spot_img
Homeຂ່າວທ້ອງຖິ່ນຊີ້ແຈງບັນຫາສານເຄມີຮົ່ວໄຫຼຢູ່ ອຸດົມໄຊ

ຊີ້ແຈງບັນຫາສານເຄມີຮົ່ວໄຫຼຢູ່ ອຸດົມໄຊ

Published on

ລະຫວ່າງວັນທີ 15 -16 ສິງຫາ 2016 ນີ້ໄດ້ມີຝົນຕົກໜັກຢູ່ທີ່ແຂວງອຸດົມໄຊ ໂດຍສະເພາະແມ່ນເຂດຊາຍແດນລະຫວ່າງ ເມືອງໄຊ ຫາເມືອງແບງ ຈິ່ງເຮັດໃຫ້ສາຍນ້ຳແບງ ມີປະລິມານນ້ຳ ເພີ່ມຂຶ້ນຢ່າງໄວວາ ແລະໄຫຼແຮງ ເຮັດໃຫ້ເກີດນ້ຳຖ້ວມໜັກສົ່ງຜົນກະທົບ ໃຫ້ແກ່ພໍ່ແມ່ປະຊາຊົນໂດຍສະເພາະ ແມ່ນເມືອງແບງ ກັບເມືອງຮຸນ ເປັນຕົ້ນ ແມ່ນຖະໜົນຫົນທາງຖືກເຊາະເຈື່ອນ, ເປເພ, ເສົາໄຟຟ້າຫັກລົ້ມ, ຂົງເຂດທຳການຜະລິດກະສິກຳ ຂອງປະຊາຊົນຢູ່ຕາມລ້ອງແມ່ນ້ຳແບງ ໄດ້ຮັບຄວາມເສຍຫາຍເປັນບໍລິເວນກວ້າງ ລວມທັງສາງວັດສະດຸພັນ ຂອງໂຄງການປູກກ້ວຍຫອມຂອງຈີນ ກໍຖືກນ້ຳຊຸໄຫຼໄປກັບນ້ຳບາງສ່ວນກໍຈົມຢູ່ພື້ນຕົມ ເປັນສາເຫດເຮັດໃຫ້ປະຊາຊົນທີ່ຮູ້ເທົ່າບໍ່ເຖິງການຕື່ນຕົກໃຈ ແລະເຜີຍແຜ່ ຂໍ້ມູນຂ່າວສານດັ່ງກ່າວ ທາງໂລກອອນລາຍວ່າມີສານເຄມີ ຂອງໂຄງການປູກກ້ວຍຫອມຂອງຈີນ ຮົ່ວໄຫຼ ແລະເຈືອປົນຢູ່ກັບນ້ຳເປັນຈຳນວນຫຼວງຫຼາຍ ແລະມັນອາດຈະສົ່ງຜົນສະທ້ອນຕໍ່ກັບຄົນ, ສັດ, ສິ່ງແວດລ້ອມ.

ຕໍ່ກັບບັນຫາດັ່ງກ່າວ ທາງພາກສ່ວນທີ່ກ່ຽວຂ້ອງກໍຄືພະແນກຊັບພະຍາກອນ ທຳມະຊາດ ແລະສິ່ງແວດລ້ອມແຂວງ, ພະແນກກະສິກຳ ແລະປ່າໄມ້ແຂວງ ກໍໄດ້ອອກມາຊີ້ແຈງໃຫ້ມວນຊົນຮັບຮູ້ ແລະເຂົ້າໃຈລະອຽດ ຊຶ່ງຜ່ານການລົງກວດກາ ແລະສຳຫຼວດຕົວຈິງ ຂອງສອງພະແນກການ ແລ້ວຜົນປາກົດວ່າ ສິ່ງທີ່ມວນຊົນເຂົ້າໃຈວ່າມີສານເຄມີຮົ່ວໄຫຼໄປກັບນ້ຳ ແລະອາດຈະສົ່ງຜົນສະທ້ອນ ຕໍ່ກັບຄົນ, ສັດ ແລະສິ່ງແວດລ້ອມນັ້ນມັນ ບໍ່ແມ່ນຄວາມຈິງຕາມທີ່ເປັນຂ່າວ ມັນເປັນພຽງແຕ່ຢາບຳລຸງພືດ ໂດຍສະເພາະ ແມ່ນບຳລຸງດອກ, ໝາກ ແລະຢາຂ້າເຊື້ອລາທີ່ມັກເກີດກັບໝາກກ້ວຍເທົ່ານັ້ນ ທັງເປັນຢາທີ່ລັດຖະບານເຮົາອະນຸມັດໃນການນຳເຂົ້າ ເພື່ອນຳໃຊ້ເຂົ້າໃນການ ຜະລິດກະສິກຳອີກຢ່າງໜຶ່ງ ກໍຄືຢາບໍາລຸງດັ່ງກ່າວທີ່ຖືກນ້ຳຖ້ວມ ແລະໄຫຼໄປກັບນ້ຳນັ້ນຍັງຢູ່ໃນສະພາບປົກກະຕິ ໂດຍບໍ່ໄດ້ຮົ່ວໄຫຼອອກຈາກພາຊະນະ ທີ່ບັນຈຸໄວ້ ສິ່ງທີ່ສຳຄັນໄປກວ່ານັ້ນເຖິງ ແມ່ນວ່າຢາບຳລຸງນັ້ນຈະຮົ່ວໄຫຼປົນກັບນ້ຳກໍຕາມມັນບໍ່ສາມາດສົ່ງຜົນສະທ້ອນໃດໆຕໍ່ກັບຄົນ, ສັດ, ຊີວະນາໆພັນ ແລະ ສິ່ງແວດລ້ອມ.

ດັ່ງນັ້ນ, ທາງພາກສ່ວນທີ່ກ່ຽວຂ້ອງກໍຄືການນຳຂອງແຂວງ ຈຶ່ງຮຽກຮ້ອງ ໃຫ້ປະຊາຊົນຢ່າຕື່ນຕົກໃຈ ແລະດຳລົງຊີ ວິດຢ່າງເປັນປົກກະຕິ. ສ່ວນການຊ່ວຍເຫຼືອ ແລະແກ້ໄຂໃນເບື້ອງຕົ້ນ ໂດຍສະເພາະແມ່ນວຽກງານ ກະສິກໍາ ກໍໄດ້ປຸກລະດົມປະຊາຊົນເກັບກູ້ຜົນຜະລິດອັນທີ່ບໍ່ເສຍຫາຍຫຼາຍ ແລະຍັງໃຊ້ໄດ້ເປັນຕົ້ນແມ່ນສາລີເພື່ອຫຼຸດຜ່ອນຄວາມເສຍຫາຍ ລວມທັງບຳລຸງສ້ອມແຊມຕົ້ນເຂົ້າ ທີ່ລົ້ມໃຫ້ກັບຄືນສະພາບເດີມ ແລະນຳເອົາແນວພັນພືດມອບໃຫ້ກັບປະຊາຊົນເພື່ອປູກທົດແທນຜົນຜະລິດ ທີ່ຖືກນ້ຳຖ້ວມ.

ທີ່ມາ: ເສດຖະກິດ-ສັງຄົມ

 

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...