spot_img
Homeຂ່າວຕ່າງປະເທດສະເທືອນໂລກ! ຝ່າຍຕໍ້ຕ້ານອີຣັກ ເຜີຍແຜ່ພາບສັງຫານທະຫານຝ່າຍລັດຖະບານ

ສະເທືອນໂລກ! ຝ່າຍຕໍ້ຕ້ານອີຣັກ ເຜີຍແຜ່ພາບສັງຫານທະຫານຝ່າຍລັດຖະບານ

Published on

 

ສຳນັກຂ່າວບີບີຊີ ລາຍງານວັນທີ 16 ມິຖຸນາ ວານນີ້ ກອງກຳລັງຕິດອາວຸດນິກາຍສຸນີ່ ເຜີຍແພ່ພາບຂົ່ມຂູ່ຂວັນຝ່າຍກົງກັນຂ້າມໃນໂລກອອນໄລ ເປັນນາທີທີ່ກອງກຳລັງຕິດອາວຸດຈັບທະຫານຝ່າຍລັດຖະບານອີຣັກຢືນລຽນແຖວ ແລະປະຫານຊີວິດເປັນກຸ່ມ ຂະນະທີ່ພົນໂທ ຄວາສຊິມ ອັນ ມຸສຊາວີ ໂຄສົກກອງທັບອີຣັກ ແຈ້ງວ່າກວດສອບແລ້ວເປັນພາບຈິງ ແລະທີ່ເກີດເຫດໜ້າຈະຢູ່ໃນແຂວງຊາລາຮຸດດິນ. ຈິມ ມູ ນັກຂ່າວບີບີຊີປະຈຳອີຣັກ ລາຍງານວ່າ ຖ້າຫາກພາບດັ່ງກ່າວເປັນພາບຈິງ ຈະເປັນການສັງຫານກຸ່ມຄົນຫຼາຍທີ່ສຸດນັບຈາກເກີດສົງຄາມອີຣັກໃນປີ 2003.

ພາບດັ່ງກ່າວຖືກເຜີຍແພ່ໃນໄລຍະທີ່ກຸ່ມຕິດອາວຸດສາຍສຸນີ່ບຸກຍຶດເມືອງຫຼາຍແຫ່ງໃນອີຣັກຢ່າງວ່ອງໄວ ລວມເຖິງໂມຊູລແລະຕິກຣິດ ແຕ່ຫຼາຍເມືອງເລິ່ມຖືກຝ່າຍລັດຖະບານຍຶດເອົາຄືນໄປ.

ດ້ານລັດຖະບານສະຫະລັດໄດ້ອອກມາຖະແຫຼງປະນາມການສັງຫານກຸ່ມດັ່ງກ່າວ ນາງ ເຈນຊາກີ ໂຄສົກກະຊວງການຕ່າງປະເທດສະຫະລັດກ່າວວ່າ: ຄຳກ່າວອ້າງຂອງກຸ່ມຕິດອາວຸດທີ່ວ່າ ສັງຫານທະຫານນິກາຍຊີອະຂອງອີຣັກໄປແລ້ວ 1,700 ຄົນ ໃນເມືອງຕິກຣີດນັ້ນເປັນເລື່ອງໜ້າຕົກໃຈ ແລະສະແດງໃຫ້ເຫັນເຖິງຄວາມກະຫາຍເລືອດຂອງກຸ່ມຜູ້ກໍ່ການຮ້າຍກຸ່ມນີ້.

ໂຄສົກສະຫະລັດກ່າວອີກວ່າ ບໍ່ສາມາດຢືນຢັນໄດ້ວ່າພາບດັ່ງກ່າວເປັນເຫດການທີ່ເກີດຂຶ້ນຈິງ ເນື່ອງຈາກກຸ່ມດັ່ງກ່າວອາດຈະມີຈຸດປະສົງຕ້ອງການຂົ່ມຂູ່ໃຫ້ຊາວອີຣັກຢ້ານກົວ ແລະສ້າງຄວາມແຕກແຍກລະຫວ່າງຊາວອີຣັກຜູ້ນັບຖືນິກາຍຕ່າງໆ.

242630

 

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...