spot_img
Homeຂ່າວທ້ອງຖິ່ນປກສ ສະຫວັນນະເຂດ ແລກປ່ຽນບົດຮຽນກັບ ກອງບັນຊາການຕຳຫລວດ ແຂວງກວາງບິ່ງ ສສ ຫວຽດນາມ

ປກສ ສະຫວັນນະເຂດ ແລກປ່ຽນບົດຮຽນກັບ ກອງບັນຊາການຕຳຫລວດ ແຂວງກວາງບິ່ງ ສສ ຫວຽດນາມ

Published on

ຂປລ. ​ແຫ​ລ່ງຂ່າວ​ຈາກ ​ແຂວງ​ສະຫວັນ​ນະ​ເຂດ ​ໃຫ້​ຮູ້​ວ່າ: ໃນລະຫວ່າງວັນທີ 21-23 ສິງຫາ 2016 ນີ້, ທ່ານ ພັນເອກ ຄຳພົນ ສີຫາປັນຍາ ຄະນະປະຈຳພັກແຂວງ ຫົວໜ້າກອງບັນຊາການ ປກສ ແຂວງສະຫວັນະເຂດ ພ້ອມຄະນະ ໄດ້ເດີນທາງໄປຮ່ວມກອງປະຊຸມແລກປ່ຽນສະພາບ ຢູ່ ແຂວງກວາງບິ່ງ ສສ ຫວຽດນາມ ນຳ​ໂດຍທ່ານ ພົນຈັດຕະວາ ຕື່ ຮົ່ງ ເຊິນ ຄະນະປະຈຳພັກແຂວງ ຫົວໜ້າກອງບັນຊາການຕຳຫລວດ ແຂວງກວາງບິ່ງ ເພື່ອຮັດແໜ້ນຄວາມສາມັກຄີ, ຄວາມເຂົ້າໃຈເປັນເອກະພາບ ລະຫວ່າງ ສອງກອງບັນຊາການ ​ໃຫ້​ມີ​ຄວາມ​ໜັກ​ແໜ້ນ​ຂຶ້ນ​ຕື່ມ.

ການ
​ພົບ​ປະ​ຄັ້ງນີ້, ສອງຝ່າຍໄດ້ພ້ອມກັນຄົ້ນຄວ້າຕີລາຄາ ຊອກຫາວິທີແກ້ໄຂ ບັນຫາກົນອຸບາຍ ແລະ ຮູບການເຄື່ອນໄຫວຂອງ ບັນດາອິດທິກຳລັງປໍລະປັກທີ່ມີຕໍ່ລາວ ແລະ ຫວຽດນາມ ເພື່ອຊອກຫາວິທີແກ້ໄຂ ຢ່າງທັນເວລາເປັນຕົ້ນ ແມ່ນກົນອຸບາຍການເຄື່ອນໄຫວຂອງບັນດາເປົ້າໝາຍ ນັກສືບສອດແນມ ແລະ ຜູ້ກໍ່ການຮ້າຍ, ເພີ່ມທະວີການແລກປ່ຽນບົດຮຽນ, ປະສານສົມທົບ ແລກປ່ຽນຂໍ້ມູນຂ່າວສານ, ຜັນຂະຫຍາຍການຮ່ວມມືສະກັດກັ້ນ ແລະ ຕ້ານຢາເສບຕິດ, ເພີ່ມທະວີສືກສາອົບຮົມ ການຄຸ້ມຄອງພົນລະເມືອງ ຢູ່ລຽບຕາມຊາຍແດນ ໃຫ້ຕື່ນຕົວເຄົາລົບກົດໝາຍ ແລະ ຮີດຄອງປະເພນີຂອງແຕ່ລະປະເທດ, ປະຕິບັດການເຂົ້າ-ອອກເມືອງ ໃຫ້ຖືກຕ້ອງຕາມກົດໝາຍຢ່າງເຂັ້ມງວດ ແນ່ໃສ່ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍຕາມ ຊາຍແດນ ເຮັດໃຫ້ແຂວງສະຫວັນນະເຂດ-ແຂວງກວາງບິ່ງ ເປັນຊາຍແດນແຫ່ງສັນຕິພາບ-ມິດຕະພາບ ແລະ ພ້ອມກັນຮັກສາຄວາມສະຫງົບ ເພື່ອກຽມຄວາມພ້ອມໃສ່ ກອງປະຊຸມສຸດຍອດອາຊຽນ ທີ່ ສປປ ລາວ​ ເປັນ​ເຈົ້າພາບ ​ເຊິ່ງຈະ​ຈັດ​ຂຶ້ນ​ໃນໄວໆນີ້.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...