spot_img
Homeຂ່າວການພັດທະນາອາເມລິກາຊ່ວຍລາວພັດທະນາພະລັງງານໄຟຟ້າແສງອາທິດ ແລະ ສ້າງຊັບພະຍາກອນມະນຸດ

ອາເມລິກາຊ່ວຍລາວພັດທະນາພະລັງງານໄຟຟ້າແສງອາທິດ ແລະ ສ້າງຊັບພະຍາກອນມະນຸດ

Published on

ພິທີລົງນາມການຊ່ວຍເຫລືອຂອງລັດຖະບານສະຫະລັດອາເມລິກາໃນການເຮັດບົດວິພາກພັດທະນາໂຮງໄຟຟ້າພະລັງງານແສງອາ ທິດຂະໜາດ 20ເມກາວັດຢູ່ ສປປ ລາວ, ການເປີດຫ້ອງການບໍລິສັດ General Electric (GE) ຢູ່ ສປປ ລາວ ແລະ ໂຄງການສ້າງທັກສະດ້ານນະວັດຕະກໍາ, ໄດ້ມີຂຶ້ນໃນວັນທີ 5 ກັນຍານີ້, ທີ່ນະຄອນ ຫລວງວຽງຈັນ, ໂດຍມີທ່ານເອກອັກຄະລັດຖະທູດສະຫະລັດອາເມລິກາປະຈໍາລາວ ດານຽວ ເອ ຄລູນ, ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ຄໍາມະນີ ອິນທິລາດ, ທ່ານລັດຖະມົນຕີກະຊວງສຶກສາທິການ ແລະ ກິລາ ນາງ ແສງເດືອນ ຫລ້າຈັນທະບູນ ແລະ ທ່ານລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ທັນສະໄໝ ກົມມະສິດ, ພ້ອມດ້ວຍພາກສ່ວນກ່ຽວຂ້ອງຕ່າງໆເຂົ້າຮ່ວມຢ່າງພ້ອມພຽງ.

ສໍາລັບການເຮັດບົດວິພາກພັດທະນາພະລັງງານແສງອາທິດ ຖືວ່າເປັນໂຄງການຂະໜາດໃຫຍ່ຢູ່ລາວ,ສາມາດສະໜອງໄຟຟ້າໃຫ້ປະຊາຊົນໄດ້ຫລາຍກວ່າ 30 ພັນຄອບຄົວ, ໂດຍແມ່ນຫ້ອງການ USTDA ໄດ້ສະໜອງທຶນໃຫ້ບໍລິສັດ ປາຊີຟິກ ສະຕາລ ຄາປີໂຕ ໃນການສຶກສາຄວາມເປັນໄປໄດ້ທາງດ້ານເຕັກນິກ ແລະ ທຸລະກິດ. ສ່ວນການເປີດຫ້ອງການຂອງບໍລິສັດ GE ຢູ່ລາວນັ້ນ ເພື່ອເຮັດວຽກຮ່ວມກັບລັດວິສາຫະກິດໄຟຟ້າລາວໃນການສຶກສາວິທີປັບປຸງເຄືອຂ່າຍສາຍສົ່ງທີ່ທັນສະໄໝ ແລະ ການຈໍາໜ່າຍໄຟຟ້າ ເພື່ອສາມາດເຊື່ອມຕໍ່ກັບບັນດາປະເທດໃນພາກພື້ນ, ທັງຮ່ວມມືກັບມະຫາວິທະຍາໄລແຫ່ງຊາດ ແລະ ມະຫາວິທະຍາໄລຊັບພະວິຊາ ເພື່ອສ້າງຊັບພະຍາກອນມະນຸດໃນຂະແໜງດັ່ງກ່າວ ແລະ ສໍາລັບໂຄງການສ້າງທັກສະດ້ານນະວັດຕະກໍາ ແມ່ນບໍລິສັດໄມໂຄຼຊອບ ໄດ້ຮ່ວມກັບກະຊວງສຶກສາທິການ ແລະ ກິລາ ແລະ ກະຊວງໄປສະນີ, ໂທລະຄົມມະນາຄົມ ແລະ ການສື່ສານລາວ ເພື່ອຊ່ວຍນັກສຶກສາ ແລະ ຜູ້ປະກອບການຂອງລາວສາມາດເຂົ້າເຖິງຫລັກສູດການຝຶກອົບຮົມໂດຍນໍາໃຊ້ເຕັກໂນໂລຊີຄລາວ (cloud technology) ທີ່ມີຄວາມທັນສະໄໝຫລ້າສຸດຂອງໄມໂຄຼຊອບ ເຊັ່ນ:  ເຕັກໂນໂລຊີວິສະວະກໍາ, ການບັນຊີ, ພາສາອັງກິດ ແລະ ອື່ນໆ ໂດຍບໍ່ເສຍຄ່າໃຊ້ຈ່າຍ ເພື່ອໃຫ້ນັກສຶກສາ, ໄວໜຸ່ມ ແລະ ຜູ້ປະກອບການທີ່ຕ້ອງການສ້າງທັກສະ ແລະ ຄວາມຮູ້ທີ່ຈໍາເປັນ ເພື່ອສາມາດແຂ່ງຂັນໃນຍຸກທີ່ມີການເຊື່ອມໂຍງກັບພາກພື້ນໄດ້ຫລາຍຂຶ້ນ. ບໍລິສັດໄມໂຄຼຊອບ ໃຫ້ຮູ້ວ່າ: ໃນໄລຍະສອງປີຜ່ານມາມີໄວໜຸ່ມຫລາຍກວ່າ 26 ລ້ານຄົນໃນ 18 ປະເທດທົ່ວໂລກໄດ້ເຂົ້າຮ່ວມຝຶກອົບຮົມຫລັກສູດດັ່ງກ່າວແລ້ວ.

ການລົງນາມຮ່ວມມືລະຫວ່າງສະຫະລັດອາເມລິກາ ແລະ ລາວຄັ້ງນີ້, ມີຂຶ້ນໃນໂອກາດທີ່ທ່ານປະທານາທິບໍດີສະຫະລັດອາເມລິກາ ບາຣັກ ໂອບາມາ ໄດ້ເດີນທາງມາຢ້ຽມຢາມ ສ ປປ ລາວ ເປັນຄັ້ງປະຫວັດສາດ ເພື່ອເຂົ້າຮ່ວມກອງປະຊຸມສຸດຍອດອາຊຽນຄັ້ງທີ 28, 29 ແລະ ກອງປະຊຸມສຸດຍອດອາຊຽນ-ສະຫະລັດອາເມລິກາຄັ້ງທີ 4 ແຕ່ວັນທີ 6-8 ກັນຍານີ້ທີ່ນະຄອນຫລວງວຽງຈັນ.

ທີ່ມາຈາກ:

laophatthananewspaper
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...