spot_img
Homeຊີວິດແລະຄວາມຮັກສັນຍານອັນຕະລາຍ ທີ່ບົ່ງບອກວ່າແຟນນອກໃຈ

ສັນຍານອັນຕະລາຍ ທີ່ບົ່ງບອກວ່າແຟນນອກໃຈ

Published on

  1. ຫ່າງເຫີນເກີນຄວາມຈຳເປັນ: ເຂົ້າໃຈວ່າໜຸ່ມໆມັກໃຊ້ເວລາຢູ່ກັບໝູ່ເພື່ອນ ບໍ່ວ່າຈະເປັນເຕະບານ, ຫຼິ້ນເກມ ຫຼືດື່ມສັງສັນກັບໝູ່ເພືອນ, ເຊິ່ງເລື່ອງແບບນີ້ເກີດຂຶ້ນໃນບາງຄັ້ງບາງຄາວ ກໍບໍ່ເປັນຫຍັງ, ແຕ່ຖ້າເປັນຕະຫຼອດຈົນບໍ່ມີເວລາໃຫ້ເຮົາເລີຍ ແຖມເວລາຢູ່ນໍາເຮົາກໍຕ່າງຄົນຕ່າງຢູ່, ມຸມໃຜມຸມມັນ ບໍ່ເຂົ້າມາເອາະເຊາະຄືແຕ່ກ່ອນ ນີ້ມັນເປັນສັນຍານບົ່ງບອກວ່າເຂົາອາດແບ່ງເວລາໄປໃຫ້ໃຜກໍເປັນໄດ້
  2. ໄປລົມໂທລະສັບບ່ອນອື່ນຕະຫຼອດ: ແມ່ນຢູ່ວ່າເຂົາອາດຈະຫຼີກໄປລົມວຽກໃນບ່ອນມິດໆ ແຕ່ຖ້າເປັນແບບນີ້ຕະຫຼອດກໍຄວນສົງໄສ ເພາະເຈົ້ານາຍບໍ່ໂທມາທຸກມື້ຫຼອກ ດັ່ງນັ້ນຄວນທົດສອບງ່າຍໆ ຫຼັງຈາກວາງສາຍແລ້ວຄວນຖາມວ່າເຂົາລົມຫຍັງກັບໃຜ, ແຕ່ຕ້ອງຖາມແບບໃຈເຢັນໆ, ຢ່າຫາເລື່ອງເຂົາກ່ອນເດັດຂາດ, ແລ້ວລອງສັງເກດທ່າທີຂອງເຂົາເບິ່ງ ຖ້າເຂົາຕອບກະຕຸກກະຕັກ ຫຼືໃຈຮ້າຍຂຶ້ນ ທ່ານຕ້ອງຈັບຕາເບິ່ງແຟນຕົນເອງໃຫ້ດີ
  3. ຕິດໂຊຊຽວເນັດເວີກ: ປົກກະຕິເຂົາເປັນພວກບໍ່ຄ່ອຍໃຫ້ຄວາມສຳຄັນກັບເທັກໂນໂລຊີ ແຖມຍັງມັກຈົ່ມໃຫ້ເຈົ້າຕະຫຼອດເວລາທີ່ທ່ານມັກແຊດກັບໝູ່ ແຕ່ຢູ່ດີໆ ເຂົາກັບຫັນມາສົນໃຈ ໂດຍສະເພາະການໃຊ້ສັງຄົມອອນລາຍ ບໍ່ວ່າຈະເປັນ facebook, line, wechet ແລະຍັງມັກກົດໄລໃຫ້ສາວໆຕະຫຼອດ, ແຊັດກັບຄົນອື່ນ ທີ່ທ່ານບໍ່ຮູ້ຈັກໂດຍສະເພາະແມ່ນສາວໆ ຖ້າເປັນແນວນັ້ນກໍຄວນສົງໄສໄດ້ແລ້ວ
  4. ຖາມຫຍັງເລັກໜ້ອຍກໍຈົ່ມ: ທັງໆທີ່ບໍ່ຄ່ອຍໄດ້ພົບ ຫຼືເວົ້ານຳກັນປານໃດ ແຕ່ພໍເວລາທີ່ເຈົ້າຖາມຫາທຸກສຸກ ຫຼືຄວາມເປັນໄປຂອງຊີວິດ ເຂົາມັກຕອບແບບສັ້ນໆ, ບໍ່ຄ່ອຍໄດ້ໃຈຄວາມ, ຖາມຄຳຕອບຄຳ, ປະມານວ່າຂີ້ຄ້ານຈະຕອບຄຳຖາມທີ່ແສນຈະຫ່ວງໄຍຂອງເຈົ້າ
  5. ຂາດຄວາມອົດທົນ: ເຂົາມັກຈະໃຊ້ສີໜ້າບໍ່ພໍໃຈ ເວົ້າຈາຮ້າຍທັ່ງ ຫຼືໃສ່ອາລົມກັບເຈົ້າຢູ່ຕະຫຼອດ ຄືວ່າຄວບຄຸມອາລົມຕົນເອງບໍ່ຢູ່ ທັງໆທີ່ແຕ່ກ່ອນບໍ່ເຄີຍເປັນເລີຍ
  6. ເຈົ້າເຮັດຫຍັງກໍຜິດໄປໝົດ: ຊ່ວງນີ້ທ່ານເຮັດຫຍັງກໍເບິ່ງຈະບໍ່ດີໄປໝົດ ຈົນເຮັດໃຫ້ເຂົາຫາເລື່ອງຖຽງກັບເຈົ້າຢູ່ຕະຫຼອດເວລາ ທີ່ເປັນແບບນີ້ເພາະເຂົາກຳລັງມີຄົນໃໝ່ນັ້ນເອງ ຈຶ່ງເຫັນຜູ້ຍິງຄົນນັ້ນດີທຸກຢ່າງ ແລະຄິດເອົາມາປຽບທຽບກັບເຈົ້າຢູ່, ເຮັດໃຫ້ຕອນນີ້ເຂົາເບິ່ງວ່າເຈົ້າເປັນຜູ້ຍິງທີ່ເຂົາຕ້ອງທົນຢູ່ນຳຫຼາຍກວ່າ ແລະຢາກຟ້າວໄປໃຊ້ເວລາສະວີດກັບສາວຄົນໃໝ່ໄວໆ
  7. ຫັນມາໃສ່ໃຈເລື່ອງການແຕ່ງຕົວຫຼາຍຂຶ້ນ: ທັງໆທີ່ແຕ່ກ່ອນ ບໍ່ວ່າເຈົ້າຈະຈົ່ມເລື່ອງການແຕ່ງຕົວແນວໃດກໍບໍ່ເຄີຍສົນໃຈ ແຕ່ດຽວນີ້ກັບລຸກຂຶ້ນມາແຕ່ງຕົວຫຼາຍຂຶ້ນ, ເຊິ່ງນີ້ເປັນສັນຍານບອກໄດ້ວ່າເຂົາອາດຈະປ່ຽນລຸກໃໝ່ໃຫ້ສາວອື່ນປະທັບໃຈຢູ່ກໍເປັນໄດ້

ນີ້ກໍເປັນຕົວຢ່າງໜ້ອຍໜຶ່ງ ທີ່ເຮົາຍົກຂຶ້ນມາບອກ ຫາກສາວໆຄົນໃດຫາກຮູ້ສຶກວ່າແຟນຂອງຕົນເອງເລີ່ມປ່ຽນແປງ ກໍລອງນຳເອົາໄປສັງເກດພຶດຕິກຳຂອງເຂົາເບິ່ງ ແນວໃດກໍຕາມກ່ອນຈະສະຫຼຸບຫຍັງກໍຄວນໃຊ້ເຫດຜົນກ່ອນອາລົມ ເພາະມັນອາດເຮັດໃຫ້ເຈົ້າເສຍໃຈນຳຫຼັງໄດ້

ທີ່ມາ: kapook

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ifram FB ເພຈທ່ຽວເມືອງລາວ Laotrips

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...