spot_img
HomeມູມໄອທີລາວMeizu ເປີດໂຕສະມາດໂຟນເຮືອທຸງ MX6 ທີ່ປັກກິ່ງ

Meizu ເປີດໂຕສະມາດໂຟນເຮືອທຸງ MX6 ທີ່ປັກກິ່ງ

Published on

​ຫຼັງຈາກທີ່ມີຂ່າວລືຕ່າງໆນາໆມາຢ່າງຫຼວງຫຼາຍ ຈົນມາຈົບທີ່ ຂ່າວສະເປັກຂອງ Meizu MX6 ຜ່ານທາງ AnTuTu ແລະເຮົາກໍຮູ້ມື້ເປີດໂຕຢ່າງເປັນທາງການຂອງລຸ້ນນີ້ວ່າຈະເປີດໂຕໃນວັນທີ 19 ຫຼືມື້ນີ້ເອງ. ເຊິ່ງຫຼ້າສຸດນີ້ບໍລິສັດ Meizu ໄດ້ຈັດງານເປີດໂຕສະມາດໂຟນເຮືອທຸງລຸ້ນໃໝ່ຄື Meizu MX6 ຢ່າງເປັນທາງການແລ້ວທີ່ກຸງປັກກິ່ງ ປະເທດຈີນ. ໃນສ່ວນທາງດ້ານໂຕເຄື່ອງຍັງຄົງອອກແບບຄືກັນກັບລຸ້ນເຮືອທຸງ Meizu Pro 6, ເຊິ່ງລວມໄປເຖິງເສັ້ນເສົາອາກາດທີ່ດ້ານເທິງ ແລະລຸ່ມ, ໂຕເຄື່ອງຍັງຄົງໃຊ້ວັດສະດຸໂລຫະຄືເກົ່າ.

ທາງດ້ານສະເປັກຂອງ Meizu MX6 ມາພ້ອມກັບຈໍ LCD ຈາກ Sharp ພ້ອມດ້ວຍເທັກໂນໂລຢີ TDDI ທີ່ຈະເພີ່ມຄວາມໄວໃນການສຳຜັດ, ມີຂະໜາດຢູ່ທີ່ 5.5 ນິ້ວ, ຄວາມລະອຽດ FullHD (1920 x 1080 ພິກເຊວ). ໃຊ້ງານຊິບປະມວນຜົນເດກ້າຄໍ Helio X20 ພ້ອມກັບ RAM 4GB ແລະ ROM 32GB. ແບັດເຕີຣີໃຫ້ມາ 3060mAh ພ້ອມກັບຮອງຮັບລະບົບສາກໄວຢູ່ທີ່ 12V 2A (24W) ເຊິ່ງສາມາດໃຊ້ໄດ້ເຄິ່ງມື້ ດ້ວຍການສາກພຽງ 10 ນາທີເທົ່ານັ້ນ!!.

ທາງດ້ານຂອງກ້ອງ Meizu MX6 ເປັນສະມາດໂຟນລຸ້ນທຳອິດທີ່ມາພ້ອມກັບເຊັນເຊີ້ທີ່ກຳນົດເອງ Sony IMX386 CMOS ດ້ວຍຄວາມລະອຽດ 12 ລ້ານພິກເຊວ. ພ້ອມກັບ PDAF, 1.25um ພິກເຊວ ແລະ f/2.0. ເຊິ່ງເຮັດໃຫ້ໝັ້ນໃຈໄດ້ເລີຍວ່າຮູບທີ່ຖ່າຍອອກມານັ້ນຈະມີແສງທີ່ພຽງພໍ ແລະຄົມຊັດແນ່ນອນ. ນອກນີ້ກໍມາພ້ອມກັບຄຸນສົມບັດ algorithm ໃໝ່ທີ່ຈະຊ່ອຍເພີ່ມຄວາມສົມດຸນໃຫ້ກັບສີ ແລະຫຼຸດນອຍເພື່ອໃຫ້ຮູບທີ່ຖ່າຍອອກມານັ້ນດີຂຶ້ນ.

ທາງດ້ານຄຸນສົມບັດອື່ນໆຂອງ Meizu MX6 ລວມໄປເຖິງເຊັນເຊີ້ສະແກນນິ້ວມືແມ່ນຕິດຕັ້ງໄວ້ທີ່ປຸ່ມ mTouch, ຮອງຮັບທຸກລະບົບເຄື່ອຄ່າຍທີ່ປະເທດຈີນ, VoLTE, 4G+, ຮອງຮັບ 2 ຊິມສະແຕນບາຍໄດ້ທັງສອງ, Cat. 6 LTE ແລະລະບົບ Android 6.0 ທັບດ້ວຍ Flyme UI.

ສຳລັບລາຄາຂອງເຮືອທຸງ MX6 ຖືວ່າຖືກຫຼາຍເຊິ່ງມີລາຄາຢູ່ທີ່ 1999 ຢວນ (2.415.000 ກີບ) ແລະຈະເລີ່ມເປີດໃຫ້ລົງທະບຽນຕອນ 4 ໂມງທີ່ປະເທດຈີນ ແລະຈະວາງຂາຍໃນວັນທີ 30 ກໍລະກົດນີ້.

ເພີ່ມຕື່ມຮູບຈາກກ້ອງຫຼັງຂອງ MX6

ທີ່ມາ:gizmochina

ບົດຄວາມຫຼ້າສຸດ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ ສົ່ງອອກກຳປູເຈຍ. ໃນວັນທີ 2 ເມສາ 2025 ໄດ້ຈັດພິທີວາງສິລາລຶກຢ່າງເປັນທາງການ ສຳລັບໂຄງການໄຟຟ້າພະລັງງານຄວາມຮ້ອນຖ່ານຫີນທີ່ເມືອງກະລືມ, ແຂວງເຊກອງ ພາກໃຕ້ຂອງ...

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...