ສຳນັກຂ່າວຕ່າງປະເທດ ລາຍງານໃນວັນທີ 6 ກໍລະກົດນີ້ວ່າ ຈາກກໍລະນີເກີດສະພາບຝົນຕົກໜັກ ເຮັດໃຫ້ຫລາຍພື້ນທີ່ຂອງປະເທດຈີນ ປະສົບກັບໄພນ້ຳຖ້ວມຢ່າງກະທັນຫັນ ໄດ້ສົ່ງຜົນກະທົບໃຫ້ແກ່ພື້ນທີ່ກະສິກຳ ແລະ ຟາມລ້ຽງສັດຈຳນວນຫລວງຫລາຍ ໃນນັ້ນ ທ້າວ ຫລີ່ ໂຊໝິງ ເຈົ້າຂອງຟາມລ້ຽງໝູແຫ່ງໜຶ່ງ ຢູ່ແຂວງອານຮຸຍ ທາງພາກກາງຂອງປະເທດ ໄດ້ຈຳໃຈບອກລາໝູລ້ຽງຂອງຕົນ ຈຳນວນກວ່າ 6,000 ໂຕ ໄປທັງນ້ຳຕາ ເນື່ອງຈາກບໍ່ສາມາດເຄື່ອນຍ້າຍໝູ ອອກຈາກຄອກທັງໝົດໄດ້ທັນ ເຮັດໃຫ້ເລື່ອງລາວຂອງເຂົາ ໄດ້ຖືກເຜີຍແຜ່ທາງສັງຄົມອອນລາຍຂອງຈີນ ຢ່າງກວ້າງຂວາງ.

ຫລ້າສຸດໃນມື້ວານນີ້ (5 ກໍລະກົດ) ເຈົ້າໜ້າທີ່ລັດຖະບານແຂວງອານຮຸຍ ໄດ້ເຂົ້າໄປໃຫ້ຄວາມຊ່ວຍເຫລືອ ໃນການຂົນຍ້າຍໝູຈຳນວນ 6,000 ໂຕຢູ່ຟາມດັ່ງກ່າວ ອອກຈາກພື້ນທີ່ປະສົບໄພນ້ຳຖ້ວມ ໄປສູ່ພື້ນທີ່ປອດໄພແລ້ວ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!