ເວັບໄຊ໌ຂ່າວ Mirror news ຂອງປະເທດອັງກິດ ໄດ້ຮວບຮວມ 10 ພຶດຕິກຳຂອງຜູ້ໃຊ້ ເຟສບຸກ ທີ່ອາດຈະສ້າງຄວາມລຳຄານໃຫ້ກັບເພື່ອນບາງຄົນໄດ້ ແຕ່ວັນນີ້ພວກເຮົາຂໍນຳສະເໜີພຽງ 8 ພຶດຕິກຳເທົ່ານັ້ນ ເພາະສອງຂໍ້ທີ່ເຫຼືອມັນມີເນື້ອໃນຊ້ຳກັບຫົວຂໍ້ອື່ນໆ ເຊິ່ງຈະມີຫຍັງແນ່ເຮົາມາອ່ານກັນເລີຍ

1. ຄົນປະເພດທີ່ເຮົາຮູ້ໂລກຕ້ອງຮູ້ ບອກທຸກສິ່ງທຸກຢ່າງບໍ່ວ່າຈະເຮັດຫຍັງ, ຢູ່ໃສກໍ່ຕາມ ຕ້ອງໂພສຂຶ້ນເຟສບຸກຕະຫຼອດເວລາ ໂດຍບໍ່ຄຳນຶງວ່າ ເພື່ອນໃນເຟສບຸກທ່ານນັ້ນເຂົາຢາກຮູ້ຢາກເຫັນເລື່ອງຂອງທ່ານ ຫຼື ບໍ່

2. ເພື່ອນປະເພດມັກສົ່ງຄຳເຊີນໃຫ້ຮ່ວມຫຼິ້ນເກມ ເຖິງແມ່ນວ່າເຮົາບໍ່ຮັບຄຳເຊີນແຕ່ກໍ່ມັກສົ່ງມາໃຫ້

3. ຄູ່ຮັກທີ່ມັກໂພສຕ໌ໂຊຫວານກັນຕະຫຼອດເວລາ ເຫັນຫຼາຍໆກໍ່ຮູ້ສຶກລຳຄານໄດ້

4. ຄົນປະເພດທີ່ມັກເອົາເລື່ອງບັນຫາຊີວິດມາລະບາຍລົງເຟສບຸກ ບໍ່ວ່າຜິດກັບໃຜມາ ຮັກກັບໃຜມາ ກໍ່ນຳມາຂຽນລະບາຍເປັນປະຈຳ ຄັ້ງ 1-2 ໝູ່ກໍ່ເຂົ້າໃຈ ແລະ ຄອຍໃຫ້ຄຳປຶກສາໄດ້ ແຕ່ຖ້າເຮັດປະຈຳໝູ່ກໍ່ຄົງຍອມ

5. ຄົນທີ່ມັກໂພສຕ໌ພາບ-ວິດີໂອໂປ້ ຫຼື ມັກໂພສຕ໌ໂຊຂອງຕົນເອງ ແລະ ມັກໂພສຕ໌ເວລາທີ່ຕົນເອງມີຫຍັງກັບໃຜແລ້ວມາໂພສຕ໌ພ້ອມບັນຍາຍ ເປັນປະຈຳ

6. ປະເພດມັກຝາກຂາຍເຄື່ອງໃນເຟສຄົນອື່ນ ມັກແທັກສິນຄ້າຂອງຕົນເອງລົງເຟສບຸກຂອງຄົນອື່ນ

7. ພວກມັກໃຊ້ພາສາໄວລຸ້ນ ສັບໄວລຸ້ນເກີນໄປ ຈົນອ່ານເກືອບບໍ່ເຂົ້າໃຈວ່າຂຽນວ່າແນວໃດ

8. ພວກມັກແທັກຮູບທີ່ມີເຮົາຢູ່ໃນພາບ ເປັນປະຈຳ ບາງຄັ້ງບາງຮູບເຮົາກໍ່ບໍ່ຢາກໂຊໃຫ້ໃຜເຫັນ

ຂໍ້ມູນຈາກ: http://www.wegointer.com/