ທີ່ນະຄອນຫຼວງວຽງຈັນ, ວັນທີ 8 ກັນຍາ, 2016 –  ສະຖານີໂທລະພາບ NewsAsia ໄດ້ຮວມຕົວຜູ້ນຳດ້ານທຸລະກິດ ແລະ ໜ່ວຍງານພາກລັດເພື່ອເຂົ້າຮ່ວມສອງກອງປະຊຸມທີ່ໄດ້ຈັດຂຶ້ນໃນລະຫວ່າງ ກອງປະຊຸມສຸດຍອດອາຊຽນດ້ານທຸລະກິດ ແລະ ການລົງທຶນ (ABIS) ປີ 2016ທີ່ໂຮງແຮມ ເມືອງແທງ ຣັກເຊີຣີ ໃນນະຄອນຫຼວງວຽງຈັນ, ​ປະເທດລາວ. ເມື່ອວັນທີ 6 ກັນຍາ ກອງປະຊຸມພິເສດເຈາະເລິກທຸລະກິດອາຊຽນ ໄດ້ຖືກຈັດຂຶ້ນໃນຫົວຂໍ້ “ທຸລະກິດສາມາດ ປະສົບຜົນສຳເລັດໃນການພັດທະນາເສດຖະກິດອາຊຽນ”” ຕາມດ້ວຍກອງປະຊຸມພິເສດກັບ ທ່ານນາງ ຄຣິດຕິນ ລາກາດ ກຳມະການຜູ້ຈັດການກອງທຶນການເງິນລະຫວ່າງປະເທດ  (IMF) ທີ່ເວົ້າກ່ຽວກັບ ““ມຸມມອງໃນການພັດທະນາເສດຖະກິດອາຊຽນ”” ໃນວັນທີ 7 ກັນຍາ.

ເນື່ອງຈາກມີການຂະຫຍາຍຕົວຂອງໂຄງຮ່າງເສດຖະກິດຂອງບັນດາປະເທດອາຊຽນເພີ່ມຂຶ້ນເລື້ອຍໆ, ຈຶ່ງເຮັດໃຫ້ນັກລົງທຶນ ແລະ ບໍລິສັດຕ່າງຊາດຈາກທົ່ວໂລກເກີດມີຄວາມສົນໃຈຢາກຈະລົງທຶນຫຼາຍຂຶ້ນ. ​ກອງປະຊຸມທັງສອງແມ່ນໄດ້ນຳພາໂດຍ ຜູ້ນຳສະເໜີຈາກ ສະຖານີໂທລະພາບ ນິວສເອເຊຍ ​ແລະ ບັນນາທິການບໍລິຫານ ໂຄຼອີ້ ​ໂຊ ໄດ້ເຂົ້າຮ່ວມການປຶກສາຫາລືກ່ຽວກັບ ວິທີການເຮັດໃຫ້ທຸລະກິດ ສາມາດບັນລຸ ແຜນການ ເຕີບໂຕຂອງເຂົາໃນດ້ານບວກ.

ທ່ານ ຢອງ ຊັງ ຈິນ, ຮອງປະທານການຕະຫຼາດ,​ການຈັດຈຳໜ່າຍ ແລະ ນະວັດຕະກຳທີ່ ມີເດຍຄອປ (Mediacorp) ໄດ້ກ່າວວ່າ: “ມັນເປັນສິ່ງຈຳເປັນທີ່ຈະຕ້ອງມີການສົນທະນາຢ່າງເປີດເຜີຍເຖິງບັນຫາ ແລະ ຄວາມທ້າທາຍຂອງບັນດາສະມາຄົມນັກທຸລະກິດໃນພາກພື້ນນີ້ເນື່ອງຈາກວ່າພວກເຂົາແມ່ນຢູ່ໃນລະດັບການພັດທະນາທີ່ຕ່າງກັນ.​ ສະຖານີໂທລະພາບ ນິວສເອເຊຍ ແມ່ນໄດ້ຮັບສິດທິພິເສດໂດຍການເປັນເວທີທີ່ຊ່ວຍເຫຼືອຊຸມຊົນສາກົນ ເພື່ອໃຫ້ເຂົ້າໃຈ ເຖິງບັນຫາທີ່ທ້າທາຍ ແລະ ລວມເຖິງປັດໄຈທີ່ຊ່ວຍຍູ້ດັນໄປສູ່ຄວາມສຳເລັດຢູ່ໃນພາກພື້ນນີ້ອີກດ້ວຍ”

ກອງປະຊຸມພິເສດ ກັບ ຄຣິດຕິນ ລາກາດ, ກຳມະການຜູ້ຈັດການກອງທຶນການເງິນລະຫວ່າງປະເທດ (IMF), ໃນຫົວຂໍ້ “ມຸມມອງການພັດທະນາເສດຖະກິດອາຊຽນ”

ຄຣິດຕິນ ລາກາດ ໃຫ້ຄວາມເຫັນໃນການປຶກສາຫາລືແບບໂດຍກົງກັບ ໂຄຼອີ້ ວ່າ “ປະເທດໃນກຸ່ມອາຊຽນບໍ່ໄດ້ດຳເນີນການຄ້າຂາຍນຳກັນຫຼາຍເທົ່າທີ່ຄວນ, ​ມີພຽງແຕ່ 50% ເທົ່ານັ້ນເມື່ອທຽບກັບເອີລົບ. ​ນີ້ແມ່ນຈຸດທີ່ຄວນຈະໃຫ້ຄວາມສຳຄັນກັບ ການຮວມກຸ່ມທາງດ້ານເສດຖະກິດ.​ ນອກຈາກນີ້,​ ຍັງມີບົດຮຽນຈາກປະເທດອື່ນໆອີກ ທີ່ບັນດາປະເທດຕ່າງໃນອາຊຽນຄວນຈະນຳມາໝູນໃຊ້ໃຫ້ເປັນປະໂຫຍດ ເຊັ່ນ ປະເທດຈີນ”

ເມື່ອຖາມກ່ຽວກັບບົດຮຽນທີ່ປະເທດໃນກຸ່ມອາຊຽນສາມາດຮຽນຮູ້ຈາກເອີລົບ ແລະ ການອອກຈາກສະຫະພາບເອີລົບ ຂອງປະເທດອັງກິດ  (ບຣີຊິດ Brexit) ນາງໄດ້ກ່າວວ່າ ““ດ້ວຍການມີປະຊາຄົມເສດຖະກິດອາຊຽນ,​ ທຸກປະເທດໃນພາກພື້ນອາຊຽນແມ່ນກຳລັງ ຈະເລີ່ມຕົ້ນໄປພ້ອມໆກັນ ແລະ ນີ້ເປັນສິ່ງທີ່ສຳຄັນ. ມີການເຫັນຄຸນຄ່າໃນການດຳເນີນການຮ່ວມກັນ ເພື່ອຮ່ວມເປັນອັນໜຶ່ງອັນດຽວ.​

ການຮ່ວມດຳເນີນໂຄງການ ແລະ ການລົງທຶນໃນພາກພື້ນແມ່ນມີຄວາມສຳຄັນເຊັ່ນກັນ.​ ນອກຈາກນີ້,​ຍັງໄດ້ຍົກໃຫ້ເຫັນຄຸນຄ່າໃນການອະນຸຮັກວັດທະນາທຳອີກດ້ວຍ – ໝາຍຄວາມວ່າ ການຮວມກຸ່ມເປັນຫົວໜ່ວຍເສດຖະກິດດຽວກັນ ບໍ່ໄດ້ໝາຍເຖິງແຕ່ລະປະເທດໃນກຸ່ມອາຊຽນຈະຕ້ອງເສຍວັດທະນາທຳຂອງຕົນເອງ.”

ລາຍການ ເຈາະເລິກດ້ານທຸລະກິດໃນຂົງເຂດອາຊຽນ ຂອງຊ່ອງໂທລະພາບນິວສເອເຊຍ  

ຜູ້ຮ່ວມການປຶກສາຫາລືໃນກອງປະຊຸມຄັ້ງນີ້ປະກອບດ້ວຍຜູ້ນຳດ້ານທຸລະກິດຈາກພາກເອກະຊົນຈາກປະເທດລາວ:​

• ນາງ ແອນນາ ກຣີນ,​ ຜູ້ບໍລິຫານ ທະນາຄານ ເອເອັນແຊັດ ລາວ
• ທ່ານ ຄຳສິນທະວົງ ຫຍຸຍວານິສວົງ – ທີ່ປຶກສາປະທານ ບໍລິສັດ ເອັສທີ ກຣຸບ
• ທ່ານ ອາຫຼຽນ ແສງແກ້ວປະເສີດ ,​ຜູ້ບໍລິຫານ ກາເຟ ກຣີນ ຮິລ
• ທ່ານ ວັນເພັງ ຊົມຊະນະ.​ຜູ້ອຳນວຍການ ບໍລິສັດ ຄຳໄພຊະນະ ກຣຸບ

ໜຶ່ງໃນຂອບເຂດຍຸດທະສາດຂອງການປຶກສາຫາລຶືໃນກອງປະຊຸມຄັ້ງນີ້ແມ່ນວິທີການທີ່ ບັນດາຫົວໜ່ວຍທຸລະກິດໃນປະເທດລາວຈະຕ້ອງເອົາຊະນະ ຄວາມທ້າທາຍຕ່າໆໃນສອງທົດສະວັດທີ່ຜ່ານມາ ເຊິ່ງລວມມີ ວິກິດການທາງການເງິນ, ​ຄວາມຫຍຸ້ງຍາກໃນການກູ້ຢືມເງິນ ແລະ ທຶນ ເຊັ່ນດຽວກັນກັບການແຂ່ງຂັນໃນຕະຫຼາດ. ມຸມມອງພາຍໃນກອງປະຊຸມຍັງໄດ້ລວມເຖິງ ການແລກປ່ຽນໃນການແກ້ບັນຫາເພື່ອຊ່ວຍໃຫ້ຫົວໜ່ວຍທຸລະກິດຕ່າງໆໄດ້ຂະຫຍາຍຕົວ ແລະ ຍັງກຳນົດວິໄສທັດເພື່ອອະນາຄົດສຳລັບບັນດາຫົວໜ່ວຍທຸລະກິດໃນຂົງເຂດອາຊຽນ, ​ເຊິ່ງມີສັກກະຍະພາບທີ່ຈະສ້າງຄວມສຳພັນທົ່ວທັງພາກພື້ນເພື່ອແລກປ່ຽນຄວາມຮູ້, ​ເຂົ້າໃຈຕໍ່ລູກຄ້າໃຫ້ດີຂຶ້ນ ແລະ ຂະຫຍາຍການດຳເນີນງານໃຫ້ກວ້າງອອກອີກດ້ວຍ.​

ປະເດັນສຳຄັນທີ່ໄດ້ຈາກລາຍການ ເຈາະເລິກດ້ານທຸລະກິດໃນຂົງເຂດອາຊຽນ ຂອງຊ່ອງໂທລະພາບນິວສເອເຊຍ  ແລະ ກອງປະຊຸມພາກພິເສດ ກັບ ຄຣິດຕິນ ລາກາດ, ຈະອອກອາກາດທາງ  ສະຖານີໂທລະພາບ ນິວສເອເຊຍ ຕອນ ຈັບກະແສອາຊຽນ ໃນວັນທີ 14 ​ກັນຍາ,​ ເວລາ 21:30 (ເວລາທ້ອງຖິ່ນ ສິງກະໂປ/ຮົງກົງ/ມະນິລາ,) ​ເວລາ 20:30 (ເວລາທ້ອງຖິ່ນ ຢາງກຸ້ງ/ຈາກາຕາ/ກຸງເທບ).​

ເຈາະເລິກທຸລະກິດອາຊຽນ ແມ່ນລາຍການລ່າສຸດຂອງຊ່ອງໂທລະພາບນິວສເອເຊຍ ການອອກອາກາດທີ່ປະສົບຜົນສຳເລັດ ຂອງກອງປະຊຸມທຸລະກິດທີ່ຈັດໂດຍສະຖານີໂທລະພາບໃນທົ່ວພາກພື້ນອາຊີ .​​ລາຍການນີ້ແມ່ນມີເປົ້າໝາຍເພື່ອຮວບຮວມ ແລະ ມີສ່ວນຮ່ວມກັບເຄືອຄ່າຍຂອງແຂກກິຕິມະສັກ ເຊັ່ນເຈົ້າໜ້າທີ່ລັດລະດັບສູງ, ​ຜູ້ບໍລິຫານອາວຸໂສຂອງອົງການ ແລະ ຜູ້ນຳ ທາງດ້ານທຸລະກິດໃນລະດັບພາກພື້ນ​ໃນການປຶກສາຫາລືຢ່າງເຈາະເລິກ, ເພື່ອສະແດງຄວາມຄິດເຫັນ ແລະ ມຸມມອງກ່ຽວກັບ ສະຖານະການປັດຈຸບັນ ແລະ ບັນຫາທາງສັງຄົມ ແລະ ເສດຖະກິດທີ່ສົ່ງຜົນກະທົບຕໍ່ສະພາບແວດລ້ອມທາງທຸລະກິດ ທີ່ຢູ່ອ້ອມຕົວເຮົາ.​

ສະຖານີໂທລະພາບ ນິວສເອເຊຍ ໄດ້ຈັດກອງປະຊຸມເຈາະເລິກທຸລະກິດທີ່ອິນໂດເນເຊຍ (2013&2015), ມາເລເຊຍ (2014), ຫວຽດນາມ (2014), ປະເທດມຽນມາ (2014), ປະເທດໄທ (2013&2015) ແລະ ສິງກະໂປ (2015).

ABIS 2016 ໄດ້ຈັດຂຶ້ນໃນວັນທີ 5 – 7 ເດືອນກັນຍາ ພ້ອມກັບກອງປະຊຸມສຸດຍອດອາຊຽນ ຄັ້ງທີ 28. ກອງປະຊຸມສຸດຍອດອາຊຽນໄດ້ເປັນເວທີໃຫ້ຊຸມຊົນນັກທຸລະກິດໄດ້ມີສ່ວນຮ່ວມກັບຜູ້ນໍາອາຊຽນ, ຜູ້ນໍາທຸລະກິດ, ຜູ້ປະກອບການ ແລະ ຜູ້ຕັດສິນໃຈທີ່ສໍາຄັນ ເພື່ອກຳນົດ ປຶກສາຫາລື ແລະ ພັດທະນາ ທາງອອກ ຕໍ່ບັນຫາຮີບດ່ວນ ທີ່ສົ່ງຜົນກະທົບຕໍ່ກັບການດຶງດູດດ້ານການລົງທຶນຂອງພາກພື້ນ ແລະ ສັກກະຍະພາບດ້ານທຸລະກິດ.

ທ່ານ ອຸເດດ ສຸວັນ, ປະທານສະພາທຸລະກິດທີ່ປຶກສາອາຊຽນໄດ້ກ່າວວ່າ, “ໃນກອງປະຊຸມ ABIS 2016, ພວກເຮົາໄດ້ປຶກສາຫາລື ແລະ ນຳສະເໜີບັນຫາຫຼາຍຢ່າງ ທີ່ຂະແຫນງການເອກະຊົນ ແລະ ແຜນງານຂອງສະມາຄົມທຸລະກິດປະຊາຊາດອາຊຽນໄດ້ປະເຊີນໜ້າ.​ ພວກເຮົາໄດ້ກວມເອົາຫົວຂໍ້ກ່ຽວກັບ ທຸລະກິດ ຂະຫນາດນ້ອຍ ແລະ ຂະຫນາດກາງ (SMEs), ການຄ້າຂາຍອອນລາຍ ແລະ ການຈັດການທຸລະກິດອອນລາຍ ແລະ ວິໄສທັດຂອງການດຳເນີນທຸລະກິດໂດຍລວມ. ພວກເຮົາມີຄວາມປິຕິຍິນດີຫຼາຍທີ່ມີຄະນະຜູ້ແທນເປັນຈໍານວນຫຼາຍ ແລະ ບັນດາຜູ້ນຳຂອງອົງການລັດຕ່າງທີ່ມາເຂົ້າຮ່ວມໃນກອງປະຊຸມ ABIS 2016 ຄັ້ງນີ້”.