ໄວລຸ້ນຂີ່ລົດກວນເມືອງຫຼາຍກວ່າ 50 ຄົນ, ຖືກເຈົ້າໜ້າທີ່ໜ່ວຍສະເພາະກິດ ນຳຕົວມາສຶກສາອົບຮົມດ້ານລະບຽບກົດໝາຍເພື່ອໃຫ້ຢຸດເຊົາການປະພຶດສະແດງ ຕົວເປັນນັກເລງອັນຕະພານນາບຂູ່ຕ່າງໆ ອັນເປັນການສ້າງຄວາມບໍ່ສະຫງົບໃຫ້ ກັບ ສັງຄົມ,ພາຍຫຼັງໄວໜຸ່ມຈຳນວນດັ່ງກ່າວຖືກເຈົ້າໜ້າທີ່ກັກຕົວໄດ້ໃນເວລາທ່ຽງ ຄືນຂອງ ວັນທີ 6 ມິຖຸນານີ້.
ທ່ານ ພັນໂທ ຄຳສຸ້ຍ ແກ້ວມະ ນີວົງ ຮອງກົມຕຳຫຼວດຈະລາ ຈອນ, ທັງເປັນ ຮອງອະນຸກຳມະການແກ້ໄຂບັນຫານັກເລງ ອັນຕະພານ ແລະ ແກ໊ງກວນເມືອງ ຢູ່ ນະຄອນຫຼວງວຽງຈັນ ໃຫ້ຮູ້ ວ່າ: ພາຍ ຫຼັງມີຫາງສຽງຈາກ ສັງຄົມກ່ຽວກັບສະພາບ ແກ໊ງກວນເມືອງໄດ້ສ້າງຄວາມລົບ ກວນໃຫ້ກັບສັງຄົມມາດົນ, ເຈົ້າ ໜ້າທີ່ຈຶ່ງໄດ້ ວາງແຜນສະກັດກັ້ນ ແລະ ຈັບກຸ່ມແກ໊ງດັ່ງ ກ່າວຕາມ ເສັ້ນທາງເປົ້າໝາຍນັບແຕ່ຕົ້ນປີນີ້ເປັນຕົ້ນມາສາມາດຢຶດລົດໄດ້ 2.800 ກວ່າຄັນ, ໃນນີ້ມີລົດໃຫຍ່ 4 ຄັນ ແລະ ກັກຕົວໄວລຸ້ນຈຳ ນວນໜຶ່ງມາສຶກສາອົບ, ແນວໃດກໍດີບັນຫາດັ່ງກ່າວຍັງມີໜໍ່ແໜງ
ເກີດຂຶ້ນອີກ, ໂດຍສະເພາະໃນ ໄລຍະ ທ້າຍເດືອນພຶດສະພາມາ ນີ້ ເຫັນວ່າສະພາບແກ້ງກວນເມືອງໄດ້ເລີ່ມສ້າງຄວາມລົບ ກວນໃຫ້ກັບສັງຄົມຢ່າງລຽນ ຕິດ, ສະນັ້ນ ເຈົ້າໜ້າທີ່ສະເພາະ ກິດຈຶ່ງໄດ້ປະສານສົມທົບກັບ ປກສ ນະຄອນຫຼວງວຽງຈັນ, ໄດ້ວາງແຜນສະກັດກັ້ນໂດຍໄດ້ເພີ່ມການ
ກວດກາຕາມສາຍທາງ, ຕາມຕົວເມືອງ ແລະ ໃນທ້າຍອາທິດຜ່ານມານີ້ເຈົ້າໜ້າທີ່ສາ ມາດຈັບແກ໊ງກວນເມືອງຊຶ່ງຍຶດລົດຈັກ ໄດ້ 50 ຄັນ, ລົດໃຫຍ່ 1 ຄັນ ແລະ ໄວໜຸ່ມຫຼາຍກວ່າ 50 ຄົນມາດຳເນີນຄະດີ ແລະ ສຶກສາອົບຮົມ.
ທ່ານ ພັນໂທ ຄຳສຸ້ຍ ແກ້ວມະນີວົງ ກ່າວວ່າ: ໄວລຸ້ນກວນ ເມືອງທີ່ຈັບຕົວໄດ້ສ່ວນໃຫຍ່ມີ ອາຍຸ 14 ປີຂຶ້ນໄປ ແລະ ເສັ້ນ ທາງສ່ວນໃຫຍ່ທີ່ພວກເຂົາມັກຂັບຂີ່ລົດໄປແມ່ນເສັ້ນທາງອານຸສາລະວີ, ໂພນເຄັງ, 450 ປີ ແລະ ຫ້ວຍຫົງ, ຊຶ່ງເປັນອັນລົບ ກວນ ສັງຄົມ ແລະ ພາໃຫ້ເກີດອຸປະຕິເຫດ, ແນວໃດກໍດີພາຍຫຼັງເຈົ້າໜ້າທີ່ຈັບຕົວໄດ້ກໍມີການສຶກສາອົບຮົມກ່ຽວກັບລະ ບຽບຈະລາຈອນ ແລະ ກົດໝາຍອື່ນໆ, ພ້ອມທັງເຮັດບົດບັນທຶກຕໍ່ກັບຜູ້ປົກ ຄອງໃຫ້ຮັບຮູ້ວ່າ: ຊຶ່ງຫາກລູກຫຼານຂອງຕົນກັບ ມາກະທຳຜິດແມ່ນຈະໄດ້ດຳເນີນຕາມລະບຽບກົດໝາຍບ້ານເມືອງ.
ຂອບໃຈຂ່າວຈາກລາວພັດທະນາ