Homeຂ່າວທ້ອງຖິ່ນຊາວໜຸ່ມ-ເຍົາວະຊົນ 300 ກວ່ານ້ອງ ເຂົ້າຮ່ວມໂຄງການເມດຕາທໍາ

ຊາວໜຸ່ມ-ເຍົາວະຊົນ 300 ກວ່ານ້ອງ ເຂົ້າຮ່ວມໂຄງການເມດຕາທໍາ

Published on

ຂປລ. ບັນດາ​ຊາວ​ໜຸ່ມ​ເຍົາວະ​ຊົນ ອ້ອມ​ຂ້າງ​ແຂວງ​ສາລະ​ວັນ 300 ກວ່າ​ນ້ອງ ​ເຂົ້າ​ຮ່ວມ​​ໂຄງການ​ເມດ​ຕາ​ທຳ ​​ໃນ​ໄລຍະ​ພັກ​ໂຮງຮຽນ ເປັນ​ເວລາ 10 ວັນ ​​ເຊິ່ງຈັດ​ໂດຍ ​ອົງການ​ພຸດທະ​ສາສະໜາ​ ແຂວງ​ສາລະ​ວັນ ຮ່ວມ​ກັບ​ ໂຄງການ​ເມດ​ຕາ​ທຳ ​​ໃນ​ວັນ​ທີ 30 ມິຖຸນາ ຜ່ານ​ມາ ​ໃນ​ນີ້, ບັນພະຊາ​ເປັນ​ສາມະ​ເນນຢູ່ 3 ວັດຄື: ວັດ​ກາງ (​​ໄຊຍະ​ພູມ) ​ເມືອງ​ສາລະ​ວັນ ມີ 135 ນ້ອງ, ​ວັດ​ບ້ານ​ວາປີ ​ເມືອງ​ວາປີ 123 ນ້ອງ ​ແລະ ວັດ​ສີ​ບຸນ​ເຮືອງ ​ເມືອງ​ລະຄອນ​ເພັງ 66 ນ້ອງ, ​ໃນ​ນັ້ນ ​ມີໄວໜຸ່ມ​ຍິງ​ເກືອບ 100 ນ້ອງ.

ຕະຫລອດ​ໄລຍະ 10 ວັນ ​ແມ່ນ​ຈະໄດ້ສຶກສາຮໍ່າຮຽນຫລັກທໍາ 3 ເປົ້າໝາຍ ແລະ 4 ຈຸດປະສົງ, ເສີມສ້າງທັກສະຊີວິດ ປ່ຽນແປງພຶດຕິກໍາ, ສ້າງທັດສະນະຄະຕິທີ່ດີຂຶ້ນ ດ້ວຍການສຶກສາອົມຮົມທາງດ້ານຈາຣິຍະທັມ ແລະ ສ້າງຕົນເອງ ໃຫ້ເກີດປະໂຫຍດແກ່ສັງຄົມ. ທັງ​ນີ້​ ກໍເພື່ອນໍາອົານັກຮຽນ ຫັນໜ້າເຂົ້າສູ່ພະທຳ ຄໍາສອນໃນພຸດ ທະສາສະ ໜາ ແລະ ວັດທະນະທຳ ຮີດຄອງປະເພນີອັນດີງາມ, ປ້ອງກັນບໍ່ໃຫ້ເກີດມີ ການອາລະວາດຜິດຖຽງກັນ ລະຫວ່າງໝູ່ຄູ່ຮ່ວມຮຽນ, ທັງ​ເປັນ​ການປູກຈິດສຳນຶກ ໃຫ້ນັກຮຽນ ແຍກໄດ້ລະຫວ່າງ ຄວາມດີ-ຄວາມຊົ່ວ, ຮຽນຮູ້ວິຊາ ພຸດທະສາສະໜາ, ສາສະໜາ ພິທີ ແລະ ວິຊາຄວາມຮູ້ພື້ນຖານ ກ່ຽວກັບເຮສໄອວີ/ເອສ, ຢາເສບຕິດ, ສິດທິມະມຸດ ​ແລະ ຫລັກ​ທຳ​ຄຳ​ສອນອື່ນໆ.

 

ທີ່ມາ: http://kpl.gov.la/detail.aspx?id=14537

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...