spot_img
HomeBaby-ແມ່ແລະເດັກ5 ວິທີລ້ຽງລູກໃຫ້ສະຫຼາດ ແລະ ສະໝອງດີ

5 ວິທີລ້ຽງລູກໃຫ້ສະຫຼາດ ແລະ ສະໝອງດີ

Published on

ລ້ຽງລູກໃຫ້ໃຫຍ່ຂຶ້ນມາເປັນທ້າວ ເປັນນາງນີ້ກໍ່ຖືວ່າຍາກແລ້ວ ແຕ່ການລ້ຍງລູກໃຫ້ເປັນຄົນດີ ເປັນຄົນສະຫຼາດ ສະໝອງດີ ນີ້ເປັນເລື່ອງທີ່ຍາກຂຶ້ນໄປອີກລະດັບໜຶ່ງສຳລັບຜູ່ພໍ່ແມ່ ເພາະມັນຕ້ອງອີງໃສຫຼາຍໆປັດໃຈເຂົ້າຊ່ວຍ ເຊິ່ງຕ້ອງໄດ້ເອົາໃຈໃສ່ຕັ້ງແຕ່ອາຍຸຍັງນ້ອຍຈົນໃຫຍ່ພໍທີ່ລູກນ້ອຍຂອງທ່ານຈະສາມາດດູແລຕົວເອງໄດ້

ໃນຫົວບົດ ແມ່ ແລະ ລູກ ວັນນີ້ເຮົາເລີຍມີວິທີການລ້ຽງລູກໃຫ້ສະຫຼາດ ແລະ ສະໝອງດີ ມາຝາກກັນ ເຊິ່ງເຮັດແບບໃດນັ້ນມາອ່ານພ້ອມກັນເລີຍ

1. ສ້າງຄວາມສຳພັນທີ່ດີກັບຄູຂອງລູກ: ເພາະການສ້າງຄວາມສຳພັນທີ່ດີກັບຄູຂອງລູກກໍ່ປຽບເໝືອນວ່າທ່ານມີອີກຄົນໜຶ່ງທີ່ຊ່ວຍດູແລລູກທ່ານໃນເວລາຢູ່ໃກຕາ ແລະ ທ່ານຍັງສາມາດຮັບຮູ້ການເຄື່ອນໄຫວຂອງລູກທ່ານໃນເວລາທີ່ເຂົາຢູ່ໂຮງຮຽນໄດ້ອີກດ້ວຍ

2.ມີເວລາໃຫ້ກັບລູກ: ທ່ານຄວນມີເວລາໃຫ້ກັບລູກຂອງທ່ານແນ່ກໍ່ຈະເປັນການດີທີ່ສຸດ ເພື່ອຈະບໍ່ເຮັດໃຫ້ຄວາມຫ່າງເຫີນມາກັ້ນຄວາມຜູກພັນລະຫວ່າງທ່ານກັບລູກຫຼາຍຈົນເກີນໄປ

3.ຫຼີກລ່ຽງພຶກຕິກຳທີ່ເຮັດໃຫ້ລູກຕິດເທັກໂນໂລຢືຫຼາຍຈົນເກີນໄປ: ການທີ່ໃຫ້ລູກຫຼິ້ນຄອມ, ຫຼິ້ນໂທລະສັງ ຫຼື ເບິ່ງໂທລະທັດ ຫຼາຍຈົນເກີນໄປແນ່ນອນວ່າມັນຈະບໍ່ສົ່ງຜົນດີໃຫ້ກັບທ່ານ ແລະ ລູກ ເພາະລູກອາດຈະບໍ່ສົນໃຈໃນຕົວຂອງທ່ານ ຍ້ອນເຂົາມີສິ່ງທີ່ໜ້າສົນໃຈກວ່າ ພໍ່ ແລະ ແມ່ຂອງເຂົາແລ້ວ

4.ສ້າງກິດຈະກຳຮ່ວມກັນຢ່າງອົບອຸ່ນ: ກິດຈະກຳທີ່ວ່ານີ້ອາດຈະເປັນການໄປທ່ຽວຮ່ວມກັນ, ກິນເຂົ້າຮ່ວມກັນ ຫຼື ປູກຕົ້ນໄມ້ຮ່ວມກັນ, ຫຼິ້ນກີລາຮ່ວມກັນ ເພາະທ່ານຢ່າລືມວ່າ ທ່ານຈະມີເວລາໃຊ້ຊີວິດ ແລະ ມອບຄວາມອົບອຸ່ນແບບນີ້ໃຫ້ກັບລູກເມື່ອຕອນທີ່ພວກເຂົາຍັງນ້ອຍເທົ່ານັ້ນ ແຕ່ເມື່ອພວກເຂົາໃຫຍ່ຂຶ້ນ ພວກເຂົາກໍ່ຈະໄປມີຊີວິດຂອງພວກເຂົາເອງ ສະນັ້ນທ່ານຈົ່ງສ້າງຄວາມສົງຈຳທີ່ດີນີ້ໃຫ້ກັບລູກຂອງທ່ານໃນວັນທີ່ຍັງມີໂອກາດຢູ່

5. ອ່ານໜັງສືດີໆ ຫຼື ເລົ່ານິທານໃຫ້ລູກຟັງ: ຢ່າງທີ່ຮູ້ກັນວ່າການອ່ານໜັງສືຄືການເປີດໂລກກ້ວາງ ທ່ານຄວນເລືອກຫາໜັງສືດີໆ ມີສາລະມາອ່ານໃຫ້ລູກຟັງ ເພື່ອໃຫ້ສະໝອງຂອງເຂົາໄດ້ຊຶມສັບຮັບເອົາແຕ່ສິ່ງດີໆເຂົ້າໃນຫົວ ແລະ ໃນເວລາອ່ານໜັງສືທ່ານກໍ່ອະທິບາຍເນື້ອໃນໜັງສືທີ່ອ່ານນັ້ນໃຫ້ລູກໄດ້ຟັງພ້ອມ ເຊິ້ງນອກຈາກຈະຊ່ວຍໃຫ້ລູກມີຄວາມເຂົ້າໃຈໃນເລື່ອງທີ່ຟັງຫຼາຍຂຶ້ນແລ້ວ ຍັງເປັນການສົນທະນາກັບລູກອີກດ້ວຍ
ແຫລ່ງຂ່າວຈາກ:http://www.meemodel.com/

 

ບົດຄວາມຫຼ້າສຸດ

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?

ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່? ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ...

ຂ່າວດີ! ສົກຮຽນ 2025-2026 ມຊ ຈະຮັບນັກສຶກສາໃໝ່ 5.670 ຄົນ

ສົກຮຽນ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670 ຄົນ. ໃນສົກສຶກສາ 2025-2026 ມະຫາວິທະຍາໄລແຫ່ງຊາດ(ມຊ) ມີແຜນຮັບນັກສຶກສາໃໝ່ ໃນທຸກໆຫລັກສູດປະລິນຍາຕີ ຈໍານວນ 5.670...