ເຮືອນໃດທີ່ມີໝາ-ແມວ ມາມັກມາຢ່ຽວ ຫຼື ຖ່າຍໜັກໃສ່ໜ້າເຮືອນ ຫຼື ບໍລິເວນເຮືອນ ບອກເລີຍວ່ານີ້ເປັນບັນຫາໃຫຍ່ ຂອງຄົນທີ່ພົບພໍ້ ສາລະໜ້າຮູ້ວັນນີ້ເຮົາເລີຍບໍ່ພາດທີ່ຈະນຳວິທີປ້ອງກັນໝາ-ແມວ ມາຢ່ຽວ ຫຼື ຖ່າຍໜັກ ໃສ່ໜ້າເຮືອນ ມາຝາກກັນ ຮັບຮອງວ່າໄດ້ຜົນແນ່ນອນ
- ໂດຍປົກກະຕິແລ້ວ ໝາ-ແມວ ມັກຈະທຽວມາຖ່າຍ ຫຼື ຢ່ຽວ ຢູ່ບໍລິເວນເກົ່າຊ້ຳໆ ເພາະມັນຄິດວ່າ ບ່ອນນີ້ເປັນສະຖານທີ່ປົດທຸກຂອງມັນ ສະນັ້ນເຮົາຕ້ອງປ່ຽນແນວຄິດມັນ ຫຼັງຈາກທີ່ມັນມາຢ່ຽວໃສ່ ຫຼື ຖ່າຍໃສ່ແລ້ວ ເຮົາກໍ່ລ້າງເຮັດຄວາມສະອາດດ້ວຍນ້ຳແຟັບ ຫຼື ນ້ຳສົ້ມຊາຍຊູກໍ່ໄດ້ ເພື່ອດັບກິ່ນ ຈາກນັ້ນ ເຮົາກໍ່ຫາເສດອາຫານ ປະເພດກະດູກ ມາປະໄວ້ບໍລິເວນນັ້ນ ເຮັດຕິດຕໍ່ກັນປະມານ 2-3 ວັນ ມັນກໍ່ຈະຄິດວ່າ ບ່ອນນີ້ແມ່ນບ່ອນກິນບໍ່ແມ່ນບ່ອນຖ່າຍໃສ່
- ຕິດແວ່ນແກ້ວສະທ້ອນເງົາໃສ່ບໍລິເວນນັ້ນ ເພາະໝາ-ແມວ ຈະເຫັນເງົາໂຕເອງ ແລະ ຄິດວ່າມີໂຕອື່ນກຳລັງເບິ່ງໂຕ ມັນຈິ່ງບໍ່ກ້າຖ່າຍໜັກ ຖ່າຍເບົາໃສ່ບໍລິເວນນັ້ນ
- ປະສົມນ້ຳຢາດັບກິນ ຫຼື ນ້ຳຢາຂ້າເຊື້ອໂຣກ 1 ສ່ວນ ປະສົມນ້ຳ 4 ສ່ວນ ແລ້ວສາດໃສ່ພື້ນທີ່ມັນມັກມາຖ່າຍໃສ່ ຢ່ຽວໃສ່ ເຮັດເປັນປະຈຳໝາກໍ່ຈະບໍ່ມາທັນທີ
ທີ່ມາຈາກ: ພັນທິບ
ຕິດຕາມPictpost ຮູບພາບລາວໂພສຕ໌ ກົດໄລຄ໌ເລີຍ!
ifram FBPictpost