spot_img
Homeຂ່າວນໍ້າຖ້ວມທາງຫລາຍສາຍໃນຕົວເມືອງນະຄອນຫຼວງຖືກນໍ້າຖ້ວມ

ທາງຫລາຍສາຍໃນຕົວເມືອງນະຄອນຫຼວງຖືກນໍ້າຖ້ວມ

Published on

ພາຍຫລັງຝົນຕົກໜັກຕິດຕໍ່ກັນຫລາຍຊົ່ວໂມງນັບແຕ່ຄືນຂອງວັນທີ 5 ຈົນຮອດບ່າຍວັນທີ 6 ກັນຍານີ້, ໄດ້ເຮັດໃຫ້ຮ່ອງລະບາຍນໍ້າຕາມສາຍທາງຕ່າງໆໃນຕົວເມືອງ ແລະ ເຂດຊານເມືອງລະ ບາຍບໍ່ທັນ, ຈຶ່ງເຮັດໃຫ້ເກີດມີນໍ້າຖ້ວມທາງໃນຫລາຍຈຸດ, ອັນໄດ້ສົ່ງຜົນກະທົບຕໍ່ການສັນຈອນເປັນ ອໍາມະພາດຢູ່ຫລາຍຍ່ານເປັນຫລາຍຊົ່ວໂມງ, ໂດຍສະເພາະເສັ້ນທາງແຕ່ດອນໜູນຫາທ່າງ່ອນ, ເມືອງໄຊທານີ ເຊັ່ນ: ເຂດບ້ານດົງໝາກຄາຍ, ດ່ານຊ້າງ, ລາດຄວາຍ,ບ້ານນາ ແລະ ອື່ນໆ ກະແສນໍ້າໄດ້ ຍື່ງໄຫລຖ້ວມເສັ້ນທາງ ແລະ ເຮືອນຊານຂອງປະຊາຊົນໃນເຂດດັ່ງກ່າວສູງປະມານ 30-40 ຊັງຕີແມັດ, ເຮັດໃຫ້ຍວດຍານພາຫະນະຂະໜາດນ້ອຍບໍ່

ສາມາດຜ່ານໄປມາໄດ້, ຍັງເຮັດໃຫ້ມີລົດຈັກ, ລົດເກງ ຫລາຍຄັນເກີດການເປ່ເພຍ້ອນລຸຍຜ່າກະແສນໍ້າດັ່ງກ່າວ. ນອກຈາກນີ້ຢູ່ເສັ້ນທາງເຂດສີແຍກໄຟແດງທາດຫລວງ ແລະ ບ່ອນອື່ນໆ ທີ່ເປັນພື້ນທີ່ຕໍ່າ ກໍມີສະພາບນໍ້າຖ້ວມອັ່ງຂັ່ງເຊັ່ນກັນ, ຊຶ່ງສະພາບດັ່ງກ່າວນີ້ບໍ່ແມ່ນບັນຫາໃໝ່, ແຕ່ມັນເກີດຂຶ້ນເລື້ອຍໆເມື່ອມີຝົນຕົກໜັກ ຫລື ຕົກລີນເປັນເວລາດົນ, ສາເຫດຕົ້ນຕໍແມ່ນຍ້ອນຮ່ອງລະບາຍນໍ້າຂອງທາງຫລາຍສາຍບໍ່ຮັບປະກັນ, ມີສະພາບຂີ້ດິນ, ຂີ້ເຫຍື້ອອຸດຕັນ ຈຶ່ງເຮັດໃຫ້ນໍ້າລະບາຍລົງສູ່ຮ່ອງນໍ້າສາຍຫລັກບໍ່ທັນຈຶ່ງເກີດມີສະພາບນໍ້າຖ້ວມດັ່ງກ່າວ ແລະ ຖ້າສະພາບແບບນີ້ແກ່ຍາວກໍຈະເປັນຕົ້ນເຫດໜຶ່ງເຮັດໃຫ້ເສັ້ນທາງເປ່ເພໄດ້ງ່າຍ.

 

ທີ່ມາຈາກ: laophatthananewspaper

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...