spot_img
Homeຂ່າວທ້ອງຖິ່ນສະພາປະຊາຊົນແຂວງສາລະວັນ ດຳເນີນກອງປະຊຸມຄັ້ງປະຖົມມະລືກ ຢ່າງເປັນທາງການ!

ສະພາປະຊາຊົນແຂວງສາລະວັນ ດຳເນີນກອງປະຊຸມຄັ້ງປະຖົມມະລືກ ຢ່າງເປັນທາງການ!

Published on

ກອງປະຊຸມຄັ້ງປະຖົມມະລືກຂອງ ສະພາປະຊາຊົນແຂວງສາລະວັນ ຊຸດທີ I ໄດ້ໄຂຂຶ້ນຢ່າງເປັນທາງການ ໃນວັນທີ 29 ມີຖຸນານີ້ ທີ່ສະໂມສອນໃຫຍ່ຂອງແຂວງ ໂດຍການເປັນປະທານຂອງ ທ່ານ ສີສຸວັນ ວົງຈອມສີ ກຳມະການສູນກາງພັກ ເລຂາພັກແຂວງ ເຈົ້າແຂວງສາລະວັນ ທັງເປັນປະທານ ຄະນະກຳມະການເລືອກຕັ້ງຂັ້ນແຂວງ. ໃນກອງປະຊຸມ, ທ່ານ ສີສຸວັນ ວົງຈອມສີ ໄດ້ກ່າວໄຂກອງປະຊຸມ ໂດຍທ່ານ ໄດ້ຍົກໃຫ້ເຫັນວ່າ: ໃນຕໍ່ໜ້າສະພາປະຊາຊົນແຂວງສາລະວັນ ຈະສຸມໃສ່ຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ X ຂອງພັກ ກໍຄືມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ແລະ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ເພື່ອແກ້ໄຂຄວາມທຸກຍາກ ຂອງປະຊາຊົນບັນດາ ເຜົ່າ, ຊຸກຍູ້ການຜະລິດເປັນສິນຄ້າ, ສ້າງຕົວແບບໃນແຕ່ລະຫົວໜ່ວຍການຜະລິດ ດ້ວຍຮູບການຂຸດຄົ້ນ ທ່າແຮງບົ່ມຊ້ອນຂອງທ້ອງຖິ່ນ ເພື່ອພັດທະນາຊີວິດການເປັນຢູ່ ຂອງປະຊາຊົນບັນດາເຜົ່າ, ຊຸກຍູ້ການຜະລິດເປັນສິນຄ້າ, ສ້າງຕົວແບບໃນແຕ່ລະຫົວໜ່ວຍການຜະລິດ ດ້ວຍຮູບການຂຸດ ຄົ້ນທ່າແຮງບົ່ມຊ້ອນຂອງທ້ອງຖິ່ນ ເພື່ອພັດທະນາຊີວິດການເປັນຢູ່ຂອງປະຊາຊົນບັນດາເຜົ່າ ໃນທົ່ວແຂວງໃຫ້ດີຂຶ້ນເທື່ອລະກ້າວ ຈົນກ້າວໄປເຖິງການລົບລ້າງຄວາມທຸກຍາກ ໃນປີ 2020.

ກອງປະຊຸມຄັ້ງນີ້ ໄດ້ສຸມໃສ່ພິຈາລະນາ ແລະ ຕົກລົງບັນຫາສຳຄັນພື້ນຖານຂອງແຂວງ ຮັບຟັງຜົນການເລືອກຕັ້ງ ແລະ ຢັ້ງຢືນຄຸນລັກສະນະຂອງ ສະມາຊິກສະພາປະຊາຊົນຂັ້ນແຂວງ, ເລືອກຕັ້ງປະທານ, ຮອງປະທານ ແລະ ກຳມະການຄະນະປະຈຳ ສະພາປະຊາຊົນແຂວງ, ພິຈາລະນາຮັບຮອງເອົາການແຕ່ງຕັ້ງປະທານ, ຮອງປະທານ, ກຳມະການ ເລຂາທິການ ແລະ ພິຈາລະນາຮັບຮອງເອົາ ໂຄງປະກອບກົງຈັກສະພາປະຊາຊົນແຂວງ, ເລືອກຕັ້ງເຈົ້າແຂວງ, ພິຈາລະນາຮັບຮອງເອົາ ໂຄງປະກອບກົງຈັກຂອງອົງການປົກຄອງແຂວງ ແລະ ພິຈາລະນາຮັບຮອງເອົາ ການສະເໜີແຕ່ງຕັ້ງຮອງເຈົ້າແຂວງ, ຫົວໜ້າພະແນກການ ແລະ ອົງການທຽບເທົ່າຂັ້ນພະແນກຂອງແຂວງ, ພິຈາລະນາຮັບຮອງເອົາ ການແຕ່ງຕັ້ງປະທານສານປະຊາຊົນ ແລະ ຫົວໜ້າອົງການໄອຍະການປະຊາຊົນແຂວງ. ພິຈາລະນາຮັບຮອງເອົາ ວິໄສທັດຮອດປີ 2030, ປີ 2025 ແລະ ແຜນພັດທະນາເສດຖະກິດ- ສັງຄົມ 5 ປີຂອງແຂວງ ແລະ ຮັບຮອງແຜນງົບປະມານປະຈຳປີ 2015-2016 ແລະ ແຜນ 3 ເດືອນ ເພື່ອກ້າວເຂົ້າສູ່ລະບົບປະຕິທິນໃໝ່ ແລະ ບັນຫາສຳຄັນອື່ນໆອີກຈຳນວນໜຶ່ງ.

 

ແຫລ່ງຂ່າວ:

ປຊຊ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...