Chuwi ເປີດໂຕແທັບເລັດ 2 in 1 ລຸ້ນໃໝ່ຫຼ້າສຸດເຊິ່ງມີຊື່ວ່າ: Vi10 Plus. ໂດຍກ່ອນໜ້າທີ່ຈະເປີດໂຕລຸ້ນດັ່ງກ່າວນີ້ ທາງ Chuwi ກໍເຄີຍເປີດໂຕແທັບເລັດ 2 in 1 ສະເປັກສຸດກຸ້ມແບບ Chuwi Hi12 ມາກ່ອນແລ້ວໃນຊ່ວງຕົ້ນປີນີ້. ສຳລັບໂຕເຄື່ອງຂອງ Chuwi Vi10 Plus ຖືວ່າອອກແບບມາໄດ້ລົງໂຕເລີຍມີຄວາມເປັນພຣີມ້ຽມໃນໂຕ ແລະບາງນຳ.
ທາງດ້ານສະເປັກຂອງ Chuwi Vi10 Plus ແມ່ນມາພ້ອມກັບຈໍຂະໜາດ 10.8 ນິ້ວ, ຄວາມລະອຽດ FullHD (1920 x 1080 ພິກເຊວ) ແລະອັດຕາສ່ວນຈໍຢູ່ທີ່ 3:2. ຈໍສະແດງຜົນຖືວ່າແຈ້ງຫຼາຍກັບຄວາມແຈ້ງຢູ່ທີ່ 450nits. ໂດຍລຸ້ນນີ້ແມ່ນຈະໃຊ້ຊິບປະມວນຜົນ Intel Atom Cherry Trail X5 ພ້ອມຊິບກຣາບຟິກ Intel HD Graphics Generation 8.
ນອກຈາກນີ້ຍັງມາພ້ອມກັບກ້ອງໜ້າ 2 ລ້ານພິກເຊວ, ພອຣ໌ດ USB 3.0 Type-C ແລະແບັດເຕີຣີຂະໜາດ 8400mAh ຮອງຮັບລະບົບສາກໄວຢູ່ທີ່ 5V/ 2A. ໂດຍ Chuwi Vi10 Plus ຍັງຮອງຮັບແປ້ນພິມແມ່ເຫຼັກແບບປົດອອກໄດ້ ແລະບິກຂຽນ Chuwi HiPen H2 ແຕ່ຈະບໍ່ລວມຢູ່ໃນແພັກເກັດທີ່ຂາຍກັບໂຕເຄື່ອງ ເຊິ່ງຈະແຍກອອກຂາຍຕ່າງຫາກ.
ໃນສ່ວນລາຄາຂອງ Chuwi Vi10 Plus ຈະແຍກອອກຕາມໜ່ວຍຄວາມຈຳ ແລະລະບົບປະຕິບັດທີ່ຕິດຕັ້ງມາ ດັ່ງນີ້:
- Chuwi HiPen H2 ລຸ້ນ RAM 2GB + ROM 32GB, ຕິດຕັ້ງລະບົບ Remix OS 2.0 ມີລາຄາ 1130 ຢວນ (1.370.000 ກີບ)
- Chuwi HiPen H2 ລຸ້ນ RAM 4GB + ROM 64GB, ຮອງຮັບລະບົບ Dual OS ຄື: Windows 10 ແລະ Remix OS 2.0 ລາຄາຢູ່ທີ່ 1600 ຢວນ (1.940.000 ກີບ)
ທີ່ມາ:gizmochina