ພູວັນ ຈັນທະວົງ ຫົວໜ້າກົມພັດທະນາສີມືແຮງງານ ແລະຈັດຫາງານ ກະຊວງ ຮສສ ໃຫ້ຮູ້ວ່າ: ການໄປເຮັດວຽກຢູ່ຕ່າງປະເທດ ກໍ່ແມ່ນອົງປະກອບທີ່ສຳຄັນໜຶ່ງໃນການ ສ້າງລາຍຮັບໃຫ້ແກ່ຜູ້ອອກແຮງງານ ເພື່ອໃຫ້ຫຼຸດພົ້ນອອກຈາກຄວາມທຸກຍາກ ສະນັ້ນ, ຜູ້ອອກແຮງງານລາວ ທີ່ມີຈຸດປະສົງຢາກໄປອອກ ແຮງງານຢູ່ຕ່າງປະເທດຕ້ອງໄດ້ສຶກສາ ແລະ ເຂົ້າໃຈຢ່າງລະອຽດກ່ຽວກັບເງື່ອນໄຂ ແລະ ສະພາບແວດລ້ອມຂອງການເຮັດວຽກ ຢູ່ປະເທດທີ່ຕົນເອງຈະໄປ. ສິ່ງສໍາຄັນທີ່ສຸດແມ່ນຕ້ອງໄປຢ່າງຖືກຕ້ອງ ຕາມລະບຽບການໃນຂອບຂອງກົດໝາຍຜ່ານລະບົບການຈັດສົ່ງ, ໄດ້ຮັບການອະນຸຍາດຈາກກະ ຊວງແຮງງານ ແລະ ສະຫວັດດີການສັງຄົມ, ໂດຍແມ່ນວິສາຫະກິດບໍລິການຈັດຫາງານຂອງລາວ ຈະເປັນຜູ່ຊ່ວຍປະສານ ແລະ ຮັບຜິດຊອບ, ໃນການດຳເນີນເອກະສານຂໍອະນຸຍາດທັງໝົດ ພ້ອມທັງເປັນຜູ້ຕິດຕາມຄຸ້ມຄອງທ່ານ ຈົນຄົບກຳນົດສັນຍາ ແລະ ຈັດສົ່ງກັບຄືນປະເທດ ຢ່າງປອດໄພ,ໂດຍມີເງື່ອນໄຂດັ່ງນີ້: ຕ້ອງເປັນຜູ້ທີ່ມີອາຍຸ 18 ປີ ຂື້ນໄປ, ມີລະດັບການສຶກສາ ຈົບຊັ້ນປະຖົມຂຶ້ນໄປ, ມີສຸຂະພາບແຂງແຮງດີ, ເປັນພົນລະເມືອງດີ, ມີຄວາມຕ້ອງການຢາກເຮັດວຽກ, ຝຶກສີມື ແລະ ສະສົມປະສົບການ ເພື່ອພັດທະນາຕົນເອງ ແລະ ຄອບຄົວ. ເມື່ອເຮັດວຽກຄົບກໍານົດສັນຍາແລ້ວ ຜູ່ອອກແຮງງານ ຕ້ອງກັບຄືນປະເທດ ໂດຍນາຍຈ້າງ ຮ່ວມກັບບໍລິສັດຈັດຫາງານຈະເປັນຜູ່ນໍາສົ່ງແຮງງານກັບຄືນປະເທດດ້ວຍຄວາມປອດໄພ, ກະຊວງແຮງງານ ແລະ ສະຫວັດດີການສັງຄົມ ໄດ້ມີນະໂຍບາຍສົ່ງເສີມການມີວຽກເຮັດງານທຳຂອງແຮງງານລາວ ທັງຢູ່ພາຍໃນ ແລະ ໄປອອກແຮງງານຢູ່ຕ່າງປະເທດ ເພື່ອໃຫ້ແຮງງານໄດ້ຮັບການພັດທະນາສີມືແຮງງານຜ່ານປະສົບການເຮັດວຽກຕົວຈິງ, ມີລາຍໄດ້, ມີຊີວິດການເປັນຢູ່ທີ່ດີແນໃສ່ໃຫ້ຫລຸດພົ້ນອອກຈາກຄວາມທຸກຍາກເທື່ອລະກ້າວ.

ຂ່າວຈາກ: ເພັດສະໄໝ 

ຂ່າວສານ ກະຊວງແຮງງານ ແລະ ສະຫວັດດີການສັງຄົມ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...