ຕ້ອງບອກໄວ້ກ່ອນເລີຍວ່າ ມັນເປັນສາລີແທ້ ບໍ່ໄດ້ເປັນພາບແຕ່ງຈາກ Photoshop ສາລີພັນນີ້ຊື່ວ່າ ສາລີອັນຍະມະນີແກ້ວ (Glass Gem Corn) ເນື່ອງຈາກມີສີສັນຫຼາກຫຼາຍ ແລະ ເມື່ອນຳໄປຕົ້ມມັນຍັງເຫຼື້ອມມັນວາວອີກຕ່າງຫາກ

ສຳລັບຕົ້ນກຳເນີດຂອງສາລີອັນຍະມະນີແກ້ວ ນັ້ນເລີ່ມຂຶ້ນເມື່ອ ທ້າວ ຄລາຣ໌ ບຣາສ໌ ກະສິກອນຊາວເຊີໂຣຄີ ເປັນຊົນເຜົ່າພື້ນເມືອງຂອງອາເມລິກາ ຈາກລັດໂອຄລາໂຮມາ ສະຫະລັດອາເມລິກາ ເລີ່ມສັງເກດເຫັນວ່າ ບາງເທື່ອສາລີໃນໄຮ່ຂອງລາວຈະມີສີຂອງເມັດທີ່ເບິ່ງແຕກຕ່າງໄປຈາກປົກກະຕິ ເຂົາຈິ່ງໄດ້ເລີ່ມທຸ້ມເທເວລາໄປກັບການຄົ້ນຄ້ວາ ແລະ ພັດທະນາສາຍພັນສາລີຂຶ້ນ ຈົນໃນທີ່ສຸດລາວກໍ່ປະສົບຜົນສຳເລັດ ແລະ ສາມາດເພາະພັນ ແນວພັນສາລີອັນຍະມະນີ້ແກ້ວ ທີ່ບໍ່ວ່າໃຜໄດ້ເຫັນແລ້ວຕ້ອງຊື່ນຊົມໃນຄວາມງາມເໝືອນກັບງານສີລະປະຫຼາຍກວ່າເປັນພຽງພັນພືດເທົ່ານັ້ນ

ຈາກນັ້ນເມື່ອປີ 2013 ກ່ອນທີ່ ຄລາຣ໌ ຈະສິ້ນລົມຫາຍໃຈ ເຂົາໄດ້ຝາກສາລີອັນຍະມະນີແກ້ວທີ່ເຂົາເຄີຍເກັບໄວ້ໃຫ້ກັບທ້າວ ເກຣກ ສະໂຄນ ນັກເພາະພັນສາລີ ເພື່ອຝາກພາລະກິດໃນການປົກປ້ອງສາຍພັນສາລີທີ່ງົດງາມນີ້ໄວ້ບໍ່ໃຫ້ຫາຍສາບສູນໄປ ເຊິ່ງຄວາມຫວັງຂອງຄລາຣ໌ ກໍ່ເປັນຄວາມຈິງ ແລ້ວສາລີອັນຍະມະນີແກ້ວກໍ່ຍັງໄດ້ຮັບການປັງປຸງສາຍພັນຈົນມີສີສັນທີ່ຕ່າງຈາກສາຍພັນເດີມອອກມາຫຼາຍຫຼາກສີອີກດ້ວຍ

ດ້ວຍຄວາມງາມຂອງສາລີພັນນີ້ ຈິ່ງມີຄຳຖາມທີ່ວ່າ ສາລີພັນນີ້ກິນໄດ້ບໍ່ ຄຳຕອບຄືກິນໄດ້ ແຕ່ບໍ່ແມ່ນການນຳໄປຕົ້ມກິນ ສາລີພັນແກ້ວມະນີເປັນສາຍພັນທີ່ນຳໄປຂົ້ວກິນເປັນແບບປ໊ອບຄອນ (Popcorn) ຫຼື ນຳໄປບົດເຮັດເປັນແປ້ງສາລີ ຫຼື ນຳໄປປູກເພື່ອຄວາມສວຍງາມ

ຂໍ້ມູນຈາກ: http://hilight.kapook.com/
ຕິດຕາມນານາສາລະ ກົດໄລຄ໌ເລີຍ!