Homeຂ່າວຕ່າງປະເທດ10 ​ປະ​ເທດ​ທ່ອງ​ທ່ຽວ​ລາຄາ​ຖືກ​ທີ່​ສຸດ​ໃນ​ໂລກ

10 ​ປະ​ເທດ​ທ່ອງ​ທ່ຽວ​ລາຄາ​ຖືກ​ທີ່​ສຸດ​ໃນ​ໂລກ

Published on

​ເວັບ​ໄຊ ອິລິດຣິດ​ເດີ ​ເປີດ​ເຜີຍ 10 ອັນ​ດັບ​ປະ​ເທດ​ໜ້າ​ທ່ອງ​ທ່ຽວ​ທີ່​ມີຄ່າ​ຄອງ​ຊີບ​ຖືກ​ທີ່​ສຸດ​ໃນ​ໂລກ ຊຶ່ງ​ປະ​ເທດ​ນິກາຣາກົວ ຢູ່​ອັນ​ດັບ 1 ຮອງ​ລົງ​ມາ​ແມ່ນ​ຕວັກກີ, ສີ​ລັງກາ ​ແລະ ກຳປູ​ເຈຍ.

ປະ​ເທດ​ທີ່​ມີຄ່າ​ຄອງ​ຊີບ​ທີ່​ຖືກ​ທີ່​ສຸດ​ໃນ​ໂລກ​ຄືນິກາຣາກົວກາຍ​ເປັນ​ສະຖານ​ທີ່​ສຳລັບ​ນັກ​ທ່ອງ​ທ່ຽວ​ທີ່​ຕ້ອງການ​ປະຢັດ​ງົບປະມານ ມີ​ບ້ານ​ເມືອງ​ທີ່​ມີ​ສີສັນ, ມີທະ​ເລ​ທີ່​ງົດ​ງາມ ​ແລະ ມີ​ວັດທະນາ​ທຳ​ທີ່​ຕື່ນ​ຕາ​ຕື່ນ​ໃຈ ​ແລະ ​ແນ່ນອນ​ວ່າ​ຄ່າ​ຄອງ​ຊີບ​ທີ່​ລາຄາ​ຖືກ ນັກ​ທ່ອງ​ທ່ຽວ​ສາມາດ​ຈ່າຍ​ຄ່າ​ຫ້ອງ​ພັກ​ຕຽງ​ຄູ່​ໄດ້​ໃນ​ລາຄາ​ພຽງ 6 ​ໂດ​ລາ​ສະຫະລັດ​ຕໍ່​ຄືນ ,ສ່ວນອາ​ຫານ​ສະ​ເລ່ຍພຽງ​ມື້​ລະ 3 ​ໂດ​ລາ, ອັນ​ດັບ 2 ຄື​ຕວັກ​ກີ, ມີ​ອາຫານ​ເຄບັບ ຕາ​ເວັນ​ອອກ​ກາງ​ໂດ່​ງດັງ​ສາມາດ​ຊື້​ໄດ້​ໃນ​ລາຄາ 2 ​ໂດ​ລາ, ຫ້ອງ​ພັກ​ລາຄາ​ພຽງ 20 ​ໂດ​ລາ, ອັນ​ດັບ 3 ສີ​ລັງກາ ນັກ​ທ່ອງ​ທ່ຽວ​ສາມາດ​ພັກ​ແຄມ​ທະ​ເລ ​ແລະ ຮັບ​ປະທານ​ອາຫານ​ໃນ​ຄາ​ເຟ່​ໄດ້​ໃນ​ລາຄາ 20 ​ໂດ​ລາ​ຕໍ່​ຄືນ,ສ່ວນຄ່າ​ເຊົ່າ​ລົດ​ຢູ່​ທີ່ 55-70 ​ໂດ​ລາ​ຕໍ່​ມື້. ອັນ​ດັບ 4 ກຳປູ​ເຈຍ ມີ​ອາຫານ​ລາຄາ​ຖືກ​ພຽງ 1-3 ​ໂດ​ລາ​ຕໍ່​ມື້, ສ່ວນທີ່​ພັກ​ມີ​ລາຄາ 4-20 ​ໂດ​ລາ​ຕໍ່​ຄືນ ​ໂດຍ​ສາມາດ​ເຊົ່າ​ລົດ​ຕຸກ​ຕຸກ​ເພື່ອ​ໄປ​ຊົມ​ສະຖານ​ທີ່​ຕ່າງໆ​ໄດ້​ໃນ​ລາຄາ​ພຽງ 13 ​ໂດ​ລາ​ຕໍ່​ມື້, ​ເນ​ປານ ມີ​ທີ່​ພັກ​ລາຄາ​ຕັ້ງ​ແຕ່ 5-25 ​ໂດ​ລາ, ອາຫານ​ລາຄາ​ພຽງ 2 ​ໂດ​ລາ, ​ໄທ ມີ​ລາຄາ​ຫ້ອງ​ພັກ​ພຽງ 4-40 ​ໂດ​ລາ, ​ອາຫານ​ 0,65-5 ​ໂດ​ລາ, ລົດ​ໄຟຟ້າ ​ແລະ ລົດ​ໄຟ​ໃຕ້​ດິນ​ມີ​ລາຄາ​ພຽງ 0,5-1,5 ​ໂດ​ລາ.

ສ່ວນ​ເປຣູ​ເປັນ​ໜຶ່ງ​ໃນ​ປະ​ເທດ​ທີ່​ມີ​ຊີວິດ​ຊີວາ ມີ​ຫ້ອງ​ພັກ​ລາຄາ​​ເລີ່​ມຕົ້ນ​ຢູ່​ທີ່ 8 ​ໂດ​ລາ​ຕໍ່​ຄືນ, ​ໂຮງ​ແຮມ​ມີ​ລາ ຄາ​ຕັ້ງ​ແຕ່ 30-50 ​ໂດ​ລາ​ຕໍ່​ຄືນ, ສ່ວນ​ອາຫານ​ລາຄາ 4-6 ​ໂດ​ລາ​ຕໍ່​ມື້ ລາຄາ​ລົດ​​ເທັກ​ຊີ​ມີພຽງ 8 ​ໂດ​ລາ, ໃຊ້​ເວລາ 1 ມື້​ຢູ່​ອິນ​ໂດ​ເນ​ເຊຍ​ໃຊ້​ເງິນ​ປະມານ 15-30 ​ໂດ​ລາ ຂະນະ​ທີ່​ອາຫານ​ມີ​ລາຄາ​ 0,5-6 ​ໂດ​ລາ​ຕໍ່​ມື້ ຂະນະ​ຄ່າ​ລົດ​ເມ​ໄລຍະ​ທາງ 12 ຊົ່ວ​ໂມງ​ໃຊ້​ເງິນ​ປະມານ 15 ​ໂດ​ລາ, ​ຣູມາ​ນີມີ​ຫ້ອງ​ພັກ​ມີ​ລາຄາ 8 ​ໂດ​ລາ ສ່ວນ​ຕຽງ​ຄູ່​ລາຄາ 40 ​ໂດ​ລາ, ອາຫານ 5 ​ໂດ​ລາ, ອາ​ຟຣິກາມີຄ່າ​ອາຫານ​ສະ​ເລ່ຍຕໍ່​ມື້​ປະມານ 4-7 ​ໂດ​ລາ, ຄ່າ​ຫ້ອງ​ພັກ​ທຳ​ມະ​ດາປະມານ 10 ​ໂດ​ລາ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...