spot_img
Homeຄົມຄິດຄົມຄົນຍອມຮັບ "ຄວາມຜິດຫວັງ" ໃຫ້ເປັນ ເພື່ອວັນຂ້າງໜ້າທີ່ດີກວ່າ

ຍອມຮັບ “ຄວາມຜິດຫວັງ” ໃຫ້ເປັນ ເພື່ອວັນຂ້າງໜ້າທີ່ດີກວ່າ

Published on

ຊີວິດຂອງຄົນເຮົາຕ້ອງພົບກັບເລື່ອງຜິດຫັວງ, ສົມຫວັງ, ມີດີໃຈ, ເສຍໃຈ, ຕົກໃຈ, ຕື່ນເຕັ້ນ… ສິ່ງເຫຼົ່ານີ້ເລື່ອງທຳມະຊາດຂອງມະນຸດ ເຊິ່ງແຕ່ລະຄົນກໍ່ຈະພົບພໍ້ເຫດການຕ່າງໆບໍ່ຄືກັນ ແລະ ຊ່ວງເວລາກໍ່ແຕກຕ່າງກັນໄປ ແຕ່ຖ້າຫາກກຳລັງຕົກຢູ່ໃນພາວະຄວາມຜິດຫວັງ, ຄວາມເສຍໃຈ ບໍ່ວ່າຈະຜິດຫວັງກັບເລື່ອງວຽກ, ເລືອງຮຽນ, ເລື່ອງຄວາມຮັກ, ເລື່ອງການເງິນ…ກໍ່ຕ້ອງຮູ້ວິທີຮັບມືກັບມັນໃຫ້ໄດ້ ເພາະທຸກເລື່ອງລາວມັນມີຜ່ານມາ ແລະ ກໍ່ຈະຜ່ານໄປໃນທີ່ສຸດ ວັນນີ້ເຮົາລອງມາອ່ານວິທີ ຍອມຮັບ “ຄວາມຜິດຫວັງ” ໃຫ້ເປັນ ເພື່ອວັນຂ້າງໜ້າທີ່ດີກວ່າ
 
1. ຖ້າຢາກຮ້ອງໄຫ້?.. ກໍ່ຮ້ອງໄຫ້ອອກມາໃຫ້ມັນເຕັມທີ່ໂລດ ເພາະການໄຫ້ກໍ່ແມ່ນການລະບາຍຄວາມຮູ້ສຶກທີ່ເຈັບປວດອອກມາໄດ້ອີກວິທີໜຶ່ງ
 
2. ເສຍໃຈໄດ້…ແຕ່ຢ່າໃຫ້ເສຍຄົນ ການເສຍໃຈນັ້ນກໍ່ເຮັດໃຫ້ເຮົາຮູ້ວ່າເຮົາກໍ່ມີຫົວໃຈ, ມີຄວາມຮູ້ສຶກເໝືອນກັບຄົນອື່ນ ແຕ່ຕ້ອງຮູ້ຈັກຄວບຄຸມ ຮູ້ຈັກຄວາມພໍດີ ຢ່າຄິດວ່າຕົວເອງບໍ່ມີຄຸນຄ່າ ແລະ ຢ່າທຳຮ້າຍຕົວເອງ ດ້ວຍການກະທຳໃນຮູບແບບໃດກໍ່ຕາມ ທ່ານຈົ່ງຮັກຕົວເອງໃຫ້ຫຼາຍ
 
3. ຢ່າເກັບກົດ ຫຼື ແບກຄວາມທຸກໄວ້ພຽງລຳພັງ ຖ້າວັນນີ້ທ່ານຮູ້ສຶກໝົດແຮງ, ຮູ້ສຶກທໍ້ແທ້ ໃຫ້ທ່ານຖອຍໄປຕັ້ງຫຼັກກ່ອນ ຖອຍກັບໄປຫາຄອບຄົວ ໄປຫາພໍ່ແມ່ ຫຼື ເພື່ອນທີ່ດີທີ່ສຸດ ບາງເລື່ອງທີ່ສາມາດລະບາຍອອກໄປໄດ້ກໍ່ລະບາຍອອກໄປ ເພາະເກັບໄວ້ຫຼາຍກໍ່ເຮັດໃຫ້ທ່ານອຶດອັດໃຈລ້າໆ
 
4. ປະຕິບັດກັບຕົວເອງໃໝ່ ພະຍາຍາມປັບປຸງຕົວເອງໃຫ້ເປັນຄົນໃໝ່ ເພື່ອຕ້ອນຮັບວັນໃໝ່ດີກວ່າເກົ່າ
 
5. ປັບປ່ຽນຄວາມສົນໄປຫາສິ່ງໃໝ່ໆ ທ່ານຄວນປ່ອຍສິ່ງເກົ່າໆອອກໄປ ແລ້ວຄິດເລື່ອງໃໝ່ໆ ໄປສະຖານທີ່ໃໝ່ໆ ເຮັດກິດຈະກຳໃໝ່ໆທີ່ບໍ່ເຄີຍເຮັດ ໃຫ້ເວລາກັບຕົວເອງ ແລ້ວບໍ່ດົນທ່ານຈະລືມເລື່ອງລາວເກົ່າໆໄປໄດ້
 
6. ໃຫ້ຄິດວ່າສິ່ງທີ່ພົບນີ້ຄືອີກໜຶ່ງປະສົບການ ຄວາມຜິດຫວັງມັນບໍ່ແມ່ນສິ່ງທີ່ຊົ່ວຮ້າຍສະເໝີໄປ ເພາະມັນຈະເປັນເໝືອນບົດຮຽນອີກບົດຮຽນໜຶ່ງທີ່ສອນໃຫ້ເຮົາຮູ້ຈັກຄິດຫຼາຍຂຶ້ນກວ່າເກົ່າ
ຮຽບຮຽງໂດຍ: ແອັດມິນ ປັອກເລັກ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...