ບັນເທີງຕ່າງປະເທດວັນນີ້ ເຮົາຈະມາເວົ້າເຖິງບັນເທີງທາງຝັ່ງ ຮໍລີວູດ ກັນແນ່ຈັກໜ່ອຍ ແລະ ເຮົາຈະມາເວົ້າກ່ຽວ ກັບນັກຮ້ອງ ແລະ ນັກສະແດງຍິງຊາວ ອາເມລິກັນຄົນນີ້ ເຊລີນາ ໂກເມຊ ທີ່ມີຜູ້ຕິດຕາມ Instagram ຫຼາຍທີ່ສຸດໃນໂລກ ອະດີດແຟນສາວນັກຮ້ອງໜຸ່ມຊື່ດັງ ຈັສຕິນ ບີເບີ ຕ້ອງບອກໄດ້ເລີຍວ່າຄົງຈະບໍ່ມີໃຜທີ່ບໍ່ຮູ້ຈັກສາວຄົນນີ້ ເພາະນາງໄດ້ແຈ້ງເກີດໃນວົງການບັນເທີງແຕ່ປີ 2000 ໃນຊີຣີ້ເລື່ອງ Barney & Friends ແລະ ຍັງມີຜົນງານລະຄອນ, ຮູບເງົາ ແລະ ເພງອີກຫຼາຍອາລະບ້ຳ
ຍ້ອນຄວາມດັງມີຊື່ສຽງຂອງນາງ ຈິ່ງເຮັດໃຫ້ນາງເປັນດາຣາ ຮໍລີວູດອີກໜຶ່ງຄົນທີ່ມີຄ່າຕົວສູງ ເຊິ່ງສາມາດສ້າງເງິນໄດ້ເທື່ອລະເຄິ່ງລ້ານໂດລາສະຫະລັດ ຈາກການໂພສໂຄ ສະນາພຽງຄັ້ງດຽວ ລວມທັງໝົດແລ້ວມີຄົນຕິດຕາມລາວສູງເຖິງ 180 ລ້ານຢູສເຊິ
ຊຶ່ງບໍລິສັດຂໍ້ມູນຢ່າງ: D’Marie Analytics ເຜີຍວ່າ ລາວຈະໄດ້ຮັບເງິນປະມານ 550.000 ໂດລາ ຕໍ່ ການໂພສໂຄສະນາ 1 ຄັ້ງ ຊຶ່ງເປັນໂຕເລກລາຍໄດ້ທີ່ເພີ່ມຂຶ້ນຢ່າງວ່ອງໄວຈາກ 300.000 ໂດລາ ເມື່ອ ທ້າຍປີກ່ອນ ໂດຍໂກເມຊ ຈະມີ ຍອດຟອລໂລ IG ເພີ່ມຂຶ້ນປະມານ 200.000 ຢູສຕໍ່ມື້ ຊຶ່ງນັ້ນ ເປັນຄວາມສະຫຼາດຂອງລາວເອງ ທີ່ບໍ່ໄດ້ຮັບໂຄສະນາຫຼາຍເກີນໄປ ແລະເຮັດໃຫ້ IG ຂອງລາວໜ້າ ສົນໃຈຢູ່ສະເໝີ “ລາວຮູ້ວ່າການຮັບໂຄສະນາຫຼາຍໆອາດສົ່ງຜົນ ເສຍຕໍ່ຄວາມສຳພັນຂອງລາວກັບ ແຟນໜຸ່ມຫຼາຍກວ່າຜົນດີ”.
