Homeຂ່າວພາຍ​ໃນວາງສະແດງສິນຄ້າເພີ່ມມູນຄ່າການຄ້າລາວ-ຫວຽດນາມ

ວາງສະແດງສິນຄ້າເພີ່ມມູນຄ່າການຄ້າລາວ-ຫວຽດນາມ

Published on

ງານ​ວາງ­ສະ­ແດງ​ສິນ­ຄ້າ​ລາວ-ຫວຽດ­ນາມ​ປະ­ຈຳ​ປີ 2016 ໄດ້​ເປີດ​ຂຶ້ນຢ່າງ​ເປັນ​ທາງ​ການ ເມື່ອ​ວັນ​ທີ 7 ກໍ​ລະກົດ​ຜ່ານ​ມາທີ່​ສູນ​ການ​ຄ້າ​ລາວ-ໄອເຕັກ​ນະ­ຄອນ­ຫຼວງ​ວຽງ​ຈັນ ໂດຍ​ໃຫ້ກຽດ​ເຂົ້າ​ຮ່ວມ​ຂອງ​ທ່ານ ສົມ​ຈິດ ອິນ​ທະມິດ ຮອງ​ລັດ­ຖະ­ມົນ­ຕີ​ກະ­ຊວງ​ອຸດ​ສາ​ຫະກຳ ແລະ​ການ​ຄ້າ ສປປ ລາວ, ທ່ານ ຫງຽນ​ເກີມ ຕູ ຮອງ​ລັດ­ຖະ­ມົນ­ຕີ​ກະຊວງ​ອຸດ­ສາ­ຫະ­ກຳ ແລະ​ ການ​ຄ້າ ສສ ຫວຽດ­ນາມ, ພ້ອມ​ດຽວ​ກັນ​ນີ້ ກໍ​ມີ​ບັນ­ດາຫົວ­ໜ່ວຍ​ທຸ­ລະ​ກິດ​ຈາກ​ພາກ​ລັດ ແລະ ເອ­ກະ​ຊົນທັງ​ສອງ​ປະ­ເທດ​ລາວ-ຫວຽດນາມ​ເຂົ້າ​ຮ່ວມ.

ທ່ານ ສົມ​ຈິດ ອິນ​ທະ​ມິດ ໄດ້​ກ່າວ: ຈຸດ​ປະ​ສົ່ງ​ຂອງ​ການ​ຈັດ​ງານ​ວາງ​ສະແດງ​ສີນ​ຄ້າ​ໃນ​ຄັ້ງ​ນີ້ ກໍ​ເພື່ອ​ເປັນ​ການ​ສົ່ງເສີມ​ການ​ຮ່ວມ​ມື​ທາງ​ດ້ານ​ການ​ຄ້າ ແລະການ​ລົງ­ທຶນຂອງ​ສອງ​ປະ­ເທດ ເປັນ​ເວທີ​ໜຶ່ງ​ທີ່​ສ້າງ​ໂອ­ກາດ​ໃຫ້​ພາກ​ທຸ­ລະ​ກິດຂອງ​ສອງ​ປະ­ເທດ​ໄດ້​ແລກ­ປ່ຽນ​ຂໍ້​ມູນຂ່າວ­ສານ ເພື່ອ​ຍົກ​ລະ­ດັບ​ຄຸນ​ນະ​ພາບ​ສິນຄ້າ​ຂອງ​ພາກ​ທຸ­ລະ​ກິດ​ທັງ​ສອງ​ປະ­ເທດ ແລະ​ສ້າງ​ເງື່ອນ­ໄຂ​ໃຫ້​ນັກ­ທຸ­ລະ­ກິດ​ຊອກຫາ​ຄູ່​ຄ້າ​ຮ່ວມ​ກັນ ເພື່ອ​ສ້າງ​ຖານ​ການ​ຄ້າ​ໃຫ້​ນັບ​ມື​ກວ້າງ­ຂວາງ​ຂຶ້ນ.

ສຳ­ລັບ​ຫົວ­ໜ່ວຍ​ທຸ­ລະ​ກິດ​ທີ່​ເຂົ້າ​ຮ່ວມງານ​ວາງ­ສະ­ແດງ​ສິນ­ຄ້າ​ໃນ​ຄັ້ງ​ນີ້​ແມ່ນ​ມີທັງ​ໝົດ 400 ຫ້ອງ ໃນ​ນັ້ນ ທຸ­ລະ​ກິດລາວ​ມີ​ຈຳ­ນວນ 280 ຫ້ອງ ແລະ​ທຸ­ລະກິດ​ຫວຽດ­ນາມ​ມີ​ຈຳ­ນວນ 120 ຫ້ອງ, ພ້ອມ​ດ້ວຍ​ບໍ­ລິ­ສັດ ສປປ ລາວ ແລະຫວຽດ­ນາມ ຫຼາຍ​ກວ່າ 200 ບໍ­ລິ­ສັດ, ສ່ວນ​ສິນ­ຄ້າ​ທີ່​ທັງ​ສອງ​ປະ­ເທດ​ນຳ​ມາວາງ­ສະ­ແດງ​ແມ່ນ ເຄື່ອງ​ໄຟ­ຟ້າ, ເຄື່ອງຢາງ, ເຄື່ອງ­ມື​ກະ­ສິ­ກຳ, ອາ­ຫານ​ທະ­ເລ, ເຟີ​ນີ​ເຈີ, ເຄື່ອງ​ຫັດ­ຖະ­ກຳ, ກະ­ສິ­ກຳ​ປຸງແຕ່ງ,ສີນ​ຄ້າ​ໂອ​ດັອບ ແລະ​ສິນ­ຄ້າ​ອື່ນໆ​ໂດຍ​ງານ​ວາງ­ສະ­ແດງ​ສິນ­ຄ້າ​ໃນ​ຄັ້ງ​ນີ້ແມ່ນ​ເລີ່ມ ແຕ່​ວັນ​ທີ 7-11 ກໍ­ລະ­ກົດ 2016.

ແນວ­ໃດ​ກໍ​ດີ ໃນ​ໄລ­ຍະ​ຜ່ານ​ມາ​ການຮ່ວມ​ດ້ານ​ເສດ­ຖະ­ກິດ-ການ​ຄ້າ​ລະ­ຫວ່າງລາວ ແລະ​ຫວຽດ­ນາມ ໄດ້​ມີ​ການ​ຂະຫຍາຍ​ຕົວຢ່າງ​ຕໍ່​ເນື່ອງ ໂດຍ​ນັບ​ແຕ່​ປີ 2011-2015 ມູນ​ຄ່າ​ການ​ຄ້າ​ຂອງສອງ​ປະ­ເທດ ໄດ້​ບັນ­ລຸ​ມູນ​ຄ່າ​ເກືອບ 40 ພັນ​ຕື້​ກວ່າ​ກີບ ຫຼື ປະມານ 4,84 ຕື້​ໂດລາ ຂະ­ນະ​ທີ່​ໃນ​ອີກ 5 ປີ​ຕໍ່­ໜ້າ​ນັບ​ແຕ່​ປີ 2016-2020 ລັດ­ຖະ­ບານ​ສອງ​ປະ­ເທດໄດ້​ວາງ​ເປົ້າ​ໝາຍ​ຈະ​ສູ້​ຊົນ​ໃຫ້​ມູນ​ຄ່າການ​ນຳ​ເຂົ້າ ແລະ​ສົ່ງ​ອອກ​ສິນ­ຄ້າ​ລະຫວ່າງ​ກັນ​ໃຫ້​ທະ­ລຸ 5 ຕື້​ໂດ​ລາ​ສະ­ຫະ­ລັດ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...