ຊ໊ອກໂກແລດ ເປັນອີກໜຶ່ງຂອງຫວານທີ່ໃຜຫຼາຍຄົນມັກກິນເປັນອາຫານຫວ່າງ ເພາະຣົດຊາດທີ່ຫອມຫວານມັນ ຍິ່ງກິນຍິ່ງແຊ໊ບຕິດປາກຕິດຄໍ ແຕ່ຫຼາຍຄົນກໍ່ອາດຈະບໍ່ຮູ້ຈັກຄຸນປະໂຫຍດ ແລະ ໂທດຂອງມັນ ເຊິ່ງວັນນີ້ພວກເຮົາກໍ່ເລີຍມີມາຝາກກັນ
ຄຸນປະໂຫຍດຂອງຊ໊ອກໂກແລດ
1. ຢັບຢັ້ງຄວາມເຖົ້າ ບໍ່ໃຫ້ເຖົ້າໄວ
2. ມີປະໂຫຍດຕໍ່ການທຳງານຂອງຫົວໃຈ ແລະ ຄວາມດັນເລືອດສູງ
3. ຊ່ວຍເພີ່ມຮໍໂມນໂປຣເຈສເຕີໂຣນ ທີ່ມີຜົນຕໍ່ອາລົມຂອງແມ່ຍິງໃນໄລຍະເປັນປະຈຳເດືອນ
4. ຊ່ວຍຫຼຸດຄວາມຕຶງຄຽດໄດ້
5. ຊ່ວຍໃຫ້ຜິວງາມ ຫຼຸດບັນຫາເລື່ອງສິວ
6. ຊ່ວຍໃຫ້ຮູ້ສຶກມີຊີວິດຊີວາຂຶ້ນ
7. ຊ່ວຍບັນເທົາອາການໄອ
ຂໍ້ເສຍຂອງຊ໊ອກໂກແລດ
- ເຮັດໃຫ້ແຂ້ວກາຍສະພາບຈາກສີຂາວໄປເປັນສີເຫຼືອງ ແລະ ເປັນແຂ້ວແມງໄດ້ງ່າຍ
- ສ່ຽງກັບການເປັນໂຣກໜິ້ວໃນກະເພາະປັດສະວະ
- ເຮັດໃຫ້ກະດູກຜ່ອຍງ່າຍ ໂດຍສະເພາະແມ່ຍິງທີ່ກ້າວເຂົ້າສູ່ໄວໃກ້ໝົດປະຈຳເດືອນ
- ສ່ຽງກັບການເປັນໂຣກໄມເກຣນ
- ສ່ຽງກັບການມີເນື້ອເຍື້ອໃນເອິກ ຫຼື ໃນປອດ
- ສ່ຽງກັບການເປັນໂຣກນອນບໍ່ຫຼັບ
ໃນຊ໊ອກໂກແລດ ເຖິງຈະມີສານທີ່ມີຜົນປະໂຫຍດຕໍ່ຮ່າງກາຍດັ່ງທີ່ກ່າວມານັ້ນກໍ່ຈິງ ແຕ່ຖ້າກິນໃນປະລິມານທີ່ຫຼາຍເກີນໄປ ກໍ່ຈະເຮັດໃຫ້ເກີດເປັນຜົນເສຍຕໍ່ຮ່າງກາຍໄດ້ເຊັ່ນດຽວກັນ ເພາະໃນສ່ວນປະສົມຂອງ ຊ໊ອກໂກແລດ ມີສານຄາຟາອິນໃນປະລິມານຫຼາຍ, ແຊນທີນໄທໂອໂບຣມິນ, ສານອອກຊາເລດ, ສານເອມິນຫຼາຍຊະນິດ ຖ້າສານຈຳພວກນີ້ຫາກເຂົ້າສູ່ຮ່າງກາຍໃນປະລິມານຫຼາຍກໍ່ຈະສົ່ງຜົນເສຍຕໍ່ຮ່າງກາຍໄດ້ ສະນັ້ນການກິນຊ໊ອກໂກແລດໃຫ້ໄດ້ປະໂຫຍດນັ້ນ ຄວນກິນໃນປະລິມານພໍດີ ບໍ່ຄວນກິນຫຼາຍກິນພໍຫອມປາກຫອມຄໍ ກໍ່ພໍແລ້ວ