ຄົນເຮົາ ຖ້າເຮັດອັນໃດກໍຕາມຫລາຍເກີນໄປ ຫລືໜ້ອຍເກີນໄປ ຍ່ອມເກີດມີຜົນສະທ້ອນກັບມາທັນທີ ດັ່ງນັ້ນເຮັດອັນໃດກໍຕ້ອງໃຫ້ມັນພໍດີພໍງາມ ແບບປານກາງ ເລື່ອງອາຫານການກິນກໍຄືກັນຖ້າກິນອັນໃດຫລາຍເກີນໄປກໍຍ່ອມຕ້ອງມີໂທດຕໍ່ຮ່າງກາຍທັງນັ້ນ.
ເກືອ:
- ຫລຸດປະລິມານການບໍລິໂພກເກືອຈະເປັນການດີຕໍ່ສຸຂະພາບຂອງທ່ານເອງ (ໝາຍເຖິງຂອງເຄັມທຸກຢ່າງ ນ້ຳປາ, ສະອິ້ວ, ປາເຄັມ ໆລໆ)
- ໃຊ້ນ້ຳໝາກນາວເປັນເກືອ ຜົນຂອງການທົດລອງກັບອາສາສະໝັກພົບວ່າ ບໍ່ສາມາດບອກຂໍ້ແຕກຕ່າງອັນໃດ ລະຫວ່າງນ້ຳໝາກເຂືອເທດທີ່ໃສ່ນ້ຳໝາກນາວ ກັບທີ່ໃສ່ດ້ວຍເກືອ
- ໃຊ້ສະໝຸນໄພແທນເກືອ ໃຊ້ສະໝຸນໄພຫລາຍໆຢ່າງປະສົມກັນ ເຊັ່ນ ຫົວຜັກທຽມປົ່ນ, ປັກຊີປົ່ນ, ພິກໄທປົ່ນ ໆລໆ ໂຮຍໃສ່ອາຫານ.
ກາເຟ :
ກາເຟເປັນຕົວທີ່ກໍ່ໃຫ້ເກີດຄວາມສ່ຽງຕໍ່ການເປັນໂລກຫົວໃຈເພີ່ມຫລາຍຂຶ້ນ ຜົນຂອງການສຶກສາຂອງມະຫາວິທະຍາໄລສະແຕນຟອດໃຫ້ຮູ້ວ່າ ກາເຟເພີ່ມລະດັບໄຂມັນໃນເສັ້ນເລືອດບາງຊະນິດໃນເລືອດ ຜູ້ຊາຍທີ່ດື່ມກາເຟວັນລະ 2 ແກ້ວ ຫລືຫລາຍກວ່ານີ້ ມີຄວາມສ່ຽງຕໍ່ໂລກຫົວໃຈຫລາຍຂຶ້ນ ນັກຄົ້ນຄວ້າແນະນຳວ່າ ຄວນດື່ມກາເຟໃຫ້ນ້ອຍທີ່ສຸດໄວ້ຈະເປັນການດີ.