spot_img
Homeຂ່າວພາຍ​ໃນລັດຖະບານປະກາດເຕືອນ ໃຫ້ເຝົ້າລະວັງນໍໍ້າຖ້ວມ ແລະດິນເຈື່ອນ ໃນໄລຍະ 18-20 ສິງຫານີ້

ລັດຖະບານປະກາດເຕືອນ ໃຫ້ເຝົ້າລະວັງນໍໍ້າຖ້ວມ ແລະດິນເຈື່ອນ ໃນໄລຍະ 18-20 ສິງຫານີ້

Published on

ໃນຕອນເຊົ້າມື້ນີ້, ຫ້ອງວ່າການສຳນັກງານນາຍົກລັດຖະມົນຕີ ໄດ້ອອກແຈ້ງເຕືອນພາຍຸໝຸນເຂດຮ້ອນ ດຽນມູ (Dianmu) ຫົວທີ 8 ປະຈຳປີ 2016 ໄດ້ກໍ່ຕົວຢູ່ໃກ້ແຄມຝັ່ງທາງພາກໃຕ້ຂອງ ສປ ຈີນ ໃນເວລາ 10 ໂມງ ເຊົ້າຂອງວັນທີ 18 ສິງຫານີ້ ໄດ້ມີຈຸດສູນກາງຢູ່ເສັ້ນຂະໜານ 21.2 ອົງສາເໜືອ ແລະ ເສັ້ນແວງທີ 110.9 ອົງສາຕາເວັນອອກ ພວມເຄື່ອນມາທາງດ້ານຕາເວັນຕົກຢ່າງຊ້າໆ, ຄາດຄະເນພາຍຸຫົວນີ້ ຈະເຄື່ອນທີ່ຜ່ານພາກເໜືອຂອງ ສສ. ຫວຽດນາມ ໃນຕອນເຊົ້າຂອງວັນທີ 19 ສິງຫາ ຈາກນັ້ນກໍ່ອ່ອນກຳລັງລົງເປັນພາຍຸດີເປຼ່ຊັນ ຜ່ານພາກເໜືອເຂດແຂວງຫົວພັນ ແລະ ຜົ້ງສາລີ ຂອງ ສປປ ລາວ ໃນໄລຍະຄືນວັນທີ 19 ແລະ 20 ສິງຫານີ້.
ຕະຫຼອດໄລຍະການເຄື່ອນທີ່ຂອງພາຍຸດັ່ງກ່າວ ຈະເອື້ອອຳນວຍໃຫ້ລົມມໍລະສຸມຕາເວັນຕົກສ່ຽງໃຕ້ພັດປົກຄຸມເຂດພາກກາງ ແລະ ພາກໃຕ້ດ້ວຍກຳລັງແຮງ, ເຊິ່ງຈະເຮັດໃຫ້ມີຝົນຕົກໃນລະດັບປານກາງ ຫາຕົກໜັກ ພ້ອມມີລົມພັດແຮງຢູ່ບັນດາແຂວງພາກເໜືອ ລົງຫາພາກກາງ ໃນໄລຍະວັນທີ 18 ຫາ 20 ສິງຫາ 2016 ນີ້ ແລະ ຍັງຈະເຮັດໃຫ້ລະດັບນ້ຳຂອງຂຶ້ນສູງຕື່ມອີກ ແລະ ລະດັບນ້ຳສາຂາຂຶ້ນສູງກາຍເຂດລະວັງໄພ ຫຼື ເຂດອັນຕະລາຍຢູ່ບາງທ້ອງຖິ່ນ. ສະນັ້ນ, ຈຶ່ງແຈ້ງມາຍັງບັນດາແຂວງ ແລະ ນະຄອນຫຼວງວຽງຈັນ ເພື່ອແຈ້ງເຕືອນໃຫ້ພໍ່ແມ່ປະຊາຊົນ, ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນ ຢູ່ພາຍໃນແຂວງຂອງຕົນ ຈົ່ງມີສະຕິກຽມພ້ອມຮັບມືກັບສະພາບຝົນຕົກໜັກ, ນ້ຳຖ້ວມໄຫຼຊຸແຮງ, ນ້ຳຍື່ງ ແລະ ດິນເຈື່ອນ ໂດຍສະເພາະປະຊາຊົນທີ່ອາໄສຢູ່ແຄມແມ່ນ້ຳໃຫ້ລະວັງນ້ຳປ່າໄຫຼຊຸແຮງ ແລະ ເກັບມ້ຽນວັດຖຸສິ່ງຂອງທີ່ມີຄ່າພ້ອມທັງສັດລ້ຽງໄວ້ບ່ອນທີ່ປອດໄພ, ສຳລັບຜູ້ທີ່ເດີນທາງດ້ວຍລົດຂໍໃຫ້ລະມັດລະວັງຕໍ່ສະພາບທາງມື່ນ ແລະ ດິນເຈື່ອນຕື່ມອີກ. ພ້ອມນີ້ ກໍ່ຂໍໃຫ້ຕິດຕາມການລາຍງານສະພາບອາກາດ ຈາກກົມອຸຕຸນິຍົມ ແລະ ອຸທົກກະສາດ.
ໃນກໍລະນີເກີດໄພພິບັດ (ນ້ຳຖ້ວມ, ເສັ້ນທາງເປ່ເພ…) ໃຫ້ບັນດາກະຊວງທີ່ກ່ຽວຂ້ອງ ຮີບຮ້ອນສົມທົບກັບອຳນາດການປົກຄອງທ້ອງຖິ່ນ ເພື່ອໃຫ້ການຊ່ວຍເຫຼືອ ແລະ ບັນເທົາທຸກໃຫ້ແກ່ພໍ່ແມ່ປະຊາຊົນທີ່ໄດ້ຮັບຜົນກະທົບຈາກເຫດການດັ່ງກ່າວໃຫ້ທັນການ.
ດັ່ງນັ້ນ, ຈຶ່ງແຈ້ງມາຍັງບັນດາທ່ານ ເພື່ອຊາບ ແລະ ປະຕິບັດຕາມຈິດໃຈຊີ້ນຳນີ້ດ້ວຍ

xxx xx

ຂ່າວ: ຫ້ອງການສຳນັກງານນາຍົກ
ຮູບ: ເສດຖະກິດ-ການຄ້າ

ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...