spot_img
Homeຂ່າວການພັດທະນາລາວຈະປ່່ອຍປາໃຫ້ໄດ້ ຢ່າງໜ້ອຍ 40 ລ້ານໂຕ ໃນວັນອະນຸລັກ ສັດນ້ຳ-ສັດປ່າແຫ່ງຊາດ ປີນີ້!

ລາວຈະປ່່ອຍປາໃຫ້ໄດ້ ຢ່າງໜ້ອຍ 40 ລ້ານໂຕ ໃນວັນອະນຸລັກ ສັດນ້ຳ-ສັດປ່າແຫ່ງຊາດ ປີນີ້!

Published on

ກົມລ້ຽງສັດ ແລະ ການປະມົງໃຫ້ຮູ້ວ່າ: ໃນວັນອະນຸລັກສັດນ້ຳ-ສັດປ່າແຫ່ງຊາດ 13 ກໍລະກົດປີນີ້, ຂະແໜງການຂອງຕົນ ມີແຜນກະຕຸກຊຸກຍູ້ໃຫ້ທ້ອງຖິ່່ນຕ່າງໆ ໃນຂອບເຂດທົ່ວປະເທດ ປ່ອຍປາຄືນສູ່ແມ່ນ້ຳ ແລະ ໜອງນ້ຳທຳມະຊາດ ໃຫ້ໄດ້ຢ່າງໜ້ອຍ 40 ລ້ານໂຕ, ເພີ່ມຂຶ້ນຈາກຫຼາຍປີຜ່ານມາຄື: ປີ 2012 ທົ່ວປະເທດ ສາມາດປ່ອຍໄດ້ຫຼາຍກວ່າ 18 ລ້ານໂຕ, ປີ 2013 ປ່ອຍໄດ້ຫຼາຍກວ່າ 24 ລ້ານໂຕ, ປີ 2014 ປ່ອຍໄດ້ຫຼາຍກວ່າ 30 ລ້ານໂຕ ແລະ ປີ 2015 ປ່ອຍໄດ້ຫຼາຍກວ່າ 35 ລ້ານໂຕ ແລະ ສັງເກດເຫັນວ່າ ຂະບວນການອະລັກນຸສັດນ້ຳ-ສັດປ່າໃນແຕ່ລະປີ ເປັນຂະບວນກ້ວາງຂວາງ ແລະ ມີປະສິດທິຜົນຫຼາຍຂຶ້ນ, ແຕ່ເຖິງຢ່າງໃດກໍຕາມ ສະເພາະປີນີ້ຂະແໜງການກ່ຽວຂ້ອງ ກໍໄດ້ອອກແຈ້ງການໄປຍັງປະຊາຊົນ ແລະ ຊັ້ນຄົນຕ່າງໆໃນທົ່ວປະເທດ ເອົາໃຈໃສ່ກະກຽມໃຫ້ແກ່ວັນດັ່ງກ່າວໃຫ້ດີທີ່ສຸດ, ພິເສດແມ່ນ ຫຼັງຈາກປ່ອຍປາໄປແລ້ວ, ຕ້ອງມອບໃຫ້ອຳນາດການປົກຄອງແຂວງ, ເມືອງ ແລະ ທ້ອງຖິ່ນເປັນຜູ້ຄຸ້ມຄອງ, ຕິດຕາມ, ກວດກາ ແລະ ເອົາໃຈໃສ່ປົກປັກຮັກສາ, ເພື່ອຮັບປະກັນໃຫ້ປາທີ່ປ່ອຍໃໝ່ ເຕີບໃຫຍ່ຂະຫຍາຍພັນ, ສ້າງ ແລະ ປົກປັກຮັກສາວັງນ້ຳສະຫງວນຕ່າງໆ ໃຫ້ມີຄວາມອຸດົມສົມບູນ, ຂະນະທີ່ການກະກຽມລູກປ່າຂອງ ບັນດາສູນ ແລະ ສະຖານີຜະລິດລູກປາທັງພາກລັດ ແລະ ເອກະຊົນ ມາຮອດປັດຈຸບັນ ຖືວ່າບັນລຸໄດ້ຕາມເປົ້າໝາຍແລ້ວ.

ກົມດັ່ງກ່າວໃຫ້ຮູ້ອີກວ່າ: ຈາກຂໍ້ມູນໃນປີ 2015 ທົ່ວປະເທດເຮົາ ມີວັງສະຫງວນທັງໝົດຫຼາຍກວ່າ 800 ວັງ, ມີສູນ ແລະ ສະຖານີຜະລິດລູກປ່າທັງພາກລັດ ແລະ ເອກະຊົນຫຼາຍກວ່າ 80 ແຫ່ງ, ຊຶ່ງສາມາດສະໜອງລູກປາ ໃຫ້ແກ່ຜູ້ປະກອບການລ້ຽງປາ ໄດ້ພຽງພໍກັບຄວາມຕ້ອງການ ທັງນີ້ກໍເພື່ອແນ່ໃສ່ ຄືນຄວາມອດົມສົມບູນຂອງທຳມະຊາດ ແລະ ມີປາບໍລິໂພກໄດ້ຍາວນານ ແລະ ສຳລັບປ່າທີ່ຈະປ່ອຍໃນປີນີ້ ສ່ວນຫຼາຍແມ່ນປາພັນພື້ນເມືອງ ທີ່ເໝາະສົມກັບແຫຼ່ງນ້ຳໃນທ້ອງຖິ່ນຕ່າງໆຄື: ປາເຄິງ, ປາກົດ, ປາເພ້ຍ, ປາປາກ, ປາເຂັງ, ປາດຸກ, ປາເໝັ້ນ, ປາຕອງ, ປາສະລິດ, ນອກນັ້ນ ຍັງມີພັນປາຕ່າງປະເທດເຊັ່ນ: ປານິນ, ປາໄນ, ປາດຸກພັນ, ປາເກັດແລບ, ປາກິນຫຍ້າ, ປາອິນເດຍ ແລະ ປາອື່ນໆອີກຫຼາຍຊະນິດ ໃນຈຳນວນ 40 ລ້ານໂຕ.

 

ແຫລ່ງຂ່າວ:

ລພນ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...